Anatolij Rjabov
Syntax of Erzian
Grammar
Published: 1935
First professor of Mordvinian languages, repressed
Electronic version compiled and edited by: Jack Rueter
Proof-reader: Римма Аверъянова, 2000.
ИКЕЛЬСЬ ВАЛ

Эрзянь келень синтаксисэсь омбоцеде нолдамсто ламосо топавтозель ды ламонь кувалт одс теезель.


Васень нолдавкс тонавтнема книгась ульнесь васень снартома - сёрмадомс эрзянь келень синтаксисэнь тонавтнема книга. Те ульнесь пек стака тев. Секс, весе сонсензэ а сатыкс тарканзо лангс апак вант, те тонавтнема книгась ульнесь покш тевекс родной келень культуранть тевсэнть. Ней миненек можна те васень опытэнть коряс эскельдямс яла икелев ды иеде-иес яла паролгавтомс те тонавтнема книганть.


Книганть омбоцеде нолдамстонзо авторонть ульнесть седе парт условиянзо.


Васняяк, неень шканень улить уш МАССР-энь Наркомпроссо кемекстазь вейкеть, ды весе автортнэнь обязательной грамматикань терминология, кона целанек ютавтозь те нолдавксонть эйсэ ды максозь справочникекс тонавтнема книганть песэ.


Омбоцекс, эрзя-мокшонь келень колмоце конференциясь, кона ульнесь Саран ошсо 1935 иень январь ковсто, макссь ламо лезэв невтемат авторонтень, конатнень сон мелезэнзэ саинзе те тонавтнема книганть одс витнемстэнзэ омбоцеде нолдамс.


Колмоцекс, эрзянь школатнень иень перть роботамонь опытэст тонавтнема книганть кувалт истя жо макссь кой-кодамо материал. Кона лездась авторонтень паролгавтомост кона-кона таркатнень книгасонть.


Мейсэ жо явови те омбоце нолдавкс книгась васень нолдавксонть коряс?


Сех пек явови сень эйсэ, што тонавтнема книгась пек покшолгавтозь. Книгантень совавтозь цела од пелькс явовикс вал велетнеде, тень кувалт книгась ней куш элементарной, ялатеке сон - синтаксисэнь прядозь курс.


Теде башка книгантень совавтозь методикань коряс строязь упражненият практикань роботамонь кис синтаксисэнть весе пельксэнзэ кувалт. те пек шождалгавтсы учителенть роботанзо менстьсы се тевденть, штобу эрьва раз яжамс прянзо эрявикс примертнэнь ды упражнениятнень арсемс ды мукшномс.


Теориянь пелькссэнть весе текстэсь ды весе формулировкатне истя жо одов ваннозь ды витнезь, кува эрявсь.


Минь арсетяно, што омбоце нолдавкс тонавтнема книгась максы учителентень седе покш лезэ сонзэ роботасонзо, куш сонзэ эшо муевить сатышкасто ламо а сатыкс таркат.


Те нолдавкс тонавтнема книганть кувать роботамсто, паряк. Карми неявомо, што практикань пельксэнть примертнэсэ ламо истят примерт, конат саезь рузонь кельстэ эрзякс сёрмадозь произведениясто, сех пек истят примертнэ понгоныть явовикс вал велетнеде пельксэнть эйсэ. Виде, истят произведениятнестэ саезь неть таркатне максыть истямо материал, кона парсте лади синтакссисэнть те эли тона таркантень, козо сынь аравтозь; ялатеке минь арсетяно, што икеле пелев те тонавтнема книганть лангсо роботась карми молеме практикань пельксэнть кувалткак истя, штобу кочксемс истят жо синтаксисэнтень парсте ладиця таркат эрзянь литературань произведениятнестэ.


Весе практикань упражнениятнень пурнынзе, сёрмадынзе ды опытсэ проверинзе Московсо эрзянь аволь полной средней школасонть роботамсто С.З. Варламов.


(Ф. Советкин.)



А ЯВОВИКС ВАЛ ВЕЛЕ


1. Вал веле.


Кортамсто ломанесь валсо невти лия ломаннень эсь арсеманзо. Арсемась листо ёвтави вейке валсо, лиясто - кавто, колмо ды седе ламо валсо. Неть валтнэ улест вейс сюлмавозь арсемань кувалт ды чаркодемань кувалт.


Сайтяно пример.


Чопотетсь. Веленть лангс валгсь ве.


Тесэ кавто вал велеть, кавто арсемат.


Васенце арсемась ёвтазь ве валсо, омбоце арсемась - ниле валсо.


Вейке эли ламо валсо чаркодевикстэ ёвтазь ды прядозь арсеманть эйстэ мерить вал веле.


Сайтяно кодамояк эрзянь книга. Карматано ловномонзо. Те книгасонть те эли тона страницасонть сёрмадозь вал велетне аравтозь аволь кода понгсь. Сынь молить мельсек-мельсек. Сёрмадыцянть арсеманзо, прок чудизь чудить, ёвтавить вал велетнесэ. Арсематнень ютксо сюлмавксось чарькодеви башка-башка вал велетнень сынсест эйстэ. Зярдо кортыцянть мелезэ, штобы кулцоныцясь друк чаркодевлинзе, конат арсематне конатнень марто седе малацек сюлмавозь ды мезень кувалт вейс сюлмавить эсь ютковаст арсематне, сестэ сон вейс сюлмавты кавто эли зярыя вал велеть. Лиси вейке вал веле, кона теевсь истямо пельксэстэ, конат башка-башка саезь сынст улить вал велекс.


Истямо вейс путозь вал веленть эйстэ мерить явовикс вал веле.


Сон шождынестэ явови кавто эли колмо эли лиясто седе ламо вал велекс.


Се вал веленть эйстэ, конасто а теевить башка-башка вал велеть, мерить а явовикс вал веле.


Сайтяно примерт.


Стададо икеле стясь Купа. Мольсь колхозонь правлениянть икелев. Якстере лазонть лангс сёрмадозь сынь Гава марто. Потмонь кирвазезь мольсь Купа паксяв. Сонензэ марявсь якстере весе масторось. Сех якстере ульнесь чи лисемась (Н.Э.)


Тесэ кото арсемат. Неть кото арсематне явозь кото башка, башка вал велес. Неть кото вал велетне - а явовикс вал велеть. Сынст эсь ютковаст вейс сюлмавомаст вадрясто неяви.


Сайтяно лия пример.


Сеялкань сошникатне молить мелка кевтнень юткова, ды эсь ютковаст прок кортнить сынь. Вармась яла пуви, шкась яла моли. Таго виренть чирес лоткасть лишметне, таго таргамо качамнэсь тапазь кесакокс кепететсь Гавань ды Купань пряст велькссэ (Н.Э.)


Тесэяк кото арсемат. Неть кото арсематне ёвтазь колмо вал велесэ. эрьва вал велесэнть ёвтавить кавтонь-кавтонь арсемат. Неть вейс путозь вал велетне - явовикс вал велеть.


Се валонть эйстэ, кона невти, киде эли мезде кортыть вал велесэнть, мерить подлежащей.


Сон пшкади истямо кевкстемань каршо: кие? мезе? мезесь?


Сайтяно истят вал велеть.


Ялгам тонавтни Саран ошсо. Кие тонавтни? Ялгам (подлеж.). Паксясо зэрни трактор. Мезе зэрни? Трактор (подлеж.). Коллективсэ эрямось вадря. Мезесь вадря? Эрямось (подлеж.).


Се валонть эйстэ, кона вал велесэнть невти, мезе теи предметэсь, эли мезе мартонзо тееви, кодамо сон эли мезе сон, мерить сказуемой.


Примерт.


Цёрынесь парсте тонавтни.


Мезе тейни цёрынесь? Тонавтни (сказуем.).


Чополгадсть ветне.


Мезе теевсь ветнень марто? Чополгадсть (сказуем.).


Нирькалгадсть читне.


Мезе теевсь читнень марто? Нирькалгадсть (сказуем.).


Кизэнь чись кувака.


Кодамо кизэнь чись? Кувака (сказуем.).


Ударникесь парсте роботы.


Мезе теи ударникесь? Роботы (сказуем.).


Эхрем - паро атяль.


Тесэ сказуемоекс ашти атяль валось. Сон - пингставиця лем вал.


Эщо истят примерт.


Эхрем атясь пароль.


Кодамоль атясь? Пароль (сказ.)


Мон ударникан?


Киян мон? Ударникан (сказ.)


Тон бригадират.


Кият тон? Бригадират (сказ.)


Тынь тонавтницятадо.


Китядо тынь? Тонавтницятадо (сказ.)


Минь колхозниктано.


Подлежащейде ды сказуемойде башка вал велесэ эрсить истят валт, конат тейсызь вал веленть седе чаркодевиксэкс. Истят валтнэде мерить чаркодевтиця валт.


Пример.


Якстере отрядось туи велестэ.


Кодамо отрядось? Якстере (чаркодевтиця вал).


Косто туи? Велестэ (чаркодевтиця вал).


Чаркодевтиця валтнэ чаркодевтить аволь ансяк подлежащеенть ды сказуемоенть, сынь лиясто чаркодевтить аволь ансяк подлежащеенть ды сказуемоенть, сынь лиясто чаркодевтить чаркодевтиця валтнэньгак.


Пример.


Каладозь ташто кудыненть сёвонень трубасто лиси кизяконь качамо.


Подлежащеесь тесэ качамо. Икелензэ ашти чаркодевтиця вал кизяконь. Те валось чаркодевти подлежащеенть, сон пшкади мезень? Кевкстеманть каршо.


Сказуемоесь те вал велесэнть лиси валось. Сонзэ чаркодевти трубасто валось (пшкади косто? кевкстемань каршо). Трубасто чаркодевтиця валонть сонсензэ улить кавто чаркодевтиця валонзо: сёвонень (пшкади кодамо? кевкстемань каршо) ды кудыненть (пшкади мезень? кевкстемань каршо).


Кудыненть чаркодевтиця валонть таго улить кавто чаркодевтиця валонзо: ташто ды каладозь (кавонест сынь пшкадить кодамо? кевкстемань каршо).


Вал велесэ весе чаркодевтиця валтнэ явовить кавтов:


1) веенст - подлежащеень чаркодевтиця валт,


2) омбонст - сказуемоень чаркодевтиця валт.


Сайсынек секе вал веленть.


Каладозь ташто кудыненть сёвонень трубасто лиси кизяконь качамо.


Те вал веленть пельксэнзэ минь явсынек группан-группань ды сёрмадсынек истямо схемас:


Качамо (подлеж.) - кизяконь (чаркодевтиця вал)


Лиси (сказ.) - трубасто (чаркодевтиця вал) - сёвонень (чаркодевтиця вал) - кудынень (чаркодевтиця ) - ташто (чаркодевтиця вал) - каладозь (чаркодевтиця вал)


Подлежащеесь, сказуемось ды чаркодевтиця валтнэ - вал велень пелькст.


Подлежащеенть ды сказуемоенть эйстэ мерить вал велень прявкс пелькст.


Чарькодевтиця валтнэде мерить вал велень омбоць пелькст.


Вал веледенть, конасо улить ансяк вал велень прявкс пелькст (подлежащей ды сказуемой) мерить а келей вал веле.


Вал веледенть, конасо подлежащейде ды сказуемойде башка улить чаркодевтиця валткак, мерить келей вал веле.


Эрзянь кельсэ эрсить истят вал велеть. Конат ёвтазь ве валсо. Примерт.


1. кудосонзолинек.


2. Колхозсолиде.


3. Совхозсольть.




Неть велетне ёвтазь ве валсо. Яла теке сынст чаркодевксэст ламо валсо ёвтазь вал велень кондямо.


Формань кувалт сынь а келей вал велеть. Чаркодевксэнь кувалт сынь келей вал велень кондят.


Кудосонзолинек. - Минь ульнинек сонзэ кудосо.


Колхозсолиде. - Тынь ульниде колхозсо.


Совхозсолить. - Сынь ульнесть совхозсо.



2. Подлежащей.


Вал велесэ подлежащеесь эрси:


1. Предметэнь лем васенце поладкссо.


Пример. Велесь кекшевсь лов алов.


Тесэ подлежащеесь - велесь.


Ушосто совась Эхрем. Тесэ подлежащеесь - Эхрем.


Лиясто подлежащеесь ёвтави аволь вейке валсо.


Пример.


Тетят-цёрат тусть базаров.


Тесэ подлежащеесь карми улеме - тетят-цёрат.


Сайтяно лия вал веле.


Иванка марто Дригат умок совасть колхозс.


Тесэ подлежащеесь карми улеме - Иванка марто Дригат.


2. Ловомань лем васенце поладксо.


Пример.


Вете коммунист тусть исяк совхозов.


Тесэ подлежащеесь карми улеме - вете коммунист.


Кавксо явови кавтов кадовикстэме.


Тесэ подлежащеесь кавксо.


Ламо делегатт пурнавкшность Саран ошов келень конференцияв.


Подлежащеекс кармить улеме кавто валт - ламо делегатт.


Колмо нилеце пелькст кавто колмоце пелькстнэ ламо.


Тесэ подлежащеесь - колмо нилеце пелькст.


Кавксть ниле - кавксо.


Тесэ подлежащеесь - кавксть ниле.


3. Лем полавтовкс васенце поладкссо.


Мон эрян Кочкур велесэ.


Тесэ подлежащеесь - мон.


Тон тонавтнян педтехникумсо.


Тесэ подлежащеесь - тон.


Сон роботы пединститутсо.


Тесэ подлежащеесь - сон.


4. Теемань вал инфинитив формассо.


Те планонть шкастонзо прядомс а стака.


Тесэ подлежащеесь - прядомс (инфинитив форма)


5. Лем вал лицянь пе марто.


Авам эри велесэ. Тесэ подлежащеесь - авам.



4. Сказуемой.


Вал велесэ сказуемойкс эрси:


1. Теемань вал неень шкань, сы шкань ды ютась шкань эрьва кодамо формасо.


Сайтяно истят примерт.


Минек бригадась сырги паксяв.


Тесэ сказуемоесь - сырги. Сон ёвтазь теемань валсо неень шкань 3 лицянь вейкень числань формасо.


Минек колхозось ванды рами лишме.


Те вал велесэнть сказуемоесь - рами.


Теяк сказуемоесь теемань вал, ансяк ёвтазь сон сы шкань 3 лицянь вейкень числань формасо.


Неть кавонест вал велетнесэ подлежащеесь ашти вейкень числасо (бригадась). Секс сказуемоеськак аравтозь вейкень числасо. Улевельгак подлежащеесь аравтозь ламонь числасо, сестэ сказуемоеськак улевель ламонь числасо.


Кискась кирнявтсь Илькань элес.


Тесэ сказуемоекс ашти - кирнявтсь. Те - теемань вал ютась шкань 3 лицянь вейкень числань.


Кудо прясь лондадсь.


Тесэ скауемоесь - лондадсь.


Мон мекев лисиксэлинь.


Тесэ скауемоесь - лисексэлинь.


Мон эрзякс карман тонавтнеме.


Тесэ скауемоекс аштить кавто валт - карман тонавтнеме.


Тонтеметь те тевесь аволь теев.


Тесэ скауемоекс аштить кавто валт - аволь теев.


Онксынк ванды эсь сталмонк.


Тесэ скауемоесь - онкстынк, ашти сон кармавтомань формасо.


2. Сказуемоекс аштить теемань валт кода объекттэме формасо, истя жо объект марто формасояк.


Мон парсте содаса.


Тесэ скауемоесь - содаса.


Те - теемань вал объект марто пингстамонь формасо.


Лишметнень андсынек ды сыргатано.


3. Теемань валдо башка сказуемоекс эрсить лия кортамо пелькстак.


Метрополитенэсь - мода алга ки.


Тесэ скауемоесь - ки. те предметэнь лем вал васенце (именительной) поладкссо.


Мон коммунистан.


Лелям инженер.


Революциядо икеле сон стада ваныцяль.


Васенце вал велесэнть сказуемоесь - коммунистан. Тесэ коммунист предметэнь лем валось ашти пингстамонь формасо (неень шка).


Колмоце вал велесэ сказуемоесь - стада ваныцяль. Тесэяк ваныцяль лем валось ашти пингстамонь формасо (ютась шка).


Лиси: лиясто сказуемоесь ёвтави лем валонь пингставиця формасо.


Вере минь кортынек предметэнь лем валдо. Признаконь лем валтнэяк молить весе предметэнь лем валтнэнь марто ве ёнов.


4. признаконь лем валтнэяк эрсить сказуемойкс.


Сайтяно кавто примерт.


Колхозонок покш.


Курок умартне кармить улеме якстереть.


Васенце вал велесэнть сказуемоесь покш. Те валось - признаконь лем вал.


Омбоце вал велесэнть сказуемоесь ёвтазь колмо валсо: кармить улеме якстреть.


Признаконь лем валось, кона ашти сказуемоекс, сюлмави подлежащеенть марто числань коряс: бути подлежащеесь ашти вейкень числасо (колхозонок), сестэ сказуемоеськак ашти вейкень числасо (покш), бути подлежащеесь ламонь числасо (умартне), сказуемоеськак ламонь числасо - (кармить улеме якстереть).


Сказуемоекс аравтозь признаконь лем валтнэ сеедьстэ аштить пингставиця формасо (неень ды ютась шкасо).


Монь ваньксан.


Тон рудазоват.


Исень пьесась вадряль.


Мон сестэ одолинь.


Васенце вал велесэнть сказуемоесь - ваньксан.


Омбоце вал велесэнть - рудазоват.


Кавонест неть валтнэ - признаконь лем валт. аштить сынь пингставиця формасо, неень шкань формасо.


Колмоце вал велесэнть сказуемоесь - вадряль.


Нилеце вал велесэнть сказуемоесь - одолинь.


Неть сказуемойтнеяк кавонест - признаконь лем валт. аштить сынь ютась шкань пингставиця формасо.


5. Сказуемоекс сеедьстэ эрси ловомань лем.


Сайтяно пример.


Нилексть колмо - кемгавтово.


Колхозонь правлениянь кудось пестэ нилеце.


Мон эйкакштнэнь ютксо нилецян.


Васенце вал велесэнть сказуемоесь - кемгавтово. Те валось - ловома лем.


Омбоце вал велесэнть сказуемоесь - нилеце. Те таго ловомань лем.


Колмоце вал велесэнть сказуемоесь - нилецян. Теяк сказуемоесь ловомань лем, ансяк аравтозь сон пингставиця формасо (нилецян, нилецят, нилецетяно, нилецетядо, нилецеть). Те формась - неень шкань форма)


Сказуемоесь листо аравтови ловома лемень ютась шкань пингставиця формасо.


Сон эйкакштнэнь ютксо нилицель.


Те примерэнть эйсэ сказуемоесь ашти ютась шкань формасо.


6. Сказуемоекс лиясто эрси лем полавтовкс.


Сайтяно примерт.


Те книгась сонзэ.


Мекс тон истямат?


Мекс тон истямокс велявтыть?


Тон кият?


Васенце вал велесэнть сказуемоесь - сонзэ.


Омбоце вал велесэнть сказуемоесь - истямат.


Колмоце вал велесэнть сказуемоекс аштить кавто валт - истямокс велявтыть.


Ветеце вал велесэнть сказуемоесь - кият.


Весе неть сказуемойтне - лем полавтовкст.


Колмоце ды ветеце вал велетнесэ сказуемойтне - пингставиця лем полавтовкст.


7. Сказуемоекс лиясто эрсить лем валтнэнь поладкстомань формаст. Поладкстэ эрить эрьва кодат.


Эйкакштнэ течи кудосот.


Те вал велесэнть сказуемоесь - кудосот. Кудо лем валось аравтозь ветеце (местной) поладкссо ды сонянзэ педявтозь пингставиця ламонь числань суффикс (т).


Дурак куярось пондошкаль.


Те вал велесэнть сказуемоесь - пондошкаль.


Пондо лем валось аравтозь вейксэце (сравнительной) поладкссо ды сонь эщо пингтсавиця ютась шкань формасо.


Цёрынесь шапкавтомо.


Тесэ сказуемоесь - шапкавтомо. Шапка лем валось аравтозь кеменце (изъявительной) поладкссо.


8. Сказуемоекс арси теемань вал инфинитив формасо.


Сайтяно пример.


Икеленек аштиця покш задачась - мезе ули вийсэ виевгавтомс колхозтнэнь.


Тесэ сказуемоесь - виевгавтомс. Эряви валось тесэ апак сёрмадт. Виевгавтомс - теемань вал инфинитив формасо.


Истямо сказуемоенть эйстэ, кона ёвтазь ансяк вейке теемань валсо, мерить простой сказуемой.


Сайтяно пример.


Мон тонавтнян рабфаксо.


Тонавтнян валось тесэ - сказуемой.


Истямо сказуемоенть эйстэ, конасо кодамояк кортамо пелькстэ башка ули эщо теемань вал ульнинь эли улян, карман улеме эли карман. Мерить вейс путозь сказуемой.


Курок мон карман роботамо совхозсо.


Тетязо ульнесь тонавтыця.


Васенце вал велесэнть сказуемоесь - карман роботамо.


Омбоце вал велесэнть сказуемоесь - ульнесь тонавтыця.


Эщо кавто примерт.


Лелязо ульнесь колхозонь бригадир (бригадирэль).


Сазорозо курок карми улеме агроном.


Улян, ульнинь. Карман. Карминь теемань валтнэнь, конат эрсить вейс путозь сказуемойсэ, тесэ арась сынсест значенияст, сынь ансяк невтить шка, числа ды лиця.


Неть валтнэде мерить сюлмавкст. Эряви мельсэ кирдемс вана мезе: улемс теемань валонть арась неень шказо. Эрзякс а мерить: течи мон дежурной, - эряви дежурной валонть аравтомс пингставиця формасо. Лисить сестэ истят валт велеть:


Течи мон дежурноян.


Тон студентат.


Минь тонавтницятано.


Тынь ударниктадо.


Сынь лодырть.


Сайтяно эщо кавто-колмо примерт, конатнесэ седе чаркодеви истят сказуемойтнень ламо валонь кондямо чарькодевксэст.


Мон исяк дежурноелинь.


Тон студентэлить.


Сон тонавтыцяль.


Минь тонавтлицялинек.


Тынь ударникелиде.


Сынь лодыртельть.


Неть вал велетнень лиякс можна ёвтамс вана кода:


Мон исяк ульнинь дежурной,


Тон ульнить студент.


Сон ульнесь тонавтыця.


Минь ульнинек тонавтницят.


Тынь ульниде ударникт.


Сынь ульнесть лодырть.


Неть кавто таблицатнень эйстэ неяви вере васенце примертнэсэ сказуемойтнень ламо валонь кондямо чарькодевксэст.


Дежурноелинь - ульнинь дежурной.


Сынь лодыртельть - сынь ульнесть лодырть.


Подлежащеенть ды вейс путозь сказуемоенть ютксо сюлмавксонь таркас лиясто путнить те.


Комбайнась - те истямо машина, кона ве шкане леди, пурны ды пивсы сюро.


Эликтричествась - те истямо вий, кона максы тол. Лембе, машинань велявтома вий ды лият.



5. Кодат лоткамо тешкст эряви путнемс


вейс путозь сказуемой марто велесэ.


Сайтяно кодамояк вейс путозь сказуемой марто вал веле. Кадык те сказуемоесь ёвтазь предметэнь лем валсо, ловомань лемсэ, полавтовкссо (васенце поладкссо) инфинитивсэ.


Бути истямо вейс путозь сказуемой марто вал велесэнть арась сюлмавкс, сестэ сюлмавксонть таркась эряви путомс тире.


Сайтяно примерт.


Лелям - колхозонь бригадир.


Кавксть кавто - ниле.


Сех вадря ударникенек - тон.


Икеленек аштиця покш задачась - парсте тонавтнемс.


Эряви мельсэ кирдемс вана мезе: тире вейс путозь сказуемоенть икеле а эряви путомс, зярдо подлежащеекс улить истямо лем полавтовкст: мон, тон, сон, минь, тынь, сынь.


Пример.


Мон ударникан. Сон делегатоль. Минь пионертано.



6. Вал велень омбоць пелькст.


Подлежащейде ды сказуемойде башка вал велесэнть эрсить истят валт, конат тейсызь вал веленть седе чаркодевиксэкс.


Неть валтнэде мерить чаркодевтиця валт.


Подлежащеенть, сказуемоенть ды чаркодевтиця валтнэнь эйстэ мерить вал велень пелькст.


Подлежащеесь ды сказуемоесь - вал велень прявкс пелькст.


Чаркодевтиця валтнэ - вал велень омбоць пелькст.


Вал велень омбоць пельксэкс эрсить:


1. Признаконь лем валт.


Сась мазы тундо.


Састь лембе чить.


Мазы ды лембе валтнэ - чаркодевтиця валт. Вал велесэ сынь аштить омбоць пельксэкс.


Эряви мельсэ кирдемс вана мзе: зярдо признаконь лем валось ашти лия лем валонть икеле (мазы тундо, лембе чить), сестэ сон форманзо кувалт а сюлмави мельганзо молиця предметэнь лем валонть марто. сайсынек омбоце примерэнть. Састь лембе чить. Чить валось аравтозь ламонь числасо. Кода илязо полавтнев чи валось, икелензэ аштиця признаконь лем валось кадови а полавтневицякс.


Секс минь мертяно: зярдо признаконь лем валось ашти предметэнь лем валонть икеле, сон а полавтневи - полавтневи ансяк предметэнь лем валось.


Сайтяно примерт:


1. Лембе чи. + Лембе чить.


2. Лембе чинь. + Лембе читнень.


3. Лембе чинень. + Лембе читненень.


4. Лембе чиде. + Лембе читнеде.


5. Лембе чисэ. + Лембе читнесэ.


6. Лембе чистэ. + Лембе читнестэ.


7. Лембе чис. + Лембе читнес.


8. Лембе чикс. + Лембе читнекс.


9. Лембе чишка. + Лембе читнешка.


10. Лембе чивтеме. + Лембе читневтеме.


Признаконь лем валось лемое кадовсь а полавтневицякс.


Ловомань лемтькак эрсить вал велень омбоць пельксэкс.


Пример.


Михалка ёвтнемась печатазь хрестоматиянь колоньгемень колмоце страницасо.


Те вал велесэнть колоньгемень колмоце валтнэ - ловома лемть. Сынь аштить вал велень омбоць пельксэкс. Ловома лемесь, зярдо сон ашти кодамояк предметэнь лем вал икеле сюлмави форманзо коряс мельганзо молиця предметэнь лем валонть марто, лиякс меремс, сон а полавтневи, кода илязо полавтнев предметэнь лем валось.


Колоньгемень колмоце страницадо.


Колоньгемень колмоце страницасто.


Колоньгемень колмоце страницашка ды лият.


2. Вал велень омбоць пельксэсксь эрсить лем полавтовксткак.


Сайтяно пример.


Эрзянь келенть кувалт тынк классось икельдизе минек классонть.


Тынк ды минек валтнэ - лем полавтовкст. Вал велесэнть сынь аштить омбоце пельксэкс, лиякс меремс, чаркодевтиця валокс.


Минь саинек колмо примерт. Невтинек эрьва кодат вал велень омбоць пелькст. Вал велень истят омбоць пелькстнэ чаркодевтить лем валт. секс сыненст мерить лем валонь чаркодевтиця вал велень омбоць пелькст.


Лиясто лем валонть чаркодевти аволь признаконь лем вал, аволь ловомань лем, аволь лем полавтовкскак. Лем валонть чаркодевти истямо же лем вал, кона ашти кодамояк поладкссо.


Примерт.


Мон книга ловнан.


Дригань тетязо чувтонь койме рамась.


Тон монь илямак токше.


Дриганень сон рамась книга.


Мон ламо ловнынь революциядо.


Озасть цёрынетне вирь чирес.


Революциядо икеле помещиктне керясть сокицятнень локшосо.


Маласо аштикс килейстэ сынь лутасть кирьгов.


Сон совась кудос.


Цёрынесь моли кудов.



ПОЛАДКСТНЭНЬ ЧАРКОДЕВКСЭСТ.


6. Вал меелькстэме поладкст.


Эрзянь кельсэ весемезэ 10 полакст. Вансынек неть поладкстнэнь чарькодевксэст, зярдо сынь аштить вал велесэ вал меелькстэме.


1. Именительной поладкст.


Именительной поладкссо, кода минь уш икеле меринек, свал ашти подлежащеесь. Подлежащейде башка эрзянь кельсэ именительной поладкссо ашти объектэськак, лиякс меремс, чаркодевтиця валоськак.


Сайтяно примерт.


Мон книга ловнан.


Мон кудо путан.


Тон стада ванат.


Сон покш тев теи.


Неть вал велетнесэ книга, кудо, стада, тев - аволь подлежащейть, сынь чарькодевтиця валт, эли, лиякс меремс, вал велень пелькст. Аштить сынь весе именительной поладкссо.


Секс минь мертяно: именительной поладксось подлежащейде башка тешксты действиянть объектэнзэ, лиякс меремс, тешксты чарькодевтиця валткак.


2. Родительной поладкс.


а) Сон невти васняяк се предметэнть, конань мезеяк ули.


Мон лелянь шубасан.


Лелянь валось ашти родительной поладкссо. Сон тешксты шубась, конань мон орчия, аволь монь, - лелянь.


б) Родительной поладксось невти кодамояк качества. Сестэ те валось моли признаконь лем вал ёнов.


Пример.


Тетям усксь монень кедень кемть.


Кедень валось ашти омбоце поладкссо. Сон пшкади кодамо? кевкстемань каршо. Кодат кемтне? Кедень.


в) Омбоце поладксось невти действиянть объектэнзэ.


Пример.


Ванды колхозонок сырги тикшень ледеме.


Тикшень валось ашти омбоце поладкссо. Сон тешксты действиянь объект. Лиякс меремс, действиясь - ледема. Мезе карми ледеме колхозось? Тикше ледеме валось - объект.


Лия примерт.


Сюронь урядомось прядовсь.


Лозунгонь сёрмадомо мон а маштан.


Родительной поладксось свал эрси вейтямсто. Сеедьстэ мельганзо ашти вал коряс.


Примерт.


Мон лелянь коряс седе виеван.


Медесь сахаронь коряс седе тантей.


Сон тонть коряс парсте тонавтни.


Плугонь коряс тракторось седе ламо соки.


Автобусось трамваень коряс седе верка.


Лелянь, сахаронь, тонть, плугонь, трамваень валтнэ аравтозь родительной поладкссо. Мельгаст свал ашти коряс валось.


3. Дательной поладкс.


Те поладксось невти предмет, конанень мезеяк теить эли максыть. Сайтяно примерт.


Тетям рамась монень эрзянь книга.


Лелянень Саран ошсо тейсть операция.


Аванстэнь мон исяк кучинь ярмак.


Монень, лелянень, аванстэнь предметэнь лем валтнэ аштить дательной поладкссо.


Лия пример.


Телень пенгинеть анокстыть цёратне.


Телень мушкинеть анокстыть аватне.


Телень валось ашти дательной поладкссо. Те примерсэнть дательной поладксонть чаркодевксэзэ а ламодо лия васенце примерэнть коряс. Эщо вейке пример.


Чопонь велев ансяк минь пачкодинек латконтень.


Те примерсонть дательной поладксонть латконтень таго лия чарькодивксэзэ. Тесэ дательной поладксось пшкади козо? кевкстемань каршо.


4. Отложительной поладкс.


а) Те поладксось тешксты предмет, конадо кортыть эли сёрмадыть.


Примерт.


Велесэнек войнадо ламо кортамот ульнесть.


Исяк педтехникумсо минь ловнынек Лениндэ ледстнемат.


Сайтяно лия примерт.


Тонавтома кудодо башка сон ковгак а яки.


Саран ошто башка мон косояк араселинь.


Тесэ отложительной поладксонть чарькодевксэзэ лия.


б) Эйкакштнэ пештизь виренть вайгельде


Тесэ отложительной поладксонть чарькодевксэзэ таго лия.


Сайтяно таго лия примерт.


Луначарской ялгась кулось седей ормадо.


Тесэ отложительной поладксось ормадо тешксты действиянть (куломань) тувталонзо.


Тавла веледе а васоло чуди лей.


Веледе валось аравтозь отложительной поладкссо.


Сон тешксты предметт, конань эйстэ лия предметэсь ашти зярояк тарка ве ёно.


в) Отложительной поладксось свал эрси сравнениянь теемстэ (вант омбоце поладкстонь кувалт сёрмадозенть).


Сайтяно истят примерт.


Мон лелядон виеван.


Медесь сахордо тантей.


Сон тондеть парсте тонавтни.


Тракторось плугто ламо соки.


Автобусось трамвайде верка.


Лелядон, сахардо, тондеть, плугто, трамвайде валтнэ весе аравтозь отложительной поладкссо.


Зярдо вейкетямось ёвтави родительной поладкссо, сестэ эрявить вакссонзо коряс ды седе валт.


Отложитльной поладкс марто сравнениянь теемстэ неть валтнэ (коряс ды седе) а эрявить. Сынтеместкак вал велесь парсте чаркодеви.


5. Местной поладкс.


а) Местной поладксось невти васняяк кодамояк действиянь теема тарканзо. Секс пшкадияк сон косо? кевкстемань каршо.


Сайтяно примерт.


Мон тонавтнян педтехникумсо.


Лелям тонавтни совпартшколасо.


Исяк тонавтницятне ульнесть театрасо.


Конференциясь карми улеме Саран ошсо.


Исяк мон ульнинь редакциясо.


Педтехникумсо, совпартшколасо, театрасо, Саран ошсо, редакциясо валтнэ аравтозь местной поладкссо. весе сынь тешкстыть действиянть теемань тарканзо ды пшкадить косо? кевкстемань каршо.


Косо мон тонавтнян? - Педтехникумсо.


Косо лелям тонавтни? - Совпартшколасо.


Косо исяк ульнесь классонок? - Театрасо.


Косо карми улеме конференциясь? - Саран ошсо.


Косо мон исяк ульнинь? - Редакциясо.


Ней сайтяно истят примерт.


Исяк мон ардтнинь велосипедсэ.


Московсо мон свал ардтнян - трамвайсэ.


Тесэ местной поладксонть чарькодевксэзэ а ламодо лия.


Течи колмоксть мон кортынь телефонсо.


Таго лия местной поладксонть чаркодевксэзэ.


6. Исходной.


а) Те поладксось пшкади косто? мезестэ? кевкстемань каршо. Те вейке чарькодевксэзэ.


Сайтяно примерт.


Мон а умок сынь Московсто.


Бригадирэсь сась паксясто.


б) Исходной поладксонть ули омбоцеяк чарькодевксэзэ.


Примерт.


Сокасо сокамсто пек сизят.


Ловномсто эряви ваномс лоткавтыця иешкстэнть мельга.


Сокамсто ды ловномсто валтнэ аштить сокамсто, ловномсто валонь таркас. Неть валтнэ аштить исходной поладкссо. Яла теке чарькодевксэст неть валтнэнь коряс лия. Тесэ котоце поладксось тешксты тевень теема шканть ды пшкади зярдо? кевкстемань каршо.


в) Исходной поладксонть нилеце чаркодевксэзэ неяви вана кодат примертнэсэ:


Ламбаське велень ве пестэ омбоце пес улить колмошка вайгельбеть.


Пестэ валось ашти исходной поладкссо. тесэ исходной поладксось тешксты секень же, мезе тешксты лиясто отложительной поладксось (педе). Лиякстомтсынек а ламодо те примерэнть:


Ламбаське велень педе-пес улить колмошка вайгельбеть.


г) Сайтяно истят примерт.


Вирь маласо, покш ки лангсо.


Сисем цёрат вейс вастозевсть.


Вастсть вейс ды спорязевсть:


Ки рузонь келей масторсо.


Эри вадрясто-паросто.


(Н.А. Некр.)



Вадрясто-паросто валтнэ формань кувалт молить поладкссо аштиця лем вал ёнов. Ялатеке неть валтнэ аволь лем валт. сынь наречият. Лем валонь исходной поладкс марто сынст човоргавтомс а эряви.


7. Вносительной поладкс.


а) Те поладксось пшкади козо? кевкстемань каршо. Невти сон тарканть, конань эйс совить, молить, ардыть ды лият.


Эрьва кудос совадо. Мон совинь тонавтома кудос. Кудозон совась кодамо бути ломань.


Кудос ды кудозон валтнэ аштить (вносительной поладкссо. сынь невтить тарка, козо совась субъектэсь (мон, ломань).


Иля эце эзэзэнь. Эзэзэнь валось вносительной поладкссо.


б) Вносительной поладкссонть ули омбоцеяк чарькодевксэзэ. Сон неяви вана кодамо примерстэ.


Чоподасто чоподас пикси роботась.


Мон прядыя тевем педе-пес.


Чоподас ды пес валтнэ аштить вносительной поладкссо. яла теке чарькодевксэст неть поладкстнэнь лия.


8. Превратительной поладкс.


Урныця верьгизэкс сыть телень бурятне.


Те кардось кудокс а маштови.


Вергизэкс ды кудокс валтнэ превратительной поладкссо.неть валтнэ пшкадить мезекс? кевкстемань каршо.


Ведькс цимборды алашанть лангсо. Шта толкс палыть кареенть сельмензэ. Ёндолкс налксить сонзэ пилензэ.


Луганть куншкасо сырнекс лиси лисьма пря, сиякс чуди лисьма прянь ведесь.


9. Сравнительной поладкс.


Колмошка чить мон эзинь яка школав - сэрединь.


Мелят минь недляшка эринек Московсо.


Колмошка ды недляшка валтнэ аштить сравнительной поладкссо. Неть валтнэ пшкадить зярошка? кевкстемань каршо.


Зяро чить мон эзинь яка школав? - Колмошка.


Зяро минь эринек Московсо? Недляшка. Сравнительной поладкссось невти действиянть ютамо шканзо.


Сравнительной поладкссонть ули лияяк чарькодевксэзэ.


Саран ошось Пензашка а ули. исяк мон газеташка сёрма получинь.


Пензашка ды газеташка лем валтнэ аравтозь сравнительной поладкссо. неть валтнэ пшкадить мезешка? кевкстемань каршо. Тесэ сравнительной поладксось невти предметэнть вейкетямонзо.


Пандошка сэрезэ, латошка келезэ.


Те вал веленть можна ёвтамс лиякскак:


Пандонь сэрьсэ сэрезэ, латонь келесэ келезэ.


10. Изъятельной.


Вишка цёрынекс мон кадовинь тетявтомо. Кемеце ие эрян мон тетявтомо-аватомо. Дисциплинавтомо берянь робота.


Тетявтомо-аватомо, дисциплинавтомо валтнэ аравтозь изъятельной поладкссо. те поладксось тешксты мезентькак аразензэ.


Эрзянь кельсэ сеедьстэ вастневить поладксонь вейс путозь формат (кавто поладксто теезь вейке поладксонь форма).


Сайтяно пример.


Мон сован тонеть пель часошкадо мейле.


Часошкадо валось ашти поладксонь вейс путозь формасо. Вансынек парсте те форманть. Ули вал - час. Те валонть поладкстомсто карми улеме часошка форма. Те сравнительной поладкс. Те сравнительной поладксонь формась сон таго карми поладксововмо. Те часошка валонть эйстэ отложительной поладксонь формась карми улеме часошкадо.


Вана поладкстомань схемась:


Час + Часошка


Часонь + Часошкань


Часнэнь + Часошканень


Чассто (часосто) + Часошкадо


Часос + Часошкссо


Часокс + Часошкасто ды истя седе товгак.


Часошка ..................


Частомо.................



7. Вал меелькс марто поладкст.


Вал велесэ ветямо валось лиясто ашти сюлмавозь чаркодевтиця вал марто вал меелькс вельде. сестэ те ветямо валось ашти истямо поладксссо, конань веши вал меельксэсь.


Вал меельксэсь вал велесэ свал ашти ветямо вал мейле (секс меритькак сонзэ эйстэ вал меелькс).


Вана конат-конат эрзянь кельсэ сеедьстэ вастневиця вал меелькстнэ: кувалт, кувалма, коряс, трокс, марто, ладсо, коряс ды лият.


Эйстэ, эйсэ, эйс, эзга, эйшка;


Потсто, потсо, потс, потмова;


Башка, мейле, икеле...


Вал меелькс марто сюлмавозь ветямо валтнэ свал аштить эли именительной, эли родительной, эли отложительной поладкссо. Лия поладкст вал меелькс икеле а эрсить.


Кода содамс, кона поладксонть путомс вал меельксэнть икеле; именительной эли родительной поладкс. Лиясто, кона поладксонть а путсак - васенценть эли омбоценть - яла теке вал велесь карми улеме виде.


Колхозонь председателесь бригадиртнэнь марто вейсэ тейсть видема лангонень анокстамо план.


Матростнэ турсть ашотнень каршо.


Минь карминек эцеме ашо гвардеецтнэнь лангс.


Сайтяно примерт.


Ванькс ой ладсо лепштявсть сельмстэнзэ кавто сельведть.


Те вал велесэнть ладсо валось - вал меелькс. Сонзэ марто сюлмавозь кавто валт: ванькс ды ой. Ой валось ашти именительной поладкссо.


Колхозсо яла кортыть конференциянь кувалт.


Те вал велесэнть кувалт валось - вал меелькс. Мартонзо сюлмавозь конференциянь валось. Те валось ашти родительной поладкссо, именительной поладкс тезэ а лади.


Сайсынек остатка кавто валтнэнь: конференциянь кувалт. те вана вал веленть можна ёвтамс лиякскак.


Колхозсо яла кортыть конференциядо.


Конференциядо вейке валось полавтынзе кавто валтнэнь конференциянь кувалт.


Башка ды мейле вал меелькстнэ свал ветить ансяк отложительной поладксонть.


Кудодо башка мезеяк арась.


Революциядо мейле эрзятне-мокшотне пек кепедить культураст.


Сайтяно эщо примерт.


Тусь Миша вирев пенге мельга.


Кшиде башка зепсэнзэ мезеяк арасель.


Конференциядо мейле делегатттнэ тусть Куйбышев ошов.


Машинась кавксть седе ламо тикше ледсь кото ломанень коряс.


Вал велень омбоць пельксэкс эррсить наречият. Неть валтнэ чаркодевтить теемань валтнэнь ды тешкстыть:


а) тевень теема тарка: - тосо, тесэ ды лият.


б) тевень теема шка: - ней, течи, ванды, курок ды лият.


в) лият лездыця лем валт - ламо, а ламо, кавксть, зняро, зяро ды лият.


Вал веленть омбоць пельксэкс эрси теемань валонть инфинитив формазо.


Сон тонавтни пианинасо седямо.


Сон дока ловномо.


Омбоце примерэнть можна ёвтамс лиякскак. Можна меремс:


Сон дока ловномодо.


Ловномодо - те инфинитивень поладксовиця форма.


Сайтяно эщо примерт, конатнесэ ифинитивесь улевель вал велень омбоць пельксэкс.


Тесэ а вадря аштемс.


Мон виздян сонзэ марто кортамо.


Тонавтыцясь мерсь тееме промкс.


Тонавтыцясь мерсь промксонь тееме.


Эряви явшамс книгатнень.



8. Вал велень вейкеть пелькст.


Вал велесэ лиясто эрсить ламо подлежащейть вейке сказуемоень каршо, ламо сказуемойть вейке подлежащеень каршо, ве поладкссо аштиця ламо ветямо валт, конат веензазь ве лем вал марто. ламо лездыця лем валт эли ламо инфинитивт, конат веензазь ве вал марто.


Истят подлежащейтнеде, сказуемойтнеде, вал велень омбоць пелькстнэде мерить вал велень вейкеть пелькст.


Сайтяно примерт.


Эрьва чокшне ловнома кудось пешксе. Промкшныть цёрат, тейтерть. Ловныть книгат, газетат, журналт.


Тесэ колмо вал велеть. Оимбоце вал велесэнть - цёрат, тейтерть валтнэ - вал велень вейкеть пелькст (сынь кавонест подлежащейть).


Колмоце вал велесэнть книгат, газетат, журналт валтнэ - таго вал велень вейкеть пелькст (неть валтнэ кавонест вал велень омбоць пелькст).


Сайтяно эщо примерт.


Комбайнась ве шкане леди, пурны ды пивсы сюро.


Те вал велесэнть леди, пурны ды пивсы валтне колмонест сказуемойть. Сынь аштить вейке подлежащеень каршо (комбайна).


Секс неть валтнэде минь мертяно вал велень вейкеть пелькст.


Инязоронь пингсте эрзятне-мокшотне лепшттязельть, модердязельть, чоподатольть.


Лепштязельть, модердязельть, чоподатольть валтнэ - вал велень вейкеть пелькст.


Хлора атя ды Куля баба рамасть скал.


Бути вал веленть вейкеть пелькстнэде колмо эли седеяк ламо, сестэ вал велень эрьва вейкеть пельксэнть мельга эряви теемс а покш пауза (кортамсто а ламодо лоткамс).


Вал велень вейкеть пелькстнэ сюлмавить вейкест-вейкест марто союзсояк, союзтомояк.


Союзтнэде эрзянь кельсэ аволь ламо. Вал велень вейкеть пелькстнэнь ютксо аштиця союзтнэ тешкстыть:


1. Сюлмамо - ды, кода, истя жо, гак, как, як.


Сайтяно примерт.


Комбайнась леди, пурны ды пивсы.


Радио эряви кода ошонтень, истя же велентеньгак.


Омбоце вал веленть можна ёвтамс лиякскак:


Радио эряви ошонтеньгак, велентеньгак.


Эщо вейке пример:


Мокшэрзянь обкомонть ветямонзо коряс изнясынек ильведевкстэньгак, стакакстнэньгак.


2. Явома - эли, эли.


Сайтяно пример.


Тонавтнемань прядомадо мейле мон эли кадован Саран ошс эли туян районов.


3. Отрицания - а, а.


Сайтяно пример.


Бути неень эли сы шкасо теемань валсо ёвтазь сказуемоенть каршо аштить кавто-кавто подлежащейть васенце эли омбоце лицянь вейкень числань лем полавтовкст, сестэ сказуемоесь аравтови васенце лицянь ламонь числасо.


Сайтяно пример.


А тон, а мон мезеяк а содатано.


Зярдо подлежащеекс аравтозь васенце ды колмоце лицянь лем полавтовкст, сестэ сказуемоенть эряви аравтомс васенце лицянь ламонь числасо.


Пример.


А мон, а сон - аволь вал муевкшев ломантяно.


Зярдо подлежащеекс аравтозь омбоце ды колмоце лицянь лем полавтовкст. сестэ сказуемоенть эряви аравтомс омбоце лицянь ламонь числасо.


Пример.


А тон, а сон дисциплинань кирдеме эзиде тонадо.


Зярдо вейке сказуемоенть каршо аштить кавто-кавто подлежащейть вейкень числасо, сестэ сказуемоенть эряви аравтомс теемань валонь ламонь числасо.


Вася ды Ваня тусть Саран ошов.


Те вал веленть эрзякс можна ёвтамс лиякскак.


Вася Ваня марто тусть Саран ошов.


Эли ощо лиякс.


Вася марто Ванят тусть Саран ошов.




9. Кодат лоткамо тешкст эрявить путнемс вал велень


вейкеть пелькстнэнь ютксо.


Союзсо апак сюлма вал велень вейкеть пелькстэнь эряви явомс запятойсэ.


Пример.


Комбайнась леди, пурны, пивсы.


Ёвтындерясынек те вал веленть а ламодо лиякс, путындерятано пивсы валонть икеле ды союз, сестэ запятоесь ды валонть икеле а карми эрявомо.


Комбайнась леди, пурны ды пивсы.


Ёвтасынек те вал веленть эщо а ламодо лиякс.


Комбайнась ледияк, пурныяк, пивсыяк.


Тесэ таго запятойтнень эряви путомс эрьва валонть мельга.


Зярдо гак, як союзтнэ сёрмадозь вейкеть пелькстнэнь мейле ансяк кавксть, сестэ вейкеть пелькстнэ запятойсэ а явовить. Сайтяно примерт.


Сёмаяк Охремгак сыргасть паксяв.


Сёмаяк валдонть маейле запятой путомс а эряви.


Зярдо вал велень вейкеть пелькстнэнь икеле аравтозь вейкетиця валт истя. Вана кодат, сестэ вал велень вейкеть пелькстнэнь икеле эряви аравтомс кавто точкат.


Сайтяно пример.


Отяж велесэ весе морыть эрзянь морот: сыретнеяк, одтнэяк, эйкакштнэяк.


Те вал велесэнть весе валось вейкетеиця вал. Секс вал велень вейкеть пелькстнэнь икеле аравтозь кавто точкат.


Лиясто вейкетеиця валось аравтозь вейкеть пелькстнэде мейле. Сестэ те вейкетеиця валонть икеле эряви сёрмадомс тире.


Сайтяно пример.


Отяж велесэ сыретнеяк, одтнэяк, эйкакштнэяк - весе морыть эрзянь морот.



10. Пешксе ды а пешксе вал велеть.


Кортамосо вал велетне рисьмекс таргавить вейке омбоценть мельга. Неть вал велетнень ютксо сеедьстэ понгить истят, конатьнесэ арась эли подлежащей, эли сказуемой эли чаркодевтиця вал.


Сайтяно пример.


Течи Дрига якась совхозов. Тосо неинзе ялганзо.


Омбоце вал велесэнть подлежащеесь (Дрига) арась.


Седе сеедьстэ менстневить пелькстнэ истямо вал велетнесэ, конат пшкадить кодамояк кевкстемань каршо.


Пример.


Ки сась: тетям эли лелям? Лелят. Омбоце вал велесэнть арась сказуемоесь (сась).


Омбоце пример.


Миненек Наркомпросось кучсь якстере ды сэнь карандашт. Ветеце классонтень кучсь ансяк якстереть.


Омбоце вал велесэнть арась подлежащеесь (Наркомпросось), а ветямо валось (карандашт)ю.


Неть пелькстнэвтемеяк вал велесь кадови чаркодевиксэкс кортыцянтеньгак, кулцоныцянтеньгак.


Лия пример.


Кавто ялгат-оят састь кооперативс кшинь рамамо.


Вейкесь мери микшницянтень:


Онкстакая, инескеть, кило ашодонть.


Те вал велесэнть а саты вал кшиде.


Рамасть сынь кши, тусть станцияв. Станциясо ашти поезд. Вейке ялгась лоткавтызе ваксканзо ютыця якстере кепкасо ломаненть ды кевкстизе сонзэ:


Эль туи?


Эщо а курок.


Васенце вал велесэнть арась вал поездэсь.


Подлежащейтеме, эли сказуемойтеме, эли чаркодевтиця валтомо вал веледенть мерить а пешксе вал веле.


Апак ёвта валтнэ шождынестэ муевить маласо аштиця вал велетнень эйстэ.


Истямо вал веленть эйстэ, конасо улить подлежащей сказуемой д весе эрявикс чаркодевтиця валтнэ. Мерить пешксе вал веле.


Эщо весть мертяно. А пешксе вал велекс сеедьстэ эрсить кевкстемань каршо мерема вал велеть.


Ки юты? - Бригадир.


Промксось прядовсь? - прядовсь.


Косо эрят? - Саран ошсо.



11. Сказуемойтема вал велеть.


А пешксе вал велетнень марто а эряви човоргавтомс сеедьстэ вастневиця сказуемойтеме вал велетнень.


Сайтяно пример.


Ве. А куш а каш косояк.


Тесэ кавто вал велеть. Васенце вал велесэнть арась сказуемоесь ды мелезэтькак а леди сон.


Истят вал велетнеде мерить сказуемойтеме вал велеть.


Сказуемойтеме вал велекс аштить книгань, газетань, таблицань ды лия мезень лемть.


Сайтяно примерт.


Чесноков Тапавкс.


Ёндол Чондат.


Иркаев Артонь эрьке.


Кириллов Валске Сура лангсо.


Кривошеев Маень цецят.


Рябов В. Торсейкс.


Григошин Од велень гайгемат.


Лукъянов Киняль.


Зиньков Шкась увны.


Тонавтома кудо.


Мокшэрзянь культурань институт.



12. Подлежащей марто ды подлежащейтеме вал велеть.


Кортамсто эли сёрмадомсто сеедьстэ эрсить истят вал велеть, конатнесэ подлежащеесь арась ды сон а муевияк маласонзо аштиця вал велетнестэ. Те свал эрси сестэ, зярдо кортыцясь эли сёрмадыцясь тевенть тееманзо а сюлмасы кодамояк подлежащей (тевень теиця) марто.


Сайтяно пример.


Ашолгады. Бригась сырги паксяв нуеме.


Тесэ кавто вал велеть. Васенце вал велесэнть ули ансяк теемань вал (ашолгады). Тевень теицясь те вал велесэнть арась, лиякс меремс, арась подлежащеесь.


Истят вал велетнеде мерить подлежащейтеме вал велеть.


Истят вал велетнеде, конань эйсэ ули подлежащей эли сонзэ улемазо шождынестэ чаркодеви, мерить подлежащей марто вал веле.


Вансынек подлежащейтеме вал велетнесэ сказуемоенть.


Сказуемоекс неть подлежащейтеме вал велетнесэ эрси:


Теемань вал велень неень ды ютась шкань колмоце лицянь формасо.


Сайтяно пример.


Ашолгады. Сундерьгадсь. Кармась чополгадомо.



14. Пшкадема.


Предметэнь лем валтнэ, конат аштить именительной поладкссо, аволь свал эрсить подлежащеекс. Лиясто сынь невтить се ломаненть эли предметэнть лемензэ, конанень валтнэ ёвтазь.


Истят вал велень пелькстнэде мерить пшкадема.


Истят пшкадематнэ вал велесэ аштить апак сюлма вал велень пелькстнэнь марто. пшкадемась ашти ськамонзо ладсо ды сюлмазь чаркодемань кувалт весе вал веленть марто.


Сайтяно пример.


Шахтёрт, Весе Союзонь пролетариатось веши пельденк седе ламо уголя!


Шахтёрт, валось - пшкадема вал.


Козо а путсак пшкадеманть - ве песэ, омбоце песэ, куншкасо - вал веленть чаркодемазо а лиякстоми.


Сайсынек секе примерэнть.


Весе Союзонь пролетариатось веши пельденк, шахтёрт, седе ламо уголия.


Те вал велесэнть шахтёрт пшкадемась аравтозь куншкасо.


Ней арвтсынек сонзэ вал веленть омбоце пес.


Весе Союзонь пролетариатось веши пельденк седе ламо уголия, шахтёрт!


Пшкадема валонть тарканзо полавтнемадо вал веленть чаркодевксэзэ а лиякстоми.


Пшкадемась аволь свал ашти ськамонзо. Эрсить лиясто чаркодевтиця валонзояк.


Саййтяно пример.


Истя ков ветясамак, вечкема ялгай?


Ялгай валось - пшкадема. Вечкема валось - чаркодевтиця валозо.


Весе масторонь пролетарийтне, пурнаводо вейс! Тесэ пролетарийтне - пшкадема вал.


Масторонь - чаркодевтиця вал. Сон чаркодевти пролетарийтне валонть.


Весе - таго чаркодевтиця вал. Сон чаркодевти масторонь валонть.


Пшкадематнень, седеяк пек нетнень, конатнень улить чаркодевтиця валост, кортамсто эряви явомс лия валтнэстэ паузасо.



14. Кодат лоткамо тешкст эрявить путнемс


пшкадеманть сёрмадомсто.


1. Бути вал велесэнть ули пшкадема, сонзэ весе мартонзо сюлмавозь чаркодевтиця валтнэнь марто эряви явомс запятойсэ.


Бути пшкадемась ашти вал веленть ушодкссонзо, сестэ запятоесь карми улеме пшкадеманть видь кедь ёно. Бути сон вал веленть песэ, сестэ - керш кедь ёно.


Зярдо пшкадема валтнэ аштить вал веленть куншкасо, сестэ запятойсэ эряви пирямс пшкадеманть кавто ёндо.


Сайтяно примерт.


Эрь. Ёга, карматано эрзякс тонавтнеме. Ёга, азё тестэ - мерсь тонавтыцясь.


Иля кольне, Ёгакай.


2. Бути вал веленть ушодкссонзо аштиця пшкадемась ёвтави седе виевстэ, сестэ те пшкадеманть мельга эряви путомс сергедема тешкс.


Сайтяно пример.


Ялгат! Весе вийсэ маштодо чопода чинть!


Кортамсто пшкадема валтнэнь мельга эряви теемс пауза (лоткавкс).


Бути пшкадемась ашти кевкстема эли сергедема вал веленть песэ, сестэ пшкадемадонть мейле эряви путомс истямо лоткамо тешкс, конань веши вал велесь: кевкстема вал велесэ - кевкстема тешкс, сергедема вал велесэ - сергедема тешкс.


Сайтяно пример.


Кодамат кежеят, Эхрем!


Косолить исяк, ялгай?



15. Совавтозь валт.


Вал велесэ сеедьстэ эрсить истят валт, конат аштить апак сюлма вал велень ды лия валтнэнь марто.


Сайтяно примерт.


Те тевесь, паряк, тонтеметькак тееви.


Валскес, паряк, пиземе туи.


Паряк валось - совавтозь вал. Неть валтнэсэ кортыцясь эли сёрмадыцясь ёвтасазо вал велень арсеманть кувалт эсь ёжонзо. Паряк валось тешксты кортыцянть арсемань кавтолдоманзо (сон парсте а соды, туи а туи валске пиземе).


Сайтяно лия примерт.


Тон, келя, колхозсо бригадират?


Тон, кортыть, а умок Московов якить?


Келя ды кортыть валтнэ - таго совавтозь валт. неть валтнэсэ кортыцясь (эли сёрмадыцясь) невти вана мезе: вал велень арсемась аволь сонсензэ - кинь бути лиянь.


Сайтяно эщо примерт.


Моньксэнь, те тевесь лиякс эряволь теемс.


Сонськсэнзэ, те тевесь ушодомскак аволь эряв.


Моньксэнь, соньксэнзэ валтнэ - совавтозь валт.


Эрзянь кельсэ сех сеедьстэ вастневить вана кодат совавтозь валт:


Паряк, келя, моньксэнь, тоньксэть. Соньксэнзэ. Миньксэнек, тыньксэньк, сыньксэст ды лият.



16. Кодат лоткамо тешкст эряви путнемс совавтозь


вал марто велетнесэ.


Вал веленть ушодкссо аштиця совавтозь валдонть мейле свал эряви путомс запятой.


Пример. Паряк, тон ней тонадыть ловномо.


Вал веленть песэ ашштиця совавтозь валонть икеле свал эряви путомс запятой.


Пример. Тон ней тонадыть ловномо, паряк.


Вал веленть куншкасо аштиця совавтозь валонть эряви кавто ёндо пирямс запятойсэ.


Пример. Тон ней, паряк. Тонадыть ловномо.


Совавтозь валтнэде башка эрзянь кельсэ улить совавтозь вал велетькак.


Сайтяно примерт.


Вишка пингстэ мон якинь - помняса парсте - тетянь марто Саран ошов.


Помняса парсте - совавтозь вал веленть эряви пирямс эли черькскесэ эли скобкасо.


Вишка пингстэ мон якинь (помняса парсте) тетянь марто Саран ошов.



ЯВОВИКС ВАЛ ВЕЛЕ


17. Кодат эрсить явовикс вал велетнеде.


Явовикс вал велесь шождынестэ явови кавтов, колмов эли лиясто мик седе ламов. Явовикс вал веленть явомадо мейле лисит а явовикс вал велеть. Явовикс вал велесэ неть а явовикс вал велетне эсь ютковаст сюлмавозь чарькодемань коряс. Лиясто сынь неявить башка аштицякс вейкест-вейкест эйстэ, эли аштить кеместэ сюлмавозь: вейке вал велесь чаркодевти омбоце вал веленть кодамояк пельксэнзэ.


Сайтяно пример.


Колхозтнэ касыть, эрямось вадрялгады.


Те вал велесь - явовикс вал веле. Сон шождынестэ явови кавтов:


1. Колхозтнэ касыть.


2. Эрямось вадрялгады.


Чарькодевксэнь коряс неть кавто велетне сюлмавозь вана мезень кувалт: колхозтнэ касыть, тень кувалт эрямоськак вадрялгады:


Неть кавто велетнень можна сёрмадомс башка-башкаяк.


1. Колхозтнэ касыть.


2. Эрямось вадрялгады.


Лангс ваномс неть кавто а явовикс вал велетнень вейс сюлмавомась пек лавшо. Сынь ськамост-ськамост улить вал велеть.


Явововикс вал велесэ башка а явовикс вал велень истямо сюлмавомадонть минь карматано мереме лавшосто сюлмавома.


Истя теезь вал веленть эйстэ минь карматано мереме лавшосто сюлмавозь явовикс вал веле.


Сайтяно ещо вейке пример.


Сон мерсь, ванды карми улеме промкс.


Те вал велесь - таго явовикс вал веле.


Сонгак шождынестэ явови кавтов:


1. Сон мерсь.


2. Ванды карми улеме промкс.


Чарькодемань коряс неть кавто вал велетне сюлмавозь вана мезень кувалт:


Сон мерсь.


Мезе сон мерсь?


Ванды карми улеме промкс.


Башка-башка саезь неть кавонест вал велетне а явовикс вал велеть.


Лангс ваномс сынь лавшосто сюлмавозь вейкест-вейкест марто, ськамост-ськамост саезьгак сынь вадрясто чарькодевить.


Арсемань кувалт неть кавто вал велетне молить кеместэ сюлмавозь явовикс вал веле ёнов. Лангс ванозь сынь молить лавшосто сюлмавозь вал пеле ёнов.


Истят явовикс вал велетне сеедьстэ понгонить эрзянь кельсэ. Нетнень кондят вал велетнеде минь карматано мереме кеместэ сюлмавозь вал велеть.


Ней сайтяно лия пример:


Се ломанесь, кона юты киява, пример:


Се ломанесь, кона юты киява, колхозонь бригадир.


Те вал велеськак явовикс вал веле.


Сон явови кавтов вана кода:


1. Се ломанесь колхозонь бригадир.


2. Кона юты киява.


Икеле невтезь примертнэсэ явовикс вал велень явомась шождынель. Явомадо мейле лисильть ськамост-ськамост чаркодевиця а явовиця вал велеть.


Колмоце примерсэнть(Се ломанесь, кона юты киява, колхозонь бригадир) тевесь ашти лиякс.


Явовикс вал велесь явовсь кавтов, ансяк явомась аволь истямо шождыне. явомсто лиссть таго, мердяно, кавто а явовикс вал велеть.


1) Се ломанесь колхозонь бригадир.


2) Кона юты киява.


Васенце вал велесь - а явовикс вал веле. Сон парсте чаркодеви эрьва кинень.


Омбоце вал велеськак - а явовикс вал веле.


Кона юты киява.


Те вал велесь ськамонзо а чаркодеви.


Ки чаркодизе те вал веленть


Кияк эзизе. Мекс?


Те вал веленть чаркодевксэзэ сюлмавозь васенце вал веленть чаркодевксэнзэ марто. Птындерясынек вейс неть кавто вал велетнень, сестэ кона юты киява валтнэ шождынестэ чаркодевить, сестэ неть валтнэяк молить вал веле ёнов. Алкукскак:


Се ломанесь, кона юты киява, колхозонь бригадир.


Омбоце вал велесь - васенцевтементь кода бути а чаркодеви. Васенцесь омбоцевтеме чаркодеви.


Явовикс вал велесэ башка-башка а явовикс вал велетнень истямо сюлмавомадонть минь карматано мереме кеместэ сюлмавома.


Истя теезь кеместэ вал веленть эйстэ минь карматано мереме кеместэ сюлмавозь явовикс вал веле.


Сайтяно эщо пример.


Се кудось, конань эйсэ минь эринек, аволь умок палсь.


Те вал велесь - таго кеместэ сюлмавозь явовикс вал веле.



18. Союз марто лавшосто сюлмавозь явовикс


вал велеть.


А явовикс вал велетнеде, конат совить явовикс вал велес, лиясто сюлмавить вейкест-вейкест марто союзсо.


Неть союзтнэде эрзянь кельсэ а ламо. А явовикс вал велетнень союзсо вейке явовикс вал велес сюлмавомаськак эрзянь кельсэ эрси чуросто.


Яла теке эряви меремс кавто-колмо валт тень кувалт.


Союзтнэ истят:


гак, як, как, истя жо, кода, эли-эли, а-а.


1. Сюлмавомо - гак, як, как, кода, истя жо.


1. Тон заводсо роботат, монгак кудосо тев теян.


2. Дрига тонавтни педтехникумсо, Мишаяк тедиде тусь тонавтнеме.


3. Кода тон заводсо роботат, истя жо монгак кудосо покш тев теян.


Неть колмонест вал велетне - явовикс вал велеть; сынст эйс совить кавтонь-кавтонь а явовикс вал велеть. Сынь сюлмавозь союзсо.


Вансынек седе парсте неть колмо примертнэнь.


Васенце яовикс вал велесь:


Тон заводсо роботат, монгак кудосо тев теян. Те вал велесь явови кавтов: эйстэнзэ лисить кавто а явовикс вал велеть.


1. Тон заводсо роботат.


2. Мон кудосо тев теян.


Кадовсь гак - те ули союз. Сон сюлми неть кавто а явовикс вал велетнень вейке явовикс вал велес.


Неть кавто а явовикс вал велетнень можна вейс совавтомс гак союз-томонтькак. Сестэяк таго лиси явовикс вал веле.


Тон заводсо роботат, мон кудосо тев теян.


Сайсынек омбоце примерэнть.


Дрига тонавтни педтехникумсо, Мишая тедиде тусь тонавтнеме.


Те вал велесь - явовикс вал веле. Явиндерясынек сонзэ кавтов, лисить кавто а явовикс вал велеть.


1. Дрига тонавтни педтехникумсо.


2. Миша тедиде тусь тонавтнеме.


Кадовсь як - те союз. Сон сюлми неть кавто а явовикс ва велетнень вейке явовикс вал велес.


Неть кавто а явовикс вал велетнень можна вейс совавтомс як союзтомонтькак. Сестэяк лиси явовикс вал веле:


Дрига тонавтни педтехникумсо, Миша тедиде тусь тонавтнеме.


Ёвтадо, кода те явовикс вал веленть теемс кавто а явовикс вал велекс.


II. Каршо аравтома: яла теке.


Мон пек тердинь эйсэнзэ, яла теке сон эзь са.


Те вал велесь - явовикс вал веле. Сон шождынестэ явови кавтов.


1) Мон пек тердинь эйсэнзэ.


2) Сон эзь са.


Яла теке - союз, кона невти каршо аравтома.


III. Явома. - эли-эли.


1. Эли тон лоткат лабордомо, эли мон туян тестэ.


2. Эли минь тейсынек те тевенть эли минек изнясамизь.


IV. Отрицания - а-а.


А кал а эри те леенть эйсэ, а зверь а неят маласо касыця вирьсэнть.



19. Кодат лоткамо тешкст эряви путомс союз марто


лавшосто сюлмавозь вал велень сёрмадомсто.


А явовикс вал велетнень, конат совить явовикс вал велес, - союз марто улить сынь эли союзтомо, - эряви свал явомс запятойсэ.



20. Союзтомо лавшосто сюлмавозь явовикс вал


велеть.


А явовикс вал велетне, конат совить явовикс вал велес, сеедьстэ сюлмавить вейкест-вейкест марто союзтомояк. Сюлмавить сынь тесэ чарькодевиксстэ.


Сайтяно примерт.


1. Таймаскадсть виртне, уроскадсть паксятне.


2. Бригаадирэсь мерсь, ванды колхозонок лиси нуеме.


3. Колхозтнэ касыть, эрямось вадрялгады.


4. Мон нейса, сон соки.



21. Кеместэ сюлмавозь явовикс вал велеть.


А явовикс вал велетне, конат совить явовикс вал велес, сюлмавить вейкест-вейкест марто союзсо ды сюлмамо валсо.


Сюлмамо валтнэ ды союзось аволь вейкеть. Сюлмамо валось вал велесэ ашти вал велень пельксэкс. Союзось истямокс зярдояк а эрси.


Икеле минь ёвтынек: кеместэ сюлмавозь явовикс вал веленть явомодо мейле лисить кавто эли седе ламо а явовикс вал велеть. Вейкесь ськамонзояк чаркодеви, лиятне ськамост а чаркодевить. Неть вал велетнень чаркодемаст сюлмавозь васенце вал веленть марто.


Ськамонзо чаркодевиця вал веленть эйстэ минь карматано мереме прявкс вал веле.


Омбоце вал веленть эйстэ, кона чаркодеви ансяк прявкс вал веленть марто аравтомсто, минь карматано мереме омбонькс вал веле.


Омбонькс вал велесь чаркодевти прявкс вал веленть кодамояк пельксэнзэ.


Омбонькс вал велесь эрси прявкс вал веленть мейлеяк, сонзэ икелеяк, куншкасонзояк.



22. Кодат лоткамо тешкст эряви путомс кеместэ


сюлмавозь явовикс вал велетнесэ.


Прявкс вал велесь ды омбонькс вал велесь сёрмадомсто явовить запятойсэ.


Зярдо омбонькс вал велесь ашти прявкс вал веледенть мейле, сестэ запятоенть тарказо се сюлмиця валонть икеле, конасо ушодови омбонькс вал велесь.


Сайтяно пример.


1. Ялгань ули кото иесэ цёрынезэ, кона парсте ловны эрзякс.


Зярдо омбонькс вал велесь ашти прявкс вал веленть куншкасо, сестэ те омбонькс вал веленть кавто ёндо эряви пирямс запятойсэ.


Сайтяно пример.


2. Ялгань цёрынезэ, кона исяк сакшнось минянек парсте ловны эрзякскак, рузокскак.


Васенце примерсэнть - кона парсте ловны эрзякс - омбонькс вал веле. Аравтозь сон прявкс веледенть мейле. Омбонькс вал велесь ушодови кона сюлмиця валсо. Те кона валонть икеле эряви путомс запятой.


Омбоце примерсэнть - кона исяк сакшнось миненек - омбонькс вал веле. Сон аравтозь прявкс вал веленть куншкасо. Секс те омбонькс вал велесь кавто ёндо пирязь запятойсэ.


Эщо примерт.


Ёвтнемась, конань мон умок уш ловнокшныя книгасто, те шкас мельсэнь ашти.


Леесь, конань лангсо строить электростанция, чудемстэнзэ максы ламо вий.




23. Союз марто ды сюлмавома вал марто кеместэ


сюлмавозь явовикс вал велеть.


1. Шкань вал велеть.


Омбонькс вал велесб лиясто невти прявкс вал велень действиянть теема шканзо.


Истят омбонькс вал велетнеде минь карматано мереме шкань невтиця вал велеть.


Истят омбонькс вал велетне сюлмавить прявкс вал веленть марто сюлмамо валсо. Неть сюлмамо валтнэ истят:


Зярдо, знярс, кода, ансяк.


Сайтяно пример.


Зярдо велесэ тонавтнемам прядса, туян Саран ошов тонавтнеме.


Те вал велесь - кеместэ сюлмавозь явовикс вал веле. Сон явови кавтов истя:


1. Туян Саран ошов тонавтнеме.


2. Зярдо велесэ тонавтнемам прядса.


Васенце вал велесь - прявкс вал веле. Мельганзо эряви кевкстемс: зярдо?


Зярдо велесэ тонавтнемам прядса.


Те вал велесь - омбонькс вал веле.


Весе те вал веленть можна ёвтамс лиякскак. Мертяно истя:


Велесэ тонавтнемам прядомадо мейле мон туян Саран ошов тонавтнеме.


Кодамо те вал велесь? Ней уш сон лия. Те вал велесь а явовикс вал веле.


2. Условиянь вал велеть.


Омбонькс вал велесь лиясто невти прявкс вал велень действиянть условиянзо.


Истят омбонькс вал велетнеде минь карматано мереме условиянь вал велеть.


Истя омбонькс вал велетне сюлмавить прявкс вал веленть марто союзсояк, союзтомояк. Истят условиянь вал велетнесэ оюзось эрси вейке - бути.


Сайтяно пример.


Бути ванды чисть карми улеме вадря. Минь школанек мольтяно экскурсияв.


Те вал велесь - кеместэ сюлмавозь явовикс вал веле. Сон явови кавтов истя.


1. Минь школанек мольтяно экскурсияв.


2. Бути ванды чись карми улеме вадря.


Омбоце вал велесь - омбонькс вал веле. Те вал веленть эйстэ минь мертяно условиянь вал веле.


Сон невти, кодамо условиянь пингстэ тееви действиясь. Минь школанек мольтяно экскурсияв сестэ ансяк, бути ули чись вадря.


Сайсынек эщо весть секе вал веленть.


Улиньдеряй ванды чись вадря, минь школанек мольтяно экскурсияв.


Тесэ бути союзось арась. вал велесь а ламодо лиякстомс. Яла теке чаркодевксэзэ эзь лиякстомст. Яла теке - улиндеряй ванды чись вадря - те омбонькс вал велесь кадовсь условиянь вал велекс.


3. Сравнениянь вал велеть.


Омбонькс вал велесь лиясто невти. Мезе марто аравтови примеркс вал велесэнть ёвтазесь.


Истят омбонькс вал велетнеде минь карматано мереме сравнениянь вал велеть.


Неть омбонькс вал велетне сюлмавить прявкс вал веленть марто буто сюлмавкссо.


Сайтяно пример.


Эйкакшось истя ранги, буто, мерят, печкить эйсэнзэ.


Те вал велесь кеместэ сюлмавозь явовикс вал веле.


Сон сравнениянь вал веле.


Лиясто сравнениянь омбонькс вал велесь сюлмави прявкс вал веленть марто прок сюлмамо валсо.


Сон истя мазыстэ ёвтнесь Московдо, прок, мерят, сонсь тосо ульнесь.


Те вал велесь - таго кеместэ сюлмавозь явовикс вал веле.


Сон сравнениянь вал веле.


Сайтяно эщо примерт.


1. Ков седе васов минь совилинек вирентень, тов седе яла пустомиль виресь.


2. Ков седе ламо тонавтнят, тов седеяк пек касы тонавтнема мелеть.


Неть вал велетнеяк кеместэ сюлмавозь явовикс вал велеть.


4. Поладозь вал велеть.


Лиясто омбонькс вал велесь ашти прявкс вал велень сказуемоенть поладомакс. Истят омбонькс вал велетне сюлмавить прявкс вал веленть марто буто союзсо.


Сайтяно пример.


Вася ёвтнесь, буто сон Московсо ардтнесь метрополитенэнь вагонсо.


Ёвтнесь - те ули прявкс вал веленть сказуемой. Мельганзо эряви аравтомс кевкстема: мезе ёвтнесь? Буто сон Московсо ардтнесь метрополитенэнь вагосно - те омбонькс вал веле.


Буто союзсонть ушодозь омбонькс вал веленть а эряви човоргавтомс сравнениянь вал веле марто, кона истя жо лиясто ушодови буто союзсо.


Сайтяно кавто примерт.


1. Вася ёвтнесь, буто сон Московсо ардтнесь метрополитенэнь вагонсо.


2. Эйкакшось истя ранги, буто, мерят, печкить эйсэнзэ.


Нейсынк, - тесэяк, тосояк ули буто союз. Яла теке неть кавонест вал велетне аволь вейкеть.


Васенце вал велесь поладозь вал веле.


Омбоце вал велесь - сравнениянь вал веле.


Лиясто поладозь вал велесь ушодови прок сюлмамо валсо.


Сайтяно пример.


Монень марявсь, прок ки бути совась.


Мезе марявсь? - Прок ки бути совась.


Прок сюлмамо валсо ушодови сравнениянь вал велеськак, поладозь вал велеськак. Неть вал велетнень човоргавтомс а эряви.


Эряви мельсэ кирдемс вана мезе: поладозь вал велесь пшкади мезе? кевкстемань каршо. Сравнениянь вал веленть истямо кевкстема а лади.



24. Кеместэ сюлмавозь явовикс вал велеть лия


сюлмавома вал марто.


Омбонькс вал велесь лиясто сюлмави прявкс вал веленть марто лем полавтовкссо эли наречиясо.


Неть валтнэде минь карматано мереме сюлмамо валт.


Сайтяно пример.


Истяк тусь тонавтыцянок, конань минь пек вечкинек.


Конань валось - лем полавтовкс. Сон сюлми омбонькс вал веленть (минь пек вечкинек) прявкс вал веленть марто (исяк тусь тонавтыцянок).


Те вал велесь - явовикс вал веле. Те вал веленть можна ёвтамс лиякскак.


Исяк тусь пек вечкема тонавтыцянок.


Те вал велесь - а явовикс вал веле. Чаркодемань кувалт неть кавто вал велетне вейкеть.


Сайтяно лия пример.


Москов куншкасо ашти мавзолей, косо калмазь Ленин ялгас.


Косо валось - наречия. Сон сюлмави омбонькс вал веленть (Москов куншкасо ашти мавзолей). Омбонькс вал велесь тесэ чаркодевти мавзолей валонть.


Истят явовикс вал велетнеде минь карматано мереме невтемань вал велеть.


Истят явовикс вал велетнесэ валокс эрсить истят валт: ки, кона, кодамо (лем полавтовкст) зярдо, косо, ков, косто (наречият).


Неть сюлмамо валтнэсэ ушодовить омбонькс вал велетне.


Прявкс вал велесэнть каршозост эрсить невтема лем полавтовкст.


Кона, кодамо, кинь, ки, зярдо, косо, ков, косто + се, истямо, се, сестэ, тосо, тов, тосто.



25. Сюлмамо валтомо ды союзтомо кеместэ


сюлмавозь явовикс вал велеть.


Сайтяно пример.


Улиндерян Саран ошсо, молян Мокшэрзянь театрав Пургенькс пьесанть ваномо.


Те вал велесь - кеместэ сюлмавозь явовикс вал веле.


Тесэ кавто а явовикс вал велеть.


1. Молянь Мокшэрзянь театрав Пургенькс пьесанть ваномо.


2. Улиндерян Саран ошсо.


Васенце вал велесь прявкс вал веле.


Омбоце вал велесь - омбонькс вал веле.


Те омбонькс вал веленть эйстэ минь мертяно условиянь вал веле.


Сон невти, кодамо условиянь пингстэ тееви се, мезе ёвтазь прявкс вал велесэнть.


Прявкс ды омбонькс вал велетнень сюлмамо валост арась. сынь кеместэ сюлмавозь ансяк чаркодемасонть. Омбонькс вал веленть ськамонзо чаркодевксэзэ арась.



26. Виде кортамо ды а виде кортамо.


Лия ломанень валтнэнь можна ёвтамс видьстэ истя, кода сынь ульнесть ёвтазь, лиясто аволь видьстэ, лиякс меремс, ёвтави сынст чаркодевксэст, формаст лияксоми.


1. Лелям монень мерсь: Аштек а ламос, иля моль тов.


2. Лелям мерсь монень а ламсо аштемс, а молемс тов.


Васенце кортамсоь - виде кортамо.


Лелянь валтнэ сёрмадозь видьстэ истя, кода сон ёвтынзе сынст.


Омбоце кортамось - эсинь кортамо.


Тесэ лелянь валтнэ ёвтазь аволь истя, кода сон кортась сынь а ламодо лияксомтозь.


Эрзянь кельсэ седе сеедьстэ вастневи виде кортамось. Эсинь кортамоськак вастневи, ансяк седе чуросто.


Вана виде кортамонь пример.


Учителесь мерсь эйкакштэнень: Минек колхозонок пек вадря. Петя мерсь тетянстэнь: Ванта, тетяй, кодат мазыйть тешттне. Неть аволь тештть, неть эликтричествань фонарть, - мерсь тетязо.



27. Кодат лоткамо тешкст путнемс виде


кортамонь сёрмадосто.


Вейс путозь вал велесь, косо ули виде кортамо, ладсевкшни аволь свал ве ладсо:


а) виде кортамось (лиянь валтнэ) моли авторонть валонзо мельга;


б) виде кортамось ашти васенцекс, мельганзо молить авторонть валонзо;


в) авторонть валонзо совавтозь виде кортамонть куншкас.


Сёрмадомсто эряви путнемс истямо лоткамо тешкст:


1. Виде кортамонть ушодоманзо икеле ды прядомадонзо мейле эряви путомс кавычкат ( ).


2. Зярдо виде кортамсоь моли авторонть валтнэнь мельга, сестэ виде кортамонть икеле эряви путомс кавто точкат, виде кортамонть васень валонть ушодомс покш буквасо.


Пример. Лоткась Мика авардемеде ды кармась Пестряк марто кортамо: Пестряк, тон содасак, кона ёно кудось? (Ф. Чесноков).


3. Зярдо виде кортамось ашти икеле ды зярдо а невти кевкстема эли сергедема, сестэ сондензэ мейле эряви путомс запятой ды тире.


Бути виде кортамось невти кевкстема эли сергедема, сондензэ мейле эряви путомс кевкстема тешкс эли сергедема тешкс.


Пример: Те аволь минек велесь, минек маласо вирь арась, - корты эсь пачканзо Мика.


Костонят тон, цёрыне?, - кевкстизе авась.


Тыр-лар, тыр-лар! - марявсть гармуният (Ф. Чесноков).


4. Зярдо авторонть валтнэ аштить виде кортамонть куншкасо, сестэ авторонь валтнэде икеле ды мейле эряви путомс запятой.


Пример. Тетяй, - сергедсь эйкакшонь вайгель, - те ведь Каштанка!.


Приметямо. Содазь, косо виде валтнэ невтить кевкстема, сергедема эли прядозь вал веле, сестэ авторонь валтнэде икеле запятоенть таркас эряви путомс, кодамо лади лоткамо тешкс, сергедема тешкс эли точка.


УПРАЖНЕНИЯТ.


1. (Вал веле).


1. Явшамс предложениянь-предложения. Сёрмадомс ды эрьва вал веледенть мейле путомс точка.



Велесь кармась сыргоземе менелесь маней чилесма ёно овсе мастор ёжос понгавтовсть ревень кедь ладсо колмо а покш ашо пельнеть юткозост прок пона потс кершавсь лисиця чись лембе веть пувась варма ней вармась а ламос энгамсь.


Тесэ-тосо трубатнестэ лиси качамо колхозонь столовой икельде марявить вайгельть веленть омбоце песэ локштядсь стада ванынь локшо чикордсть ортатне лисить скалт, реветь шалакадсть ушов.


Скокадсь чись пельтнень эйкшстэ кирвайсь велень кудо прятне, васов ёртовсть сулейтне кудотнестэ, кальтнестэ кортазевсть лисьматнеяк.


(Ф.М. Чесноков, Авань бригада).



2. Сёрмадомс васня а явовикс вал велетнень, мейле явовикстнэнь. Невтемс зяро а явовикс вал велестэ теевсь эрьва явовикс вал велесь.



Поездэсь станцияс сась позда, чизэяк уш валгсь. Кудов молемс кеменьшка вайгельбе. Ансяк станциястонть сыргинек, чополгадсь, сельмс нерькстак, а неят. А ламонь тарка савсь молемс тенек чугункань кинть кувалт. минек поездэсь сасымизь, ютась ваксканок ды напустясь икелев. Модась зэрнеме кармась поездэнть мельга ды кувать састыне сорнось. Мольдяно, кортнетяно. Ушось лембе, вармась састыне кутморясь псилгадозь рунготнень. Кинть кавто ёнга розь паксясь састыне жойнесь, сон а ламодо ашолдсь чоподанть пачк. Мольдяно, мезеяк а арсетяно. Виде-паро мельсэ лиссь розенть потсто толнэ ды ливти каршонок. Седе малав ды малав яла сы. сонсь те толнось кавто ёнов лыйни. Минь натой лоткавинек. Арынек ве ёнов. Пря кедесь кармась састынька лыкамо, маряса чертне прок стясть.


(Н. Иркаев, Каль пулосо).



3. Сёрмадомс ды эрьва предложениясонть муемс подлежащеенть ды сказуемоенть. Кодамо кортамо пелькссэ ёвтазь вал веленть неть прявкс пелькстнэ?



Дедань кудзо ульнесь пешксе, прок пси тумансо, кежень кирдемасо. Сон лепиявтсь покштнэнь, мик эйкакштнэяк ульнесть те туманонть потсо. Мейле, бабань ёвтнеманзо коряс мон карминь содамо, што авам сась самай се чистэнть, зярдо сонзэ братонзо вешсть тетяст аваст пельде паро чинь явшамо. апак учне авань самозь эщо седеяк покшолгавтызе ды пштилгавтызе сынст мелест явомо. сынь пельсть, што авам карми вешеме эстензэ пелькс. Сонзэ пельксэнть дедам кирдизе ансяк секень кис, што сон мирденень лиссь эсь мельсэнзэ, дедань апак кевксте. Авань братонзо арсесть, што авань частензэ эряви явомс эсь ютковаст.


(М. Горький, Эйкакш пингем).



4. Муемс подлежащейтнень, сказуемойтнень ды чаркодевтиця валтнэнь. Схемасо невтемс, кода эсь ютковаст сюлмавозь вал веленть пельксэнзэ.



Алкине комнатасонть пштистэ качадсь ревень кедень шубань лембесэнть ды каштомсто - пенгень куловсо. Столенть вакссо аштесь ды крутясь лампа фитиленть эйсэ сэрей, виде лавтово ломань. тюжа панаронзо лангсо цитордсь Якстере орден. Те ульнесь Гремячинань партячейкань секретаресь.


(М. Шолохов, Поднятая целина).



5. Муемс а келей вал велетнень.



Аволь шкась - тевтне лиялгавтсызь ломантнень. Эрямонтькак тевтне лиялгавтсызь. Лиялгады эрямось, таго лиялгадыть тевтне. Лиялгады шкаськак. Лиялгадыть ломантнеяк.


Сась сёксь. Кенерезь лемзёрокс чополгадсть ветне. Экшендсь. Уды Гаруз велесь. Костояк а неят толт.


А уды Ёга. А ламос конясынзе сельмензе, таго панжсынзе, варшты вальматнень ёнов. Чопода эщо. Вакссонзо кирмицязь удыть кото эйкакшонзо. Стясь Ёга.


(Ф.М. Чесноков, Сэрей Гава ды Мокриць Ёга).



6. Келейгавтомс вал велетнень. Тень кис кевкстематнень коряс сёрмадомс ладиця чаркодевиця валт. (Упражнениятнесэ).



(Лембе, седестэ, кельме, якшамо, кежейстэ, паксясо, чавот, ламо, сюро, теленень, эмежт, сюро, вирьстэ, пенгть, колхозонь, школав, тонавтнеме, ламо, тонавтнема, районсто.


(Кодамо?) кизэсь кармась ютамо. (Кода?) пизи (кодамо?) пиземе. (Кодамо?) вармась (кода?) пуви (косо?). Паксятне аштить (кода?). Колхозось пурнась (Зяро?) (мезть?). Сон (зярдонень?) аноксты (мезть?). Колхозниктнэ ускить (косто? мезе?). (Кинь?) тонавтницятне якить (ков? мейсь?) (Зяро? кодат? ) книгат састь (косто? кинень?).



2. (Подлежащей).


1. Муемс подлежащейтнень, невтемс, кодамо кортамонь пельксэ сынь ёвтазь.



1. Якшамо, седе а ков. кежейстэ ваны менелесь. Шкань-шкань моли лов, шкань-шкань пель экшстэ варшты чись. Кармить сиядомо ловонть ланга сэнь толнэть, таго мадить. Васов суре ладсо таргавсь уралонь стептне. Тесэ - фронт.


Састо моли минек поездэсь. Пелезь лекси паровозось. Понгонить каршонок сявордозь столбат, яжазь будкат. Калавтозь кудот. Кадозь велинеть.


Пачкодинек станцияс. Седе васов якить ансяк броневикт. Яжазь пря марто таймаскадозь вансь водокачкась. Вокзалонь стенатнень кирпецест ёртнезь платформань келес. Аволь васоло лексесь броневик. Минек паровозось ней а пели, маласонзо виев ялгазо. Кармась вешкеме мезе вийсэ.


(Ф.М. Чесноков, Ушодкс).



2. Профсоюзтнэде можна меремс, што сынь минек масторсо прявтокс аштиця робочей классонь вейкень пес организациязо. Сынь аштить коммунизмань школакс. Сынь явить эсь юткстост сех паро ломанть руководствань роботас тевень ветямо весе отраслятнева. Сынст вельде сюлмавить вейкест-вейкест марто робочей классонть составасо икеле молицятне ды удалов кадозеветне. Истя кортась профсоюзтнэде Сталин ялгась, зярдо ёвтнесь сынст главной задачадост.


Профессиональной роботань башка-башка задачатне ды форматне лиякстомить. Но главноесь кадови секе: профсоюзтнэ - коммунизмань школа.


(Л.М. Каганович, Профсоюзтнэде задачаст).



3. Кона вал велесэнть менстезь подлежащеесь, аравтодо эрявикс подлежащей.



1. Топодсто Трошань вейксэ иензэ. Оргодезь тусь школав тонавтнеме. Стясь валске рана, жикадсь зепезэнзэ кши кочом ды ульцянть кувалт наводинзе пильгензэ. Школась эщо пекстазель. 2. Трошине пильге сур лангсо совась классонтень. Лембе, валдо. Кияксось тэжа прок штань, стенаванть педявтнезь картинат, портретт. Кармась эйсэст ванномо, сон синдезь-путозь маштыль ловномо. Каявсь ве валонть лангс, суронть нерькстызе буквантень.


(Я. П. Григошин, Сонсь пель шка).



3. (Сказуемой).


1. Муемс сказуемойтнень.



Казаконь велесэ. сёвонень кардсо аштесть пестазь сядо комсь полонязь якстереармеецт. Конанень-конанень аволь кувать кадовсь эрямс. Курок ёвтыть, кие кадови эрямо, кинень течи чокшне сави куломс веле ушосо латкс. Чинек-венек кардазонть эйсэ ванстыть казакт ружия марто. Оргодемс ульнесь а кода.


Течи остаткадо кевкстнить эйсэст, кие мезекс ульнесь ды кода эрясь велесэ. Сех остаткакс кадовсь Микшов Вася. Курмашкадсь саразокс сон уголнэс. Палозь палы седеезэ. Курок сайсызь сонзэяк. Кавто казакт ветизь Васянь генералонтень, кона кевкстнесь весемень эйсэ.


(Ф.М. Чесноков, Стувтовить лемест, а стувтовить тевес).



2. Муемс сказуемойтнень ды невтемс, кодамо кортамо пелькссэ сынь ёвтазь.



Мекс течи, дедай,


Тон а весёла?


Ёвкскеть а ёвтнят,


Морот а морат?


Мекс течи, покштяй,


Улот новолезь?


Кода ашо лов,


Чамат оланя?


Эли од пингеть


Тонсь ледсь мелезэть,


Эли седееть


Токизе чокшнесь?


Истя кевкстнекшнить


Кузьматянь эйсэ


Сонзэ нуцьканзо,


Вишка эйдензэ,


Конатненень сон


Ламо ёвтнекшнесь


Ёвкскеть морыненть.


Ёвтнекшнызе сон


Кода мокшотне


Эрясть икеле,


Сыре пингене.


Кода модань кис


Юояртнэнь каршо


Мокшо-эрзятне


Турнекшнесть вейсэ.


Мокшотнень ланга


Карми кортамо


Сорны вайгельсэ,


Натой аварди.


Ялгай, авардят,


Бути мокшотнень


Эрямост ланга


Кармат содамо.


(М. Безбородов, Ёвкс, кона ульнесь. эрзякс сёрмадызе И. кривошеев).



3. Сёрмадомс ве столбикс простой сказуемойтнень, омбоцес - вейс путозетнень.



1. Ютась недлясто азоро авась кармавтымим селёдкань ванськавтомо. Мон карминь ванськавтомо пуло ёндо, сон кода сайсы селёдкканть ды кода карми селёдкань прясонть неркснеме монь чамас. Подмастерьятнеяк пейдить лангсон, кучнить эйсэнь кабакво вина мельга, кармавтыть куяронь саламо азоронть пельде, азорось чави эйсэнь меэсэ понгсь. 2. Карман тенть табаконь томбамо, - таго кармась сёрмадомо: - бути чумо теян, иля пель, монсь муян, карман кемень урядамо прикащикенть эил федькань таркас подпаскакс туян. Вечкема дедай, кодамояк вий арась те коронть кирдемс, сась тень кулома. Арсекшнынь оргодеме велев ялго, ды кемень арасть, пелян кельмемадо. Зярдо покшто касан, карман тень кис андомот, киненьгак а макстан обижамс.


(А.П. Чехов. Ванька).



4. Сёрмадомс сказуемойтнень сынст марто сюлмавозь подлежащейтнень марто.



Минек ды сынст.


1. Советэнь масторсо пек виевстэ ды апак лотксе касы народонь хозяйствась социализмань основасо. Минек масторсонть маштовсть роботавтомо чись ди нищей чись. Капиталистэнь мастортнэсэ яла касыть роботавтомань кадратне. 2. Советэнь союзсонть касы роботань кис питнесь ды паролгадыть робочейтнень эрямонь условияст. Советэнь союзонть тона пеле капиталось вети наступления робочей классонть лангс, алкалгавты роботань кис питненть, чиде-чис беряньгадыть трудицятнень эрямонь условияст. Минек робочеень сех ламо массантень максозь сисем часонь роботамо чи, массатнень активностест яла касы сынсест культурань кепедемань кувалт. Капиталонь мастортнэсэ яла седеяк сеедьстэ снартнить кувалгавтоманзо роботамо чинть, робочеень ды трудицянь эксплоатировамонь лия видтнэнь стакалгавтомаст.


(В.М. Молотов).



4. Сёрмадомс ды невтемс, кодамо числань, лицянь ды шкань теемань валсо ёвтазь сказуемоесь.



1. 1) Пельневсь пулесь сельведьсэ. Куз велесь лажнозь лажны лайшема вайгельсэ. Лужакадсть чаво кудотне, лондакадсть лисьма ундотне, нуваргадсть калень ды килеень тарадтнэ. 2) Ютыть ульцянть кувалт ломантне, весе лайшить. 3) Ильтевсь ве набор - сыретне, мельганзо секе пильге лувсонть саизь омбоцентькак - седе одтнэнь. Нетнень марто нарызь Нужань Пашаньгак. Од цёратнень некрутокс якамо шкасткак седе ламоль. Якасть велеванть, прок пряс вачкодезь саразт. Саизь ошонь томбале казарматнес, кирдизь тосо васень набортнэде кувать; тонавтсть леднеме, ломанень лазномо. Кармавтнесть кирнявтнемс латконть трокс, кармавтнесть пракшномо рудазос, кулаксо эцесть пря потмозост словесность.


(А. Ёндол, Раужо палмань).



2. 1) Поздоровть тенть, Мокшэрзянь мастор!


Кучан мон ине шумбра чи!


Кодгемень иеть мон тонть марто


Яла те праздникенть учинь.


Дедам учозь кулось сокорсто,


Учось тетям, авам учось.


Эзь лисне нужанть кежев кортсо


Мокшэрзянь вишка народось,


Ламоксть якинь долянь вешнеме


Бакув, Ташкентэв, Ленскоев.


Ламоксть родной веленть кадныя.


Долясь эзь вешневть, эзь муевть.


3) Пингем ютась сельмень сявадозь,


Яла изнинь мон вачо чинть.


Эринь седеень ацирьгадозь,


Сюдынь авань, мейс мон шачинь.


Пелинь кортамо родной кельсэ,


Пелинь каявт а каяви,


Пелинь эрямо эсень мельсэ,


Пелинь эйкакшон а трявить.


Велявтсь пингесь, одкстомс масторось,


Муевсь долясь, конань вешнинь,


Паксясо ней колхоз азорось.


Колмо сядт кемень трудонь чим...


4) Тон вете иень эрямозот.


Нейсак, сэрейстэ пек касыть,


А кельгат МАО-нь панарозот,


Панар республикань оршить,


5) Эряк шумбрасто, каст, келейгадт,


Поздоровт тенть, родной мастор!


Сталинэнь кис ашти икельгат,


Од эрямосонть - минсь азорт!


(Тюртяк).



5. Сёрмадомс ды козо эряви путомс тире.



1) Социализмась те паро тев. Социализмань счастливой эрямось содазь пек паро тев (И. Сталин). 2) Трибунанть лангс кузсь Саид Мокаев Нариманонь лемсэ колхозонь председателесь (газета).


3. 1) Гражданской войнась те советэнь властень триумфозо. 2) Пятилеткась велень хоозяйствасо коллективизациянь пятилетка. 3) Велень хозяйствань социализмань койсэ покшолгавтома кись те колхозт ды совхозт. 4) Минь сех пек концентрировазь промышленностень мастор. 5) Пролетариатось класс, конанень ливтевсь крестянствась пингеде-пингес чопода чистнэнзэ ды организовави штурмовой батальонос кабаланть ды помещикень гнётонть каршо бороцямо.




5. (Вал велень омбоць пелькст).


1. Сёрмадомс васня ветямо валтнэнь ветиця валонь марто, мейле - ладязь валтнэнь (лицянь ды поладксонь коряс).



Атя кальтнень ало каль пулотнень ютксто менсь сёвонень леесь. Чуди кевтнень ланга, шли сёвонень берёктнень. Сыре кальтнень ютксо ашти умок уш пельс каладозь ведьгевесь. Чинек-венек кувси, чинек-венек лажны Куж велень ведгевесь. Вишка кудынесэнть вишка вальминеванть эрьва чокшне ваны вишка толнэ. Маней чокшне. Ковось валги яла зелтонтень, экшели прок гала ды наряжи прок мазый ашо оршамосо. Сиянь жарокс палыть зелтонть эйсэ сырнень тешттне. Кальтне нолдызь кувака черест ды шлить эйсэст ванькс зелтсонть. Каль пулосонть састыне кортыть эсь пачкаст вишка нармушкатне. Сиянь ведесь шольнезь шольнесь, мерят, морась морот. Чокшнесь ульнесь а лембе, а экше.


(Н. Эркай, каль пулосо).



2. Топавтемс вал велетнень признаконь лем валсо, конат ладить точкатнень таркас.



1. Чизэ налксезь стясь валске марто ... виренть томбальде. Прок ... одирьва пейдсь велень кудотнень каршо ... толсо палыть кудо прятне. 2 Мазыйстэ вансь ... паксясь каршост. Чийнезь чийнесь ... вармась ... уматнень ланга паксянть педе-пес. ... розтне сюконякшнозь васстсть эйсэст. Весе пингензэ Пахом ютась те .., паксяванть яказь. Ламо шка сон полавтсь ... эрямонзо перть, ламо ливезь чудсь лангстонзо ... модантень. козо ансяк эзь чалгсе сонзэ пильгезэ. Сельмень конязь сон мусы эрьва тарканть ... паксястонть. 3. Келемсь яла ... морось. Чудесь луткова-латкова, тусь ... киява, ... паксянть чирева, ... уматнень трокс. Састыне-састыне кузить ... вайгельтне, ансяк пулост токить розь уматнень ланга, мейле лужакадыть - кармить валгомо.


(Ф.М. Чесноков, Лия толт ней кармасть паломо).



3. Ладсемс ды сёрмадомс вал велеть, косо улевельть вал велень омбоць пельксэкс истят признаконь лем валт:


якстере, покш, келей, виев, кежей, лавшо, вишкине, мазы, кувака, лужаня, сэрей.


4. Сёрмадомс ловомань лемсэ невтезь вал велень омбоць пелькстнэнь сынст ветиця валонть марто.



Кода аштесь тевесь колхозонь строительствань келейгавтомадо икеле. Ниле иеть теде икеле? Сюпалгалесть ды пандов мольсть кулактнэ. Нищегадсть ды розорявсть бедняктнэ, сынь понгоность кабалас кулактнэнень. Кундсезь-кундсезь венстнесть тест кулактнэнень пачкодемс середняктнэ де секе те в пильгест нолаштыльть ды прыльть алов. Бедняктнэнь юткс, теевельть кулактнэнень пейдемакс. А стака чаркодемс, што те тевсэнть лезэ ульнесь ансяк кулактнэнень ды, паряк, конат-конатненень эрикстнэнь эйстэ. Эрьва сядо кардазос велева можна ульнесь ловомс ниле-вете кардазт кулаконь, кавксо эли кемень кардазт эриксэнь, ниленьгемень вете-ведьгемень кардазт середняконь ды бедняконь. Тесэ лиси, колоньгемень вете процентт весе крестьянонь кардазтнэнь эйстэ ульнесть беднякт. Конатненень савсь кандомс кулаконь кабаланть.


(И.В. Сталинь, Минек весемеде маласо задачанок - теемс весе колхозниктнэнь эрикс роботникекс).



6. (Поладкстнэнь чаркодевксэст).


1. Сёрмадомс вал велень омбоць пелькстнэнь, конат ёвтазь предметэнь лем валсо. Невтемс, кодамо поладкссо сынь аштить.



Се иенть кондямо шка бути эрсияк, пек чуросто. Эрьва чистэ пиземесь валозь валы, роботамо а кады. Омбоце ёндо - таго азоргадозь войнась кодаяк апешкеди. Народонть мелезэ пачк мольсь. Ламо цёрат уш кавто-колмо иеть войнасо турить, кие содасы, живть эли кулость. Ломантнень пельде сёрматкак а сыть. велетнень эйсэ кадовсть ансяк ават ды эйкакшт. Сакшныть эщо ормалгадозь эли ранявозь солдатт. Ансяк сынст аволь роботамо а кадсызь, оймень таргамо оля а максыть. Кода ломанесь аламодо карми пильге лангсо якамо, сеск мекев солдатокс ильтясызь. Вана течия апак учне сась велентень карательной отряд. Лангсост англичанинонь шинельть, лавтост ланга каязь япониянь ружият. лишмЕ лангсо ласте мекев-васов артнить.


(М. Н. Данилов - Алдун, Партизант).



2. Невтемс поладкстнэнь чаркодемаст явозь предметнэнь лем валтнэсэ.



1. Сундерьгадома ёнов пачкодинек Вармазейкас. Новолить скалонь, ревень стдат. Велесь аволь пек покш. Кудотне ёртневезь латконь кавто чирева. Паро кудот неявить а ламо, ламо кудот олгсо вельтязь. Совинек велентень. Кие ансяк а нейсамизь. Ваныть прок верьгиз ланкс, натой скалтнэяк сельмест тетьксызь ды ваныть. Сынь прок арсить: истят тесэ арасельть, те мейськак аволь истяе. Кискатне васня каявсть онгомо. Кода неизь - ялганок ашо шляпасо - теке неявтост, орта алга - ды кардазс. Ансяк вейке пелькинешка кикине кувать яла онгсь, сон эзь пельть. лоткинек ве кудо икелев, косо ульнесть колмошка атят. Кевкстинек рузокс, косо эри предстедателесь.


(Ф.М. Чесноков, Веле-веле ланга).



2. 1934 иень декабрянь ковсто Мокшэрзянь областень робочейтне, колхозниктнэ ды весе трудицятне праздновить Мокшэрзянь областень вете иень юбилеензэ ды Советэнь Социалистической Автономной Республикакс тееманзо.


Неть вете иетнень ютамс Мокшэрзянь трудицятне Ленинэнь ды Сталинэнь национальной политикань тевс ютавтозь, партиянть ветямонзо коряс тейсть покш изнявкст промышленностьсэнть ды колхозтнэнь кемекстамо тевсэнть, истя жо формань коряс национальной, содержаниянь коряс социалистической культурань кепедемасонть.


Нищейкс эрямонть таркас, кулаконь ды помещикень эксплоатациянь ды кабаланть таркас теевсь од эрямо, эрикс колхозникень культурной эрямо. Маштсь бедняконь сэпейдеяк-сэпей эрямось. Паневсь паксястонть чикордыця сокась, тарказонзо састь тракторт ды МТС-т. Колхозонь кемекстамось, колхозниктнэнь эрямост вадрялгавтомась пек кастызе трудиця массатнень культурас бажамост.


(Журнал Сятко, 1 1935 ие).



7. (Вал меелькс марто поладкстнэ).


1. Невтемс кодамо поладкссо аштить вал меелькс марто сюлмавозь ветямо валтнэ.



Раужо мундирсэ салдаттнэ аштесть кавто рядсо вейкест-вейкест каршо, ружиятне пильгест вакссо, сынсь а сыргситькак. Сынст удало аштесть барабанщикть, флейщикть ды апак лотксе морасть яла теке моронть. Мезе сынь тесэ теить? - кевкстеия монь кузнеценть, кона лоткась монь ваксс. Татаронть эйсэ пансить оргодемань кис, - кежейстэ мерсь кузнецесь, сонсь вансь рядтнэнь васенце пентень. Мон карминь ваномо истя жо тона ёнов. Васня, рядтнэнь ютксо мезе бути страшной, конась сы монь малав. Монь ёнов сыцясь ульнесь карксамос штапо ломань, сон ульнесь сюлмсезь кавто солдатонь ружияс, конатне ветясть сонзэ эйсэ. Ломаненть вакссо мольсть сэрей ломань шинельсэ ды картузсо. Конань эйсэ наказасть, весе сэрьс таргавсь, пильгсэнзэ цяпась солы ловонть ланга, сонзэ лангс кавто ёндо пркшность мельсек-мельсек вачкодематне.


(Л.Н. Толстой, Оргодемань кис).



2. Невтинк чаркодемаст вал меелькс марто сюлмавозь ветямо валтнэнь, конат текстэнть эйсэ явозь.



Степень куншкас друк кассь ошке. Прок мода потсто лиссь. Цирнить телефонт, секе тев ардтнить автомобильть. Совхозонть келес ливтязь ливтнить штабонть распоряжениянзо. Весе тевенть эряви арсемс, ладс аравтомс. Стака савкшнось, робочейтне мездеяк эзть пель. Састь трактортнэ, арсесть рядонь-ряд колоннас ды пезнавтызь модантень пеест - плугонь лемехест. Гектар-гектар мельга степесь яла раужкадсь.


Зёрнань фабрикась трубавтомо, стенавтомо. Кодамо стена потс сонзэ аравтсак? Паксянь келес сралесть бригадань аштема таркатне. Аштема таркатнесэ - плакатт, чаро лангсо кудынеть, походной кухнят. Тундось сась аволь пек мазыстэ, сон сась пиземе марто ды лов марто. мелявкс саекшнизе робочейтнень. Кода видемс? Пезныть трактортнэ рудазонть потс, а лисевить.


Видеманть яла теке ушодызь. Эзть вант мезеяк лангс, кото сядт тракторт сеялка марто лиссть паксяв.


(Ильин, Гигант).



8. (Вал велень вейкеть пелькст).


1. Сёрмадомс ды невтемс вал велень вейкеть пелькстнэнь. Толковамс лоткамо тешкстнэнь аравтнемаст.


1. Окоптнэнь велькссэ леднесть, пижнесть, сезневсть снарядт. Колхозонь паксясонть кенерсть товзюрот, пинеметь сюрот, шужт, вишть. 3. Ловось вельтинзе ульцятненьгак, кудотненьгак, латотненьгак. 4. Ударникесь заводсо роботась бойкасто, ванькстэ, нардестэ. 5. Пурьгинень шумось гайневтевсь велеваяк, вирьгаяк, паксяваяк. 6) Ошонь ульцятнева ардтнить трамвайть, автомобильть, ломовой извозчикть. 7. Демонстрациянть велькссэ лыйнесть флагт, знамят, ливтнесть аэроплант,гайнесть моронь вайгельть. 8. Колхозонь, теке иневедь, паксясонть зярыя таркава нуить, пивсыть, понжавтыть, весе капшить паксянь тевенть прядомо. 9. Ламо покш заводт ды фабрикат, ламо гигант - совхозт ды колхозст кассть минек Советэнь масторсонть васень пятилеткань перть.



2. Муемс вал велень вейкеть пелькстнэнь ды козо эряви путнемс запятойть.



1. Пурны вармась пельтнень эйсэ


Иневеденть вельксэ увны.


Пельтнень марто веденть ютксо


Ёндолкс ливтни буревестник.


Вант, лопазо волнас токи.


Друк сон налкс ливти пельтненень


Сон пижни, пельтне марясызь


Смел нармуненть вайгелензэ.


Те вайгелесь учи буря.


Те вайгельксэнть пельтне марить,


Кода кежев виев мелев


Ды кода кеми изнямос.


Кувсить чайкат марить бурянть


Кувсить ливтить веденть велькска.


2. Яла нусмакадыть пельтне


Иневеденть вельксэс валгить


Пурьгинентень верев кузить.


Ранги пургинесь. Кежень човсо


Кувсить волнатне


Варманть марто сынь пек згилить.


Вана вармась волнань стада


Баксордась виев кедьсэнзэ


Ды кежейстэ сынст ёртынзе.


Кевс лощинзе.


(М. Горький, Буревестник. Эрзякс сёрм. Салдин).



3. Путнемс а сатыкс запятойтнень.



1. Недля чи. Од тейтертне од цёратне пурнавсть кооператив икелев. Налксить гармуниясо киштить морыть. Кооперативенть удалов пурнавсть ниле-вете башка-башка эриця атят басить эрямонь-аштемань тевде. Проулкаванть састо моли Васькань Дрига эрьва ёнов ванны эрьва козо варшты. Раскулачамодонзо мейле сон вешни яла истямо тарка, косо седе чопода. Косо можна теемс кодамояк чопода тев. Кода неинзе атятнень, сыргась тов. Уезь уи плетененть ёжова прянзо комавтызе прок киска, кона апак онго суски.


(В. Аношкин, манявкс).



2. 1) Пиже лугава


Мокша лей куншкава


Читсь валскень зорява


Вень удоманть пансь.


2) Нурсезь нурсевить


Пилес тошкевить


Каштордсть паксясо


Стака розь прятне.


(Максим Бебан, Мазый валскесь. Мокшонь кельстэ эрзякс сёрмадызе И. Кривошеев).


3. Муемс вал велень вейкеть пелькстнэнь ды вейкетеиця валтнэнь. путнемс козо эряви, запятойть ды кавто точкат.



1. Ловинк. Коната иестэ,


Содынк, кодамо масторсо


Вирь маласо покш ки лангсо


Вастсть вейс сисем цёрат.


Шкас боярнэнь важдыцят


Пурдазь-свистязь губерниянь


Ризнэвкс-авардезь уездэнь


Чаво-аразень волостень


Педе-пес аштикс велинень.


Неть велетнень лемест


Пандай веле Варяй веле


Кепай веле Сорнай веле


Палы веле Ванчай веле.


Вастовсть вейс ды спорязевсть


Ки рузонь келей масторсо


Эри вадрясто паросто?


(Н.А. Некрасов, Ки рузонь келей масторсо эри вадрясто-паросто. Эрзякс сёрм. В.П. Рябов).



2. Минек Советэнь Союзсонть а саевить частной собственностекс производствань средстватне модась машинатне фабрикатне. Омбоце пятилеткастонть малав 50% весе уголиянь добовамонть эйстэ пры уголиянь од районтнэнь лангс Васоло чи лисема ёнкс Караганда Камчатка Сибирь. Кризисэсь саизе буржуазиянь весе хозяйствань промышленностенть велень хозяйстванть торговлянть. Социализмань од эрямонь строямось моли эрьва кува Ледовитой океанонь чирестэ саезь Раужо иневеденть Сибирень тайгатнестэ Каспиянь стептнес молемс. Виевстэ касыть промышленностень од центратне Магнитагорск Кузнецк Тагил.


1- 8 (Мельс лецтемань кис упражненият).


Сёрмадомс ды аравтнемс козо эряви лоткамо тешкстнэнь.



1. Аволь васоло неявсь сэрей вирь арасель эщо Мика вирьсэ вестькак мани виресь эйсэнзэ, пек молевель вановлизе мезе тосо мик тантей экше пуви тосто сыргиксэль, авазо неизе эзизе нолда. Яла теке молян, - арсесь эсь пачканзо Мика обед малав Микань кармась мелезэ молеме псись крутизе. А мезть теемс а козо кекшемс кармамс авардеме, мейле авазо кежиявты ковгак а сайсы вешнесь ума ланга палкинеть аванзо юбкасто тейсь экше тарка прась тозо, таго карвотне а кадсызь судо варязонзо эцить сынсь понгитькак авазояк сась обедамо ярсас-тейсь мадсь оймсеме пек сизесь а курок матедевсь те шкане Мика кармась сыргамо вирев салава-салава пильге сур лангсо тусь сонсь яла варшты удалов, неизе эси авазо пачкодсь вирентень тесэ экше кошт маряви тантей чине Мика кецясь кармась седе курок тарадонь синдтреме неявить мазы цецят а конань сеземс Миканень: тарадткак синдтревель цецяткак кочкаволь.


(Ф.М. Чесноков, Озяз Мика).



2. 1) Ташто строенть пингстэ крестьянтнэ роботасть ськамост-ськамост роботасть дедань ташто способсо трудонь ташто орудиясо роботасть помещиктнэнь ды капиталисттнэнь ангс кулактнэнь ды спекулянтнэнь лангс роботасть пельс вачо аштезь ды сюпалгавтсть лиятнень. Колхозонь од стороенть пингстэ крестьятнэ роботыть весе артельсэ роботыть од орудиясо трактосро ды велень хозяйствань машинасо роботыть сынсест лангс сынсест колхотнэнь лангс эрить капиталисттэме помещиктэме кулактомо ды спекулянттомо роботыть сень кис, штобы чиде чис паролгавтомс сынсест материальной ды культурной положенияст. 2) Улить ансяк кавто кить эли икелев пандов колхозонь од строентень эли удалов пандалов кулаконь капиталистэнь ташто строентень. Колмоце ки арась. 3) Тынк пельде эряви вейке роботамс честнасто колхозонь паро чинть явшамс роботамонь коряс ванстомс колхозонь паро чинть ванстомс трактортнэнь ды машинатнень парсте якамс лишметнень мельга топавтемс тынсенк робочеень-крестьянонь государстванть кемакстамс колхозтнэнь ёртомс тосто кулактнэнь ды подкулачниктнэнь, конат тозо эцесть.


(И.В. Сталин, Всесоюзонь колхозникень-ударникень 1-це съездсэнть речесь).



10. (Пешксе ды а пешксе вал веле).


1. Муемс а пешксе вал велетнень ды содамс, вал велень кодат пелькстнэ менстезь.



1. - Аволь весе вейкеть ломантне. аволь вейкетьстэ пансить ярмактнэнь мельгаяк. Ули мелеть кулсономс? Ёвтнян, кодамо ломань сакшны минек велес. - Ёвтнек. Озак ваксозон ды ёвтнек. Озась Троша атя. - Ох, авакай! Истямо таркасо озадо аштемс, удомат сы курок. Судосот кармат ульмамо сех паро онт. Ну, кулсонок, эно. мерян тенть, ули истямо ломань. лемтеме. Лангс ваномс - адам. 2. Ну, весе ломань парозо. Тельня яки кудодо-кудос, веледе-велес. Чоподаваяк, валдоваяк чапны. - Кода чапны? - Пурны. Кортамодо питне пезэ арась. кода карми басямо, валонзо прок сезезь мешоксто чудить. Пек седейс само ломань. тень ёнов пейдезеви. Тонатань вадяшкавтсы. Колмоценть лангс невти. Нилеценть шнасы. Сон ськамонзо, перьканзо пурнавить ламо. Карми кортамо, весеменень аштемс тесна: весе чумот.


(А. Ёндол, Раужо палмань).



11. (Сказуемойтеме вал веле).


Муемс сказуемойтеме вал велетнень.



Сальской степсэ а чуль а чаль. Прок блидя таргавсть сынь, пеяк тенст, мерят, арась. Сальской степне удость.


1928 ие. Састь кизна Сальской степев учёнойть. Сынь арсесть содамс, вадря а вадря тесэ модась. Можна рась тезэ строямс пек покш совхоз Гигант.


Модась лиссь паро. се ансяк берянь: Сальской степсэ пуви пек пси ды коське варма. Пси. Пидезь-пиди чамат эйсэ. Пиди растениятненьгак. Меритькак суховей. - А тевс кундыде, - мерсь учёнойтненень стада ваны атине, - ёмавтсынзе суховеесь сюронок. А ладс тейдядо. А ладяви тесэ хозяйства. Арсесть-тейсть учёнойтне ды мерсть. Што Гигантонть яла теке строямс можна. - Мездеяк а пельдяно, - мерсь Московсо Калинин ялгась, - варманек-моданек ладс савтсынек.


Тень кис большевикть.


(Ильин, Гигант).



12. (Подлежащейтеме вал велеть).


Сёрмадомс те упражнениястонть подлежащейтеме вал велетнень.



Кармась чопотеме. Коштсонть теевсь душна, кода эри пиземеде мейле. Чись уш аволь сэрейстэ аштесь. Топольтнень пряст кармасть якстерьгадомо. Сынь теевсть седе тустот ды седе сэрейть. Чополгадсь. Сынь велькссэ менелеськак прок алкинестэ новольсь модантень. Леньканень теевсь седеяк скушна, сон мик мезде бути пелезевсь. Сонензэ савсь молемс деданстэнь. Варштась перьканзо ды тусь икелев проулкантень. Милостина вешемс а мейсь. Сон мольсь, марявсь тензэ, бута мештьсэнзэ седеесь чави истя сеедьстэ, молеманзояк нузялдсь, арсемая нузялдсь. Яла теке тейтернесь эзь лисне мельстэнзэ, сон арсесь:


Мезе ней мартонзо ули? Буто сон сюпавонь тейтерь, кармить чавомонзо. Весе сюпавтнэ скупойть. Бути бедноень, паряк а чавсызьгак. Бедноень семиясо эйкаштнэнь седе пек вечксызь, сынст пельде робота учить. Мельсек-мельсек вейкест-вейкест мельга мельтне-превтне сыргсесть пря потсонзо ды яла седе пек кармась сон тосковамо, прок сулейстэ вельтявсть сонзэ мелензэ. Сонензэ теевсь яла седеяк стака.


(М. Горький, Архип ды Ленька).



10 - 13 (Мельс ледстемань кис упражненият).


Сёрмадомс башка-башка а пешксеть, подлежащейтеме ды сказуемойтеме вал велетнень.



Стакасто, апак капша народось явовось кавтов, кадовсь юткованзо келей ки ульцянть.


Кинь истя ванстыть? - Пармань эйкакштнэнь. Парма ошсо забастовка. Азортнэ пек лепштизь робочейтнень, пек стака теевсь робочейтнень эрямост. Вана пурнызь-сэрнизь эйкакшост, конат ормалагалесть уш вачодонть, ды кучизь сынст тей эсь ялгаст туртов Генуяв. Вокзалонть эйкшстэ появасть эйкакштнэ. Молить колоннасо, рядонь-ряд. Весе пельс оршазь, пондарят сынсест нулатнень потсто, прок зверь левкст. Молить вейкест-вейкест кедьс кундазь, ветень-ветень эрьва рядсо - овсе вишкинеть, пуль потсот, неяви, пек сизесть. Народось вастынзе неть икеле пелень ломантнень шумбрань-паронь ёвтамо вайгельсэ. Музыкась гайсэ моры. Эйкакштнэ мик аламодо талакадсть истямо вастомадонть, мик удалов потавсть а ламос, мейле друк таргавсть видьстэ, бута кассть. Арцесть малацек ды сядо вайгельсэ, прок ве курго серьгедсть: Шумбра чи Италиянтень! Шумбра чи од Пармантень! - рангстась народось.


Шумбра чи Гарибальдинень! - сергедсть эйкакштнэ.


(М. Горький, Парма ошсо забастовка).



14. (Пшкадема).


1. Сёрмадомс, пшкадематнень алга черькстамс, толковамс лоткамо тешкстнэнь аравтнемаст.



Прощай, Москава - лаки масторонь седей,


Лыйнек Кремля велькссэ, ине инзей знамя!


(А. Лукъянов).


Поздоровт, лембе седей авинем,


Арсян тенть васолдо шумбра чи.


Мон течи куля марто сёрмине


Родной велестэнь получинь.


(П. Гайни).


Мекс течи, Дедай, тон а весёлат?


Ёвкскеть а ёвтнят, морот а морат?


(М. Безбородов).


Эй, веле, веле, колхозонь веле.


Зэрякадсть паксят ударной тевсэ,


Жоякадсть лугат бригадань вийсэ,


Зыякадсть модат тракторонь зыйсэ.


(Я. григошин).


Пиже вирне, мазы вирне,


Мекс тон нусманят?


Мекс тон горнипов лопинеть


Лангстот певердят?


Мекс а морыть тонь нармунеть?


Мезде тон думат?


Кувака сёксь, вирне, нежедсь


Секс нать нусманят.


(А. Лукъянов).



2. Сёрмадомс вал велетнень лиякс истя, штобы подлежащеесь велявтоволь пшкадема валокс.



1. Пионер свал анок. 2. Тонавтницясь кеместэ кирди школань эрямонь правилатнень. 3. Алё сёрмадсты прянзо спортонь кружокс. 4. Нина свал шкастонзо сакшны политикань кружоконь промкссос. 5. Мйсь Вирясов эзь сакшно исяк школав? 6. Велень комосмолецтнэ организовасть ловнома кудо. 7. Драмкружоконь члентнэ пурнавить клубс ванды сисем часосто. 8. Колхозниктнэ дружнасто ютавтыть тундонь видема лангонть.


Пример. Пионер свал анок. - пионер, ульть свал анок.



2. Сёрмадомс ды путнемс а сатыкс лоткамо тешкстнэнь.



Вай пизек пизек кевень пиземе


Вай пувак пувак толонь вармине


Паряк калады чопода острогсь


Паряк наксады чопода тюрмась


(Эрзянь народонь моро).


Поздоровтадо велень атят дедынень


Шумбратадо седе одтнэ лелинень


Сиведемезь велень стада ваномо


Кармавтомизь вольной стадань ваномо.


(Эрзянь народонь моро).


Эй веле, веле покш колхоз веле


Свал пиреть венстевсть Сур лей малава


Свал паксят сравтовсть мастор келева.


(Я. Григошин).


Эряк шумбрасто каст келейгадт


Поздоровт тенть родной мастор


Сталинэнь кис ашти икельгат


Од эрямосонть минсь азорт.


(Тюртяк).


1) Эх, косат те шкане


Кулдуркаев Яни


Мезть эськат арсят


Мезе ашти превсэть


Мезе тонь седейсэть


Ды мезес бажат?


2) Ну и тусь эрзява


Од морыцянь слава,


Эх эрямо кирдть


Кортазевсть паксява


Мазылгадсть лугава


Сыргойсть тусто вирть.


(А. Моро).



3. Сёрмадомс стихтнэнь ды козо эряви путнемс эрявикс лоткамо тешкст.



Зоря тештть палыть


Масторонть келес


Трудиця ялгат


Пурнавдо Советс


Течинь чинть перька


Паро мель саемс


Советэнь кочкамс


Вайгеленк каямс


И цёрат ават


Косо илядо уль


Сорновтынк рунгонк,


Бути лангсост пуль.


Моледе промксов


Паро тевень тевс


Арадо Советс


Кочкамо тынь вейс.


Тынк ланга ялгат


Седе мораса


Тынк ланга тейтерть


Седе маряса


Седей мором мон


Тыненк алтаса


Моро сятком тенк


Оят артаса.


Велень чинь тейтерть


Тыньгак аватне


Уледе тенек


Марий оятат.


(И. Кривошеев).



15. (Совавтозь валт).


1. Те упражнениястонть башка-башка сёрмадомс совавтозь валтнэнь. Чаркодемс ды толковамс сынст значенияст.



1. Минек классось, паряк, лиси васень таркас тонавтнемань коряс. 2. Содазь, минь вейкеяк тонавтниця а кадтано омбоце ие теке классонть эйсэ тонавтнеме. 3. Видьстэ ёвтамс, пек парт озимтне тедиде минек колхозонь паксясонть. 4. Минек школась якась экскурсияв веледенть аволь васоло пандтнэс эли, кода минек кортыть Кавказов. 5. Тундонь видема шкасто, монь мельсэ, пек удомс а сави. 6. Исяк, келя, шабра веленть ланга ютась пиземе цярахман марто. 7. Иля ашткшне, мерян, роботамо шкане тевтеме. 8. Те тевесь, мельсэм ашти, умок ульнесь, Октябрянь революциядонть икеле. 9. Те атясь, ломанть мерить, кулактнэнь ёнов кедь кирди. 10. Паксясто сюронь урядамонть ютавтынек, кода мерить, веленек-сядонек.



2. Сёрмадодо тынсь вал велеть неть совавтозь валтнэнь марто ды явинк сынст запятойсэ.



Монь койсэ, содазь, паряк, помняса, кортыть, марят, арсян.



17. (Явовикс вал веле).


1. Невтемс лавшосто сюлмавозь ды кеместэ сюлмавозь явовикс вал велетнень.



Илья Ильич сыргойсь валске сонсензэ вишка таркинесэнзэ. Сонзэ ансяк сисем иензэ. Сонензэ паро, весёла. Кодамо сон парыне ды мазы. Щёканзо якстереть, сонсь истямо эчкине ды чевтине, прок тодов. Щёкатне истят кругловойть, лия кодамояк кольняй эйкакшонтень нарошнойгак истят а теевить. Нянясь учи, зярдо сон сыргози. Сон кармась тензэ цюлкинеть тонгомо, цёрынесь пильгензэ а максы, озорови, пильгсэнзэ пстии. Нянясь кундси, кавонест ракить. Меельсь пелев нянясь стявтызе сонзэ пильге лангс, сон шли эйсэнзэ, прянзо судри ды саизе аванстэнь. Авась пачк палсизе эйкакшонть, мейле ванызе жадной мелявкс сельмсэнзэ, ванькст аволь эйкакшонть сельмензэ, кевкстизе, паряк мезезэяк сэреди, кевкстизе няньканть, парсте аволь удось эйкакшось, паряк сырголесь веть, паряк жар ульнесь эйсэнзэ.


(И.А. Гончаров, Обломовонь онозо).



18. (Лавшосто сюлмавозь явовикс вал велеть).


1. Муемс явовикс вал велетнень ды путнемс кодат эрявить лоткамо тешкст. Чаркодемс, кода сюлмавозь смыслань коряс вал велетне, конат совить явовикс вал велентень.



1. Кода те теевсь Макар эзизе сода. Макар содыль потстонзо мезнень бути эряви лисемс. Макар учи вана курок лиси. Макар соды сон кулось. Аште сэтьместэ апак сыргсе. Аштесь кувать мелезэяк мольсь. Макар марясы ки бути эйсэнзэ токши. Велявтызе прянзо сэльмензэ панжинзе. Виресь перьканзо прок лиякс велявтсь. Виздезь аштить велькссэнзэ чувтнэ сырг а мари костояк ве тарад ансяк косто-косто пры лов паморькс. Тарад юткова неявить васоло тешттне. Сынь прок кортнить нейсынек кулось грешной ломанесь. Макар вельссэ ашти сыре Иван попось кувака одижанзо лов потсо. Ло щеканзо лангсояк лов кувака сакалозо потмоваяк. Кулось те попось умок ютасть седе мейле ниле иеть.


(В.Г. Кораленко, Макаронь онозо).



2. 1) Генуясо вокзалонть икеле аволь покш площадентень промсь ламо народ сех ламо ульнесть робочейть. Станциянть малав вешкезь арды паровозось народось кармась талномо. Прок раужо нармунть ломантнень пряст велькска ливтясть шляпатне музыкась анокстась морамо. Кодат бути седе сыре ломанть лиссть икелев велявтсть чама ёндо народонтень ды мезе бути кармасть кортамо. Састо, апак капша народось явовсь кавтов кадовсь юткованзо келй ки ульцянтень. Кинь истя ванстыть? - Пармань эйкакштнэнь.


3) Киштезь ладсо моли Генуянь авась сонзэ кедьс кундазь вакссонзо моли сисем иесэ ломань чувтонь котасо прясонзо серой шляпась пезнась кирга видьс. Авась саизе прястонзо шляпанть кепедизе верев кармась морамо ды пейдеме цёрынесь ваны лангозонзо прянзояк удалов каизе. 3) Сэрей ломань кедень фартуксо лавтовонзо лангсо кирди вишка тейтерне котошка иесэ тейтерьнесь пуль потсо весе серой прок чеерь левкске.


(М. Горький, Парма ошсо забастовка).



2. Конатнень можна, совавтынк а явовикс вал велетнень явовикс вал велес, козо лади аравтодо сюлмамо вал.



1. Кочкомо ланго. Пси. Ченгема чине натой качады паксятнесэ. Ки ланга давол ладсо чаразь-поназь юты пуль. Колмошка недлят уш арасель пиземе. Олгонь кудо прятне прок порох паргот. Колхозонь аватне омбоцеде кочкить ярвой сюрот. Цёратне тусть вирень керямо. Ансяк кеменьшка ломанть теить вейсэнь лишмень кардо. Гава агроном марто тусь паксяв. Кармась сивеме пель чинь псись. Чись шаштсь чи валгомо ёнов. Пувазевсь экше вармине. Каштордозь ютазь олгонь кудо прятнева. Чуросто неят ютыця. Весе прок кекшнесть. 2. Гул моли вере пе ёндо. Тусто кузи раужо качамось. Вельтизе весе вере пенть. Мельганзо ашо качамось седеяк раужосто невти васень качамонть. А мазы ашосо вельтявсь ушось. Нолсезь нолсить покш тол кесактнэ олгонь латотнень прява. Пукшторсо кузи толось кальтнень кокшкес. Котайкшныть саразт. Рангить эйкакшт. Пижнить ават. Ливтнинь кудотнестэ паро чи.


(Ф.М. Чесноков, Сэрей Гава ды Мокрень Ёга).



21. (Кеместэ сюлмаваозь явовикс вал велеть).


1. Сёрмадомс те упражнениястонть кеместэ сюлмавозь явовикс вал велетнень.



1) Эйкакшось эзь учне, зяро авазо прядсынзе наказамонзо. Сон умок уш кардазсо. Сонзэ страсть мелезэ чиемс галереянть ланга, кона ветязь весе кудонть перька. Ды тосто варштамс леенть лангс. Но те галереясь таштомс, сон каладома лангсо. Сонзэ ланга мерильть якамо ансяк ломантненень, бояртнэ а якильть ланганзо. Эйкакшось эзь вант аванзо кирдеманть лангс. Сон уш сыргакшнось кузтеманть ёнов, кона истя пек манясь эйсэнзэ. Се шкане крильцянть лангсто появась нянясь, эль-эль кундавсь тензэ цёрынесь. Сон чиезь тусь тикшень костямонть ёнов, штобы куземс тов крута кузтеманть ланга. Ансяк нянькась кенерсь тезэ, савсь чиемс мельганзо, штобы а нолдамс гулькань пизэнть. 2) арсезеви эйкакшось ды яла вансни перьканзо. Нейсы сон, зярдо Антип сыргась ведень ускомо, моданть ланга вакссонзо мольсь омбоце Антип. 3) Эйкакшонть пек мелезэль молемс пандонтень ды ваномс, ков мольсь лишмесь. Ансяк сыргась ортатнень ёнов, сеск каятотсь аванзо вайгелесь.


(И.А. Гончаров, Обломовонь онозо).



2. Сёрмадомс ды путнемс эрявикс лоткамо тешкст вал велетнесэ.



Те шкась минек роботниктне пек амелявтыть ревенть кис. ревенть лангс ваныть истя буто те истямо скотина кона максы понаяк шубаяк сывельгак ловсояк брынзаяк эстензэ мезе эряви муемс сонсь. Истя арсемань коряс ревесь конань мельга эряви ваномс ды седеяк пек ванстомс эрьва кодат орматнень эйстэ ули беспризорнойкс стадась ули апак организова. Эряви парсте проверямс ломантненьконат аравтозь колхозонь стадантень. Эряви штобы неть ломантнень улезэ мелест роботамо эряви строгасто ютавтомс сдельщинанть ды натуральной премировамонть эряви , штобы ревень улезэ кардозо. Эряви пек виевстэ бороцямс тазтнэнь каршо конань эйсэ сэредить ламо реветь. Но весе неть мероприятиятнень коряс ансяк ванстови стадась ды карми сон нормальнасто касомо. Тевесь сеньсэ што ревень трямо-раштамось покш доход карми максомо ансяк сестэ зярдо стадась одкстоми ды ламолгады. Правительствась тейсь ламо решеният конат стимулировить ревень трямо-раштамо тевенть покшолгавтозь понанть питнезэ менстезь сывелень максомадо мариносовй каракулевой ды смушковой реветне колхозниктнэ ды еденоличниктнэ 1935 иестэ менстезь пояркань максоманть эйстэ.


(М.А. Черновонь докладстонзо всесоюзонь Советэнь 7 съездсэ).



3. Сёрмадомс неть явовикс вал велетнень ды муемс сынст эйсэ прявкс вал веленть. Путнемс лоткамо тешкст.



1) Авась эзь нейть мезе теевсь икеле. 2) Ялгат, салдаттнэ истят же ломанть кодат минь. 3) Сынь а кармить чавомонок сень кис што минь кандтано весеменень эрявикс правданть. 4) Аволь васоло се шкась зярдо сыньгак арыть ве рядс минек марто зярдо сынь кармить молеме аволь грабителень ды ломань чавныцянь знамянть ало сынь кармить молеме минек оля чинь знамянть ало. 5) Сень кис штобы седе курок сынь чаркодевлизь минек правданть миненек эряви молемс икелев. 6) Авась неизе кода Андрей эскельдясь Паволонь икелев ды кекшизе сонзэ эсь теласонзо. 7) зярдо авась лиссь ульцяв сон маризе кода лажность ломанень вайгельтне. 8) Ульцянь уголонть тона ёно, теине проулкастонть промсть сядошка лоанть конатнень ютксо марявсь Весовщиковонь вайгелезэ. 9) Листкетнень конатне тердсть робочейтнень Васень Маень праздновамо цют аволь эрьва вене педявтнелизь забортнэнень.


(М. Горький, Васень Май).



4. Те упражнениястонть сёрмадомс кеместэ сюлмавозь явовикс вал велетнень ды путнемс лоткамо тешкст. Невтемс, кона валонть прявкс вал велесэнть толкови поладкс вал велесь.



Вана Петька дачасо. Васень кавто читнестэ истя ламо сон нейсэ тесэ од истя ламо од впечатленият прасть лангозонзо эрьва ёндо буто сонзэ мик вишка ойминезэяк лепштявсь. соН пельсь вирденть кона шумась прянзо велькссэ ды ульнесь истямо чопода бута пезэяк арась. валдо полянатне истя мазыстэ пижелдсть, ульнесть истя весёлат буто сынь моро морасть мазы цецяст эйсэ. Петьканень пек вечкевсть сынь, сэнь менелесь тердсь сонстензэ ды пейдезь вансь прок вечкема авазо. Петькань чамазо а лоткси пейдемеде. Сон састо прок сыре атине яксесь виренть крайга леенть чирева. Яки-яки сизи, мейле мади пиже луганть лангсды ваи потмозонзо ансяк вишка судынезэ неяви пиже луганть потсто.


Васень читнестэ сон сеедьстэ сакшныль аванстэнь чары вели перьканзо. Зярдо боярось кевкстьсы паро аволь эрямось дачасо Петька пейдезеви ды визделгадозь мери: Паро. Ютасть эщо кавто чить. Петька целанек совась природантень. А ламонь а ламонь сонензэ кармась марявомо што дачасо эрямось прок сонсензэ кудосо. Сон овсе стувтызе Осип Абрамычень парикмахерскоентькак буто сынь арасельтькак мастор лангсонть. ванта кода эчкелгадсь! Теке купець! - кецнесь Наде лангозонзо ванозь. Сон сонсь ульнесь эчке, кухнясо псиденть чамазо свал якстерель прок самоварось. Авазо арсесь бута Петька здоровгадсь секс што сон парсте анды эйсэнзэ. Но Петька овсе а ламо ярсыль сон беряньстэ ярсыль секс што ярцамось а молиль сонензэ а ютколь ярсамскак.


(Л. Андреев, Петька дачасо).



25. (Сюлмамо валтомо ды союзтомо кеместэ


сюлмавозь явовикс вал велеть).


1. Неть кеместэ сюлмавозь явовикс вал велетнень сёрмадынк истя, штобу сынь улевельть сюлмамо валтомо.



1. Бути кармат кувать ваномо алов сэрей кудо прясто, преветь чаракадыть. 2. Числатнень суммаст вишкалгады, бути вейке вейс путома числанть вишкалгавтсынек. 3. Бути леесь чуди бойкасто, аволь кувать ваямскак. 4. Минь пачкодтяно Саран ошов ванды валске, бути поездэсь сы шкастонзо. 5. Бути мутано паро помещения, велесэнть панжить кизэ лангс эйкакшонь площадка. 6. Минь мольдяно экскурсияв, бути музеесь ули панжозь. 7. Бути сави молемс Московов, икелевгак мольдяно Ленинэнь мавзолеентень. 8. Минь весе класснэк ютатано сисемеце классос, бути карматано иензэ перть партсе тонавтнеме. 9. Тонавтницясь ули виев ды шумбра, бути карми тейнеме физкультурань упражнеият.


Пример. Карминдерят кувать ваномо алов сэрей кудо прясто. Преветь чаракадыть.



17 - 25. (Мельс ледстемань кис упражненият).


Сёрмадомс ды путнемс лоткамо тешкст.



1. Робочейтне ульнесть истямо условиясо што кодаяк прят а менстевиль штрафто. Ков иля варшта яла штраф лангс вачкотят. Вейкеяк получка а ютыль ярмаконь кирдемавтомо робочейтнень пельде. бути робочеесь эли од цёрынесь а сави шкастозо роботас позды 2-3 минутат пельдензэ саить штраф чинть нилеце пельксэнзэ кис. Сень пельдеяк кона получась омбоце пель целковой од цёрыненть пельдеяк кона получась весемезэ 40 трёшникть вейкетьстэ. Поздындерят 15-20 минутат кирдить пельдеть пеле чинь кис эли кармавттадызь роботамо ниле част лишной. Мастертнэ пек лездавтылизь те правиланть сынь овсе эзть вант се лангс мезень кувалт робочеесь эзь савт шкастонзо. Зярдо робочейтне энялдсть мастерэнтень штобу вишкалгавтовлизе штрафонть сон мериль тенст: Оргодеде тесэ вон! Илядо смея кортамо! Мезе мери мастерэсь эли бригадирэсь робочеентень савиль теемс куш кармавтомазо улевель овсе толктомо эли мик зыянонь теиця. Бути а кадоват роботамо чокшне ланга расчёт максыть ды секень вант пей ланга понги тенть. Мон монсь неия кода мастерэсь вачкодизе робочеенть сень кис што тона кармавтсь видестэ явшамост премиятнень.


(Ф. Святенко, Сыре мастер).



2. Сэнь иневедь чиресэ Крымень пиже пандтнэнь ало ашти икелень инязоронть покш имениязо - Ливадия. Мезе ансяк арасель те имениясонть мазыйдеяк-мазыйть виноградникт фонтант эрьва кодат умарть-ягодат. Ансяк бути арассель анрмунень ловсо. Ашо дворецтнэсэ конат пешксельть пародояк паро таркадо чинек венек симсть винадо гуляясть. Симсь инязорось симсть покш князтне ды аволь покштнэяк лекасть винадо баронтнэ графтнэ иерейтне генералтнэ офицертнэ, - симсть весе конат эвтясть инязоронть перька ды вейсэ потясть Россиянь народонть верензэ. Кияк илясо тока те иредьстэ шайканть тень кис весе имениянть пиризь пупиця уськсэ. Казарматнесэ ульнесть салдатонь ротат. Чинек-венек сынь ванстсть инязоронть ды сонзэ шайканзо. Салдатнэ ульнесть кочксезь весе виевть шумбрат ловкат. Андсть-симдсть ды оршасть эйсэст парсте. Яла теке эрямс ульнесь тошна ды стака. Стака ульнесь караулсо кувать аштильть салава таркасо ды ваныльть биноколень ды подзорной трубань пачк шоссенть пандтнэнь виренть иневеденть лангс паряк понги сельме икелев кодамояк аволь стяко якиця ломань илязо каяв кияк иредьстэ мастор пазонть лангс. Ютындеряй иневедьганть корабля эли венч имениянть вакска вайгельбеде малава леднесть лангозост винтовкасо маштнесть ломантькак. Ялта ошов кона ульнесь сеске имениянть вакссо салдаттнэнь нолдтнилизь чуросто ды нолдасызьгак пародо а неильть.


(А. Серофомович, Кода сон кулось).


3. Зярдо каштанка сыргозсь ушосонть валдомсь уш. Ульцястонть марявсь шум кода эрси чить. Комнатасонть кияк арасель. Каштанка венстизе сэрензэ кувакасто таргизе оймензэ ды кежейстэ ютась комнатаванть. Сон никсензе весе уголтнэньгак диванонтькак варштась икеле комнатантень мезеньгак паро тензэ эзь марявт. Се кенкштенть башка, кона мольсь комнатантень ульнесь эщо вейке кенкш. Арсесь-арсесь Каштанка ды кармась лапасонзо коцкереме се кенкшентень, панжиз сонзэ ды лиссь омбоце комнатантень. Тесэ кровать лангсо байковой одеяла потсо удось ломань кона туизе сонзэ тей. Каштанка никсизе ломаненть одежанзо, кемензэ. Сонензэ марявсь, што сынст эйстэ качады лишмень чине. Те комнатастонть лиссь ков бути эщо ве кенкш, кона ульнесь истя жо пекстазь. Каштанка коцкересь те кенкшентеньгак тулкадизе мештьсэнзэ кенкшесь панжовсь. Седеезэ каштанкань марясь што парт тесэ а мезть учомс. Урнозь ды эрьва ёнга ванстнезь совась вишка комнатынес конань стенанзо ульнесть педявтнезь пацьказь шпалерсэ. Тандадомань пачк Каштанка мик мекев потавсь. Сон нейсь мезе эзь учнеяк мезе бути страшной. Витстэ Каштанкань ёнов моли сэрой гала прянть марто кувака кирганзо мендизе овсе мода ёжос селнонзо тетькинзе сонсь вешки. А ламодо ве ёно матрацке лангсо мадезь ашо псака. Кода ансяк неизе Каштанкань сон кирнявтсь чирькекс мендизе коперензэ пулонзо стявтызе верев ды истя жо кармась вешкеме. Кискась пек тандадсь яла теке штобу эсь прянзо а невтемс пелицякс кармась пек онгомо ды каявсь псаканть лангс.


(А.П, Чехов, Каштанка).



26. (Виде кортамо ды а виде кортамо).


1. Муинк те упражнениястонть виде кортамонть, ванынк, кодат лоткамо тешкс марто сынс сёрмалесызь.



1. Чинзэ перть истя сизят, эль-эль пильгеть усксевить. А учовияк, зярдо прядови роботамо чись. Ансяк роботанть прядомсоль, друк бригадирэсь ёвты: Мастерэсь мерсь весеменень кадовомс сверхурочной роботас чокшнень 10 часос. 2. Сы лиясто ломанесь роботас, буто мезеяк а сэреди, шумбра. Друк марясы, ёжозо берянь, моли мастерэнтень, мери: Господин мастер. Нолдамак врачнэнь. Мастерэсь тензэ: Мезеть сэреди? Робочеесь ёвтни: пекем ды прям сэредить. Овсе берянь ёжом. Мастерэсь таго: Кенгелят, тон шумбрат! Азё роботак, пропуск а максан! 3. Зярдо робочейтне энялдсть мастерэнтень, штобы вишкалгавтовлизе штрафонть, сон мериль тенст: Оргодедэ тестэ вон! Илядо смея кортамо! 4. Мастерэсь эзь максо оля каршонзо валонь мереме. Тон течи кармат роботамо чокшне, - мери мастерэсь. 5. Се шкастонть эрьва косо сайнильть казнеть (взяткат). Мастерэськак казнеть саиль. Ульнесь минек робочей сверильщик. Сон понгсь мастерскойс мастерэнь кувалт. роботамо питне кармась получамо весемеде ламо. Те мезе истя улезэ, кабо сон весемеде парсте роботы? - дивсесть робочейтне.


(Ф. Святенко, Сыре мастер).



2. Икелень упражнениястонть лиянь валтнэ ёвтазь виде кортамосо. Сёрмадомс сынст эсинь кортамонь формасо.


Пример. Друк бригадирэсь ёвты: Мастерэсь мерсь весеменень кадовомс сверхурочной роботас чокшнень 10 часос. - Друк бригадирэсь ёвты, мастерэсь, келя, мерсь весеменень кадовомс сверхурочной роботас чокшнень 10 часос.


3. Муемс те упражнениясонть виде кортамонть ды путнемс кодат эрявить тешкст.



1. Капши Лёва низэ седе курок явавтомс каштомонзо ды туемс паксяв нуеме. Читне обедтэ мейле яла кармасть вармаськалеме. Секень вант вачодо кадоват, весе розтнень вармась чукасынзе. Илька цёразо чары вакссонзо, секень вант пильгалов понги, пек мелезэ лездамс аванстэнь. Авазо кармавтызе модарькань ватксеме. Тон, Илька, кадовт кудос пшкадсь тензэ авазо тевень маштомадо мейле. Ванок, уипакатнень андыть, ды вадов сынст аволизе салсе. Кудонть чаво иляк кадно, ванат кодат читне. Исяк палсь Суляв, текень пельть ансяк пожардо. 2. Пек сявадыль Илькань сельмезэ ялганзо лангс. Туить сынь лишме марто чокшне луга лангов удомо, сонензэ а ков молемс. Лиясто тарка эстензэ а муи аштемс. Авай, куш вашине рамавлить монень. мон кармавлинь мельганзо якамо. андовлия парсте, мейле весе сокамотнень сокавлинь ды пенгтнень усковлинь мери лиясто сон аванстэнь. Рамавлинь. Цёрынем, ды а мейсэ рамамс мери авазо, сонсензэ цют а туить сельведензэ. Мель мольсь уш истя пингень печтезь. Касат, цёрынем, сиведят роботникекс. Роботат ярмакт сестэ раматано кармат тонсь роботамо сокамо-изамо мери тензэ авазо сонсензэ седеесь прок пелезь пелеви.


(Ф.М. чесноков, Тетяка лвкс).



4. Сёрмадомс ды путнемс кодат эрявить лоткамо тешкст виде кортамосонть.



Май.


1. Лука батракокс эрясь. Вана чинь каршо сон сутямсь. Прялонзо лепштясь мушко комор. Умок сон те чинть учнесь. Те чистэнть васень май. Лука! Лука! Стявтнесь Лукань азорось. Тон мезть? Алкукс? Эль пря невтят дуракакс те коенть - чинь-чоп кеверкшнемс бока лангсо? А ламос оймсить, саты. А марят тон? Пилеть нать потомсть? Вант, цёра, неяви оляс пек понгить. Тон арсят, мон эзия ней, кодамо тон кекшить листовка? Таго ошсто кулят? Таго, нать. Забастовка? Неть весе нищей робочейтне! Неть сынь истя теить, проклятойть. Эряви тенст велесь. Простой народонть мутямс. Ма-ёв-ка! Содасынек маёвканть! Маень кис эно инечинень раминь тенть од поддевка? Мень кис? Эх, паро, браткем, Лука! Эх, сырним, иля уль тон дуракокс. Сак прявс шкастонзо. Зярс кортань паро валсо. Седе тов парт иля учне - варшасак, киска, каталажканть. Стражникесь аволь васоло, теск. Сестэ Лукас прок вачкодсь мезе бути. Стясь пильге лангс, сонсь якстерьгадсь. Сельмензэ палыть толкс. Марят, азор? Тень мельсэть кирдик кувать. Те... Васень май. Сювордынзе Лука мокшнанзо, лавтовонзо витинзе, эщо весть мерсь: Марят? Илямак токше.


(Д. Бедноень баснянзо коряс).



2. 1) Кода кавксо иеть


Ансяк топодсть цёрынентень


Атявтсь подпаскакс максызе.


Кудов весть учан цёрыненть.


Стадатнень уш нолдызь.


Лисинь ульцяв ды варштавинь:


Ки сода мезень промкс.


Кулсонан. Чиинь народ юткс.


Ванан. Ловтаня Федотонь


Силантий кирди пиледе?


Мезень кис кирдят пиледе


Кевкстия мон Силантиень.


Ёлосо керямс арсетям


А ламодо цёрант -


Кундась вергизэнь андомо


Велень рревесэ сон.


2) Теевсь тамашань тев.


Пастухось тусь. Федот кадовсь


Стаданзо перька ськамонзо.


Аштян пандыне прясо мон


Исят ёвтнесь цёрась


Косто а косто ардсь


Вергизэнь пек покш авака.


Маря бабань ревензэ сон


Каподизе сон тусь оргодьме.


Мон мельганзо чиян,


Ранган. Локшосо локштеян,


Вешкан, Валеткань узавтан.


Мон чийнеме алян.


3) Лоткась ардомдо вергизэсь


Моли лотки варшты монь лангс


Мон мельганзо.


Озась. Мон локшосо


Кадык ревенть ранган.


4) Кеждясь Силантий старостась,


Ранги мезть тон эцят


Эрь арсят тонсь ёло алов


Мадеме цёрат кис?


Маря баба яла ранги


Кадык тонавтсызь эйкакшонть


Ды нельги кедьстэнь Федотонь.


Федот лопакс сорны.


Марявить рогань седямот,


Помещикесь кудов эль сы.


Мон сонензэ


Илямак кадт! Ульть идицякс!


Мезе тосо? кевкстсь старостанть


Ды сеске тейсь решения


Пельс преве однэ цёрыненть


Нолдамс истяк


Сонзэ сёвныця аванстэнь


Максомс ламо ёлот.


Вай боярнэм кирнявтынь мон


Идезе сон монь цёрынем.


Азё кудов Федот.


Топавтьсынек кармавтозенть


Мерсь промозетненень старостась.


(Н.А. некрасов, Вергиз ава. Эрзякс сёрм. В.П. Рябов).



(Весе синтаксисэнть коряс мельс ледстемань упражненият).



1. Сёрмадомс ды путнемс козо эряви точкат ды лия лоткамо тешкст.



Парижень бульвартнэва ды ошонь малава таркатнесэ секе тев яксиль кевейкее-кемгавтово иесэ цёрыне те цёрыненть арасель мелявксозо сон эйкакшокс пейдькшнесь яла теке эрямось сонензэ марявсь аволь весёла оршазель сон прок пейдемань кис лангсонзо ульнесть цёрань штанат ды авань кофта штанатнень максызе тензэ аволь тетязо кофтанть аволь авазо лия ломанть жалямонь кис оршизь-карсизь сонзэ сынсест нуласост-валасост сонзэ ульнесть тетянзо аванзояк ансяк сынь эзть меляв кисензэ.


Те цёрынентень сех паро ульнесь ульцясо тетянзо-аванзо сонзэ кучкордозь ёртызь эрямонтень сон оргодсь сынст эйстэ те цёрынесь ульнесь бойка чамазо ловтаня вансь пштистэ сон яксесь ульцятнева морась морынеть налксесь сокарясь соронь кайсема таркасо сон пейдиль зярдо мерильть тензэ ульцянь цёрыне кежиявтнесь зярдо мерильть тензэ бродяга сонзэ арасель а кудозо а кшизэ а толозо кияк сонзэ а вечкелизе яла теке ульнесь весёла сон олясоль кода эзь ульне те эйкакшось ськамонзо кода эзь ульне сон эйкакшокс яла теке кавто колмо ковонь ютазь ледиль мелезэнзэ: эряви молемс варштамс авань.


Сон кадылинзе покш бульвартнэнь валгиль набережной ульцятнева печкиль сэдтнень трокс пачкодиль ошонть ушов ды понгиль берякшке кудынес косо эрясь сонзэ семиязо тесэ сонзэ вастылизе нищей чись а паро се што сонзэ вастомсто кияк а пейдиль весе вансть кельмстэ кода кельмстэ аштесь чаво очагось кудос совамсто сонзэ кевкстилизь:


Тон косто саевить?


Сон отвечась:


Ульцясто.


Кудосто туемстэ кевкстилизь:


Ков молят.


Сон отвечась:


Ульцяв.


Те эйкакшонтень истя жо а сатыль вечкиця авань лембе седеезэ кода чи валдось а саты мацтсо касыця тикшенень.


(В. Гюго, Гаврош).



2. Сёрмадомс ды путнемс козо эряви лоткамо тешкст.



1. Илья Ильич прок сельмензэ икеле нейсы кудосонь эрямонтькак Штольцэнь кедьсэ эрямонтькак.


Ансяк сыргози сон эсь кудосонзо тарканзо вакссо уш стядо ашти Захарка кона мейле теевсь сонзэ камердинерэкс Захар Трофимовичекс.


Захар истя жо кода икеленьшкане нянькась тонги пильгезэнзэ цюлкат тонги тензэ ботинкат Илюша уш кемнилее иесэ цёрыне секень теи ансяк венстьсы тензэ то пильгензэ то омбоценть марявиндеряй мезеяк аволь истя сон пильгсэнзэ пситьдсы Захаркань судос.


Карминдеряй Захарка пеняцямо покштнэнень тонатнень пельде седеяк понги тензэ. Мейле Захарка Илюшань прянзо судрясы орши лангозонзо куртка се шкане састыне тонгсынзе Илья Ильичень кедензэ ожатнева пек илязо маряв тензэ ды мельс ледьстсы тензэ мезе эряви теемс валске стямодо мейле шлямс ды лият.


Мелезэ ды мезескак Илья Ильичнень сонензэ сави ансяк сельмсэнзэ коньштамс колмо ниле слугат ёртозь ёртовить сонзэ мелензэ коряс тееме правты мезеяк сон эряви тензэ саемс мезеяк кандомс тензэ мезеяк ды сонстензэ а кандови сонзэ кода бойка эйкашонь лиясто мелезэ чиемс ды сонстензэ весе теемс сестэ друк тетязояк авазояк колмонест патянзояк вейке вайгельсэ весе сергедить.


Мейсь истя ков мезекс эно Васька, Захарка Ванька эй Васька Ванька мезе вандадо кургонь автнезь вана мон тынк Кодаяк а сави Илья Ильичнэнь мезеяк теемс сонстензэ мейле сон сонськак чаркодизе што истя седе паро а мезть эстеть мелявтомс сонськак мейле тонадсь сейреме.


Эй Васька Ванька кандыка тень туика тонань а эряви се а эряви тона чийнек тов туик сень.


Косто косто вечкиця тетятнень аватнень кисэнзэ мелявтомаст эйстэ мезеяк молиль.


(И.А. Гончаров, Обломовонь онозо).



2. Рангстась гудокось сонзэ раужо шумозо вельтизе ломань вайгельтнень народось соракадсь конат озадольть стякшность минутань перть весе прок кулозь аштесть учнесть ламонь чамаст ловташкадсть.


Ялгат - каятотсь Паволонь виев вайгелезэ прок коське пси качамосо пидевсть аванть сельмензэ сон друк арась цёранзо удалов весе велявтсть Павол ёнов арсесть перьканзо прок кшни паморькст магнит перька.


Авась вансь чамазонзо сонензэ неявсть ансяк сельмензэ - а пелицят смелт пидсезь пидсить.


Ялгат минь видьстэ апак пельть ёвтасынек кить минь минь течи кепединек минек знамянок правдань оля чинь знамянть.


Знамянть недезэ ашо ды кувака видьстэ стясь верев ломантнень верев кепедезь чамаст велькссэ прок якстере нармунь верев ливтясь робочей народонь знамясь.


- Шумбра чи робочей народонтень сергедсь Павол.


Сядо вайгельсэ сергедсть каршонзо.


Народось лаказь-лакась знамянть малав мольсть неть конат чаркодизь сонзэ значениянзо Павол ваксс мольсть Мазин Самойлов Гусев прянь комавтозь тулкаесь ломантнэнь эйсэ Николай ды эщо кодат бути ломанть конатнень авась а содылинзе сынь ульнесть одт сельмест палозь палсть.


- Шумбрат улест весе масторонь робочейтне сергедсь Павол яла седе виевстэ ды седе кецязь сонзэ каршо тыща вайгельсэ лажнось народось.


Аванть турванзо пейдезевсть сон мольсь Мазин удало ды прянзо велькска вансь цёранзо лангс ды знамянть лангс сонзэ перька весемень чамаст ульнесь кецязь сельмест валдосто вансть весемеде икеле мольсь сонзэ цёразо ды Андрей сон маринзе сынст вайгелест.


- Сыргак тон стявтовт трудиця народ.


Сыргак туреме вачонь кирди.


Народось чийсь якстере знамянть каршо народось мезть бути сейресь валовсь знамянть ало молицятнень марто ды мольсь мартост народонть шумозо ёматотсь моронь вайгельтнень ютксо се моронть конань морсилизь кудосо састыне ульцясо сон келейгадсь смольсь вейкетьстэ лиссь пек виевстэ те моросонть марявсь а пелиця кшнинь вий сон тердсь ломантнень икеле пелень эрямонтень сон видьстэ ёвтнесь стака киденть.


(М. Горький, Васень май).