Матѳеень сёрмадовт евангелія.

Глава 1.

Авраамонь Цёрань, Давидэнь Цёрань Іисус Христозонь родозо: Авраамонь пельде шачсь Исаак.
Исааконь пельде шачсь Іаков. Іаковонь пельде шачсь Іуда братонзо марто. Іудань пельде, Фамарань эйстэ шачсь Фарес да Зара.
Фаресэнь пельде шачсь Эсром.
Эсромонь пельде шачсь Арам.
Арамонь пельде шачсь Аминадав.
Аминадавонь пельде шачсь Наассон.
Наассононь пелде шачсь Салмон.
Салмононь пельде, Рахавонь эйстэ, шачсь Вооз.
Воозонь пельде, Руфань эйстэ, шачсь Овид.
Овидэнь пельде шачсь Іессей. Іессеень пельде шачсь Давид Инязоро.
Давид Инязоронь пельде се нинть эйстэ, кона васнят улнесь Уріянь, шачсь Соломон.
Соломононь пельде шачсь Ровоам.Ровоамонь пельде шачсь Авія.
Авіянь пельде шачсь Аса.
Асань пельде шачсь Іосафат. Іосафатонь пельде шачсь Іорам. Іорамонь пельде шачсь Озія.
Озіянь пельде шачсь Іоафам. Іоафамонь пельде шачсь Ахаз.
Ахазонь пельде шачсь Езекія.
Езекіянь пельде шачсь Манассія.
Манассіянь пельде шачсь Амон.
Амононь пельде шачсь Іоссия. Іоссіянь пельде шачсь Іоаким. Іоакимень пельде Вавилонс саймеде икеле, шачсь Іехонія братонзо марто.
Вавилонс саймедест мейле Іехоніянь пельде шачсь Салафіиль.
Салафіилень пельде шачсь Заровавель.
Зоровавелень пельде шачсь Авіуд.
Авіудонь пельде шачсь Еліаким.
Еліакимень пельде шачсь Азор.
Азоронь пельде шачсь Садок.
Садоконь пельде шачсь Ахим.
Ахимень пельде шачсь Еліуд.
Еліудонь пельде шачсь Елеазар.
Елеазаронь пельде шачсь МатІан.
МатІанонь пельде шачсь Іаков. Іаковонь пельде шачсь Іосиф, Маріянь мирдезэ.
Маріянь эйстэ шачсь Іисус, конадо мерить Христос.
Истя весемест колинатнеде Авраамсто Давидс пачкодемс ульнесть кемнилее, Давидстэ саезь Вавилонс саймезэст-как ульнесть кемнилее жо.
Вавилонс саймеде мейле Христозостень пачкодемс-как кемнилее колинат ульнесть.

Іисус Христозонь шачомазо истя ульнесь: Сонзэ Авазо, Марія, Іосифнень чіямодо мейле, сынст вейсэ эрямо кармамодо икеле, Святой Духонь війсэ пекіясь.
Сонзэ мирьдезэ, Іосиф, ломансь праведной ульнесь.
Сон, ломанень теде а содамонь кис, арсесь Маріянь салава нолдамонзо.
Кода сон истя арсесь, лись онозонзо Пазонь Ангел да мерьсь тензэ: Давидэнь цёра, Іосиф! иля пельть эсь нить, Маріянь, эстеть саймедензэ: сонзэ эйстэ шачозесь Святой Духонь пельде ули.
Сон шачты Цёра, лем Тензэ путат Іисус.
Сон эсь ломанензэ пежетест идесынзе.
Те весе теевсь пророконь вельде ёвтазь Пазонь валтнэнь топодьмань кис, коната кортась: Вана тейтерь пекіи да шачты Цёра, лем Тензэ путыть Еммануил, конадо ліякс меремс: минек маро Паз.
Удомсто стязь, Іосиф тейсь, кода тензэ мерьсь Пазонь ангелсь: саизе нинзэ эстензэ, да весе эссе содакшнок сонзэ.
Марія шачтызе васенце Цёранзэ. Іосиф лем тензэ путьсь Іисус.

Глава 2.

Кода Іисус, Ирод инязоронь пиҥгстэ, шачсь Іудеянь Вифлеем лемсэ ошнэ, састь Іерусалимс чинь стямо ёндо водхват да мерить: косо Іудеень шачозь ИнязоросьІ Минь чинь стямо ёно неинек сонзэ тештезэ да сынек Тензэ сюкунямо.
Тень марязь, Ирод инязорось, да весе Іерусалимсь-как маронзо, тандадьсть.
Весе первосвященникнень да народонь книжникнень пурназь, кевстнинзе: косо эряви Христозонтень шачомсІ Сынь мерьсть тензэ: Іудеянь Вифлеемсэ.
Истя сёрмадозь пророконь вельде: Тон-гак Вифлеем, Іудань мастор, мезде-як авишкинят ліят Іудань ошнеде: тонть эйстэ лиси Прявт, кона вансазо монь Израиль народом.
Сестэ Ирод терьдинзе салава волхватьнень да тештень неявмо шкадоньть кевстнинзе.
Мейле сынст Вифлеемс кучомсто мерьсь: азёдо, эйкакшодонть парынестэ содадо; а знярдо муйсыҥк, монень куля пачтядо: мон-гак молезь сюкунявлень Тензэ.
Сынь, инязоронть кулцонозь, тусть.
Вана, се тештесь, конань сынь неизь чинь стямо ёно, мольсь сынст икеле.
Кода сон пачкодьсь Эйкакашонть аштима таркасть вельксэс, лоткась.
Тештень неезь, сынь покш эрьгедьмасо эрьгедьсть.
Кудостень совазь, сынь неизь Эйкакшонть Марія аванзо марто, да празь сюкунясть Тензэ.
Мейле кедьгест панжозь, кайсть Тензэ: сырьне, ладонь да смирна.
Онснэст Иродонь амольмань кулянь марязь, лія кіява тусть эсь масторозост.
Сынст туймеде мейле, Іосифень онозонзо лись Пазонь Ангел да мери: стяк, саик Эйкакшонть да аванзо, да оргодь Египетс, да ульть тосо монь тенть ёфтамозон: Ирод арси эйкакшонть маштомонзо кис вешнемензэ.
Сон, стязь, веть саизе Эйкакшонть аванзо марто да тусь Египетс, да ульнесь тосо Иродонь куломозонзо.
Истя топодезэ пророконь вельде Пазонь эйстэ ёфтазесь, кона кортась: Египетстэ терьдія Эсь Цёрам.
Сестэ Ирод, кода неизе волхватнень лаҥгсонзо пеедьмаст, пек кежіявтсь да кучсь Вифлеемсэ да весе перьканзо таркатьнева-як, волхватнень пельде содазь шканть кувалма, кавто іень да седе вишкинеть эйкакшнэнь машлемс.
Сестэ топодьсь Іеремія пророконь кортамозо, кона мерьсь: Рама ошнэ маряви авардима, раҥгамо, даламо лайшима вальгней.
Рахиль аварьди эсь эйкакшонзо кис да сынтс аразень кувалма арожоми-як.
Иродонь куломодо мейле Египетсэ лись Іосифень онозонзо Пазонь Ангел, да мерьсь: Стяк, саик Эйкакшонть да аванзо, да азё Израилень масторс: Эйкакшонть оймензэ вешницятьне кулость (ней).
Сон стясь, саизе Эйкакшонть да аванзо, да сась Израилень масторс.
Кода марясь, што Ирод тетянзо таркас Іудеяс инязорокс озась Архелай, пелезевсь тозо мольмедензэ.
Онснэнзэ кулянь саезь, тусь Галилеень масторс.
Тозо сазь, кармась Назарет лемсэ ошнэ эрямо.
Истя топодезэ пророкнэнь вельде ёфтазесь: Соньдензэ Назорей мерьме кармить.

Глава 3.

Сеть читьнестэ сась Іоанн Креститель да Іулдеень чаво паксясо истя кортазь кармась тонафтомо.
Яҥгседе пежетеҥк кис: менелень инязорокс чись малав пачкодьсь.
Сон
((Іоаннсь)) се ули, конадо мерьсь Исаія пророк: чаво паксясо сеерицянь вальгей (маряви): анокстадо Пазостень ки, видьстэ теиҥк Сонзэ якамо тарканзо.
Сонсинзэ Іоанноь одижанзо ульнесь верблюдонь понань, перьканзо карксазь ульнесь кшнань каркс.
Ярцамозо сонзэ ульнесь акридат
((паксянь цирькут)) да дикой мекшень - медь.
Сестэ лисьнесть тензэ Іерусалимстэнть, весе Іудеястонть да весе Іорданонь перька таркатьнестэ-як, да пежетест ёвтлезь, лемдевсть сонзэ кедьстэ пряст Іордансо.
Кода неизе Іоанн ламо фарисейтьнень да саддукейтьнень сонензэ пряст лемдеме самонть, мерьсь тенст: гуень левкст, ки теҥк ёвтась сыця кежденть оргодьмедеІ Тееде ино пежетеҥк кис яҥксемеде мейле парт тевть, да эсь пачкаҥк илядо арсе, минек тетянок Авраам.
Мерян теҥк: Пазостень не кевтьнестэ Авраамнэнь эйкакшт теевить.
Узересь-как уж чувто юрсо ашти: эрьва чувтось, кона а канды парт умарьть, керязь да толс каязь ули.
Мон эснэҥк пежеттеҥк яҥксевтезь ведьсэ лемдян, а мельган сыцясь, моньдень віев: мон амаштуван Сонзэ кемень кандыцякс-как.
Сон тыҥк лемттядызь Святой Духсо да толсо.
Сонзэ коймезэ кедьсэнзэ.
Сон ваньськавцазо эсь тиҥге-пирезэ, да товзюро пурнасазо утомозонзо, а сюватьнень пултасынзе амадиця толсо.

Сестэ сась Іоаннэнь Іордан чирес Галилеясто Іисус сонзэ кедьстэ прянзо лемдефтеме. Іоанн кардась эснэнзэ, мерезь: монень эряви тонть кедьстэ прям лемдефтемс, тонеть-ли монень самсІ Іисус каршозонзо мерьсь: кадык ней: истя миненек эряви топавтемс эрьва виденть.
Сестэ Іоанн нолдызе Сонзэ.
Лемдевезь, Іисусось сеск лись ведьстэнть.
Вана панжовсь Тензэ менельсь да (Іоанн) неизе Святой Духсьть, кона гулькакс валксь Іисусонь лаҥгс.
Менельстэнть марявсь кортыця вальгей: Те Монь вечкима Цёрам, Сонзэ эснэ Монь паро олям.

Глава 4.

Теде мейле Духсь саизе Іисусонь чаво паксяс діавольнь пельде снартлемень кис.
Тосо Сон ниленьгемень чи, да ниленьгемень ве пост кирдьсь
((эзь ярсак)), а меельсь пелев пекезэ вачсь Снартлицясь, ваксозонзо сазь, мерьсь: ульнидерят Тон Пазонь Цёра, мерьть, не кевтне кшекс велявтост.
Сон мерьсь каршозонзо: сёрмадозь - ломань аволь ве кшесэ ансяк эри, а Пазонь куроксто лисиця эрьва кодамо валсо.
Сестэ саизе Сонзэ душмансь святой ошостень, аравтызе церькува прянть чирес де мери Тензэ: Улиньдерят Тон Пазонь Цёра, ёртовот алов, ведь сёрмадозь: Эсь Ангелэнстэнь Тонть ванмот кармавты: пильгеть кевс а эшкивмань кис, сынь кедь лаҥгсост Тонть канттадызь. Іисус мерьсь тензэ: истя жо ули сёрмадозь: эсь Пазот эснэ иля снартле.
Таго саизе Сонзэ душмансь пек сэрей пандо пряс, невтинзе Тензэ весе мастор лаҥгонь инязорокс читнень славаст маро да мери Тензэ: Празь сюкунятдеряй монень, весе нень Тонеть макссынь.
Сестэ мерьсь тензэ Іисусось: орготь вакстон, атана, ведь сёрмадозь: Эсь Пазот туртов ансяк сюкунякшнок, да ве Сонензэ ансяк служак.
Сестэ кадызе Сонзэ душмансь, састь Ангелт да служасть Тензэ.

Іоаннань (тюрьмас) пекстамодонзо марязь, тусь Іисус Галилеяс.
Назаретэнь кадозь, Сон сась Завулон марто Неффалимень масторс да кармась эрямо моря чирень капернаумсо.
Истя топодезэ Исаія пророконь вельде ёвтазесь, коната кортась: Завулононь мастор, да Неффалимень мастор! Морянь ки лаҥгонь, Іорданонь томбальксэнь, язычникень Галилея.
Чопуда таркасо аштицят ломатьне покш валдо нейсть; кулума масторсо, да кулумань чопудасо аштицятненень валдо валдомсь.
Се шкастонть кармась Іисус тонавтомо да кортамо: яҥкседе пежетеҥк кис; менелень инязорокс чись малав сась.

Галилейской моря чирева якамсто нейсь Сон кавто братт: Симононь, конадо мерить Петр да братонзо Андреень: сынь ульнесть калонь кунцицят, моряс сеть кайсильть, да мерьсь тенст: моледе Монь мельган, - Мон тыҥк тейдядызь ломанень кунцицякс.
Сынь сеск, сетест кадозь, тусть мельганзо.
Тосто туезь, нейсь ліят кавто братт: Зеведеень Іаковонь да сонзэ братонзо Іоаннань.
Сынь Зеведей тетяст марто веньчне сетест эснэ пантлильть.
Сон сынст-как терьдинзе Сынь-гак сеск, веньчест да тетяст кадозь, тусть мельганзо.
Синагогава тонавтозь да менелень инязорокс чиденть паро кулянь ёвтлезь, ломанень эрбва ормань віемтлезь, да эрь тарвонь пичкавтлезь, якизе Іисус весе Галилеянть.
Тусть Эстэдензэ валт весе Сиріянь келес да вецизь Тензэ весе сэредицятнень, да эрьва кодамо ормасо да сэредьмасо колавтнэнь, кулцицятнень, лунатикнень да разслабленнойтнень, Сон сынст віемтинзе.

Сонзэ мельга мольсть ламо ломать Галилеясто-як, Іудеясто-як да Іорданонь томбальде-як.

Глава 5.

Народонть неезь, куйсь пандо пряс, а кода Сон озась, ваксозонзо мольсть тонавтлицянзо.
Кургонзо панжозь, Сон тонавтсь эснэст, мерезь: Талановт оймсэст нештёйтьне: сынст ули менелень инязорокс чись.
Талановт аварьдицятьне: сынь рожомить.
Талановт сэтьметьне: сынест мастор саты.
Талановт, конат симме-ярцамо лацо вешнить виде-яинть эснэ: сынь пешкедить.
Талановт милостивотьне, - сынь ванозь
((простязь)) улить.
Талановт ванькс седейтьне, - сынь Пазонть нейсызь.
Талановт (ломанень) мирицятьне, - сындест Пазонь цёрат мерьме кармить.
Талановт, виде-чинь кис панезетьне, - менелень инязорокс чись сынст ули.
Талановт ульдядо, знярдо Монь кисэнь кармить эснэҥк пелеме, да пансеме да кеҥгелезь эрьва кодамо апаро вал ёвтыть лаҥгозоҥк; Эрьгеледе да весёлгаледе, - менельсэ тыҥк покш наградаҥк.
Истя паньцекшнызь пророкнэнь-гак, конат ульнесть тыньдеҥк икеле.
Тынь моданть салозо.
Салсь війзэ ёмавтсазодеряй, месне сон саловгадыІ Сон мезекс-как маштовомо а карми, ансяк ёртомс ушов да ломаньнень чалксемс.
Тынь масторонть валдозо.
Пандо лангсо аштиця ошось а кекшеви.
Свечань-гак курвастезь кедьге алов путнесызь, сонзэ путнесызь шанталс, да сон валдомты весеменень, кить кудосонть.
Истя жо тыҥк-как валдоҥк ломатьнень икеле валдомозо, неевлезь-бу сынь тыҥк парт тевеҥк да шнавольть бу менелень Тетяҥк эснэ.
Илядо арсек, што Мон сынь закононь эли пророконь валтнэнь коламо, аволь коламо сынь, а сынст топавтемест.
Видестэ кортан теҥк: знярс аштить менельсь да масторсь, законсо ве киське-як, эли чешкске-як а ёми, - весе тарказост сыть.
Ки не вишкат заповетнень эйстэ вейкешка сонсь колыньдеряй да ломать-как истя тонавтыньдеряй, се менелень инязорокс чисэнть вишкинекс ловозь ули, а ки сонсь кирди да ломать-как онавты, се менелень инязорокс чисэнть покшокс ловозь ули.

Кортан теҥк: тыҥк виде чиҥк книжникень да фарисейтьнень виде чиде покш а улиньдеряй, Пазонь Инязорокс чистень а соватадо.
Мариҥк, кода ёвтазь икелень ломатьненень: Ломань иля машт; а ки машты, се судс максма.
А мон мерян теҥк: эрьва ки, конась стяко кежіявтли братонзо лаҥгс, судс максма.
А ки мери братонстэнь: тон мезде-як айаштиця ломанят, се таргамо промксос; а ки мери: превтемеят, се каямо амадиця толс.
Тень кувалма, - кандыньдерят тон жертвенник лаҥгс жертва, да лединдеряй мелезэть братоть лаҥгозот кежень кирьдимась, кадык жертват жертвенниксть икелев да молезь васнят миряк братот марто, мейле сак да кандык жертват.
Миряк седе курок ки лаҥгсо оштё душманот марто, аволензеть макст душмансь судіянень, а судіясь аволензеть макст важонстэнь да аволедезь каяк тюрьмас.
Видестэ мерян тенть: алисиват тосто остатка ярмакот максомс.
Мариде, кода ёвтазь икелень ломатьненень: иля ускурявт.
Мон мерян теҥк: эрьва ки, конась вачты ава лаҥгс берянь мель марто, се уж седейсэнзэ ускурявсь маронзо.
Маниньдеряй эснэть беряньс вить сельметь, таргик сонзэ да ёртык эйстэть, кадык ёмазо ве сельметь, аволь весе киськеть каязь улезэ адс.
Маниньдеряй эснэть беряньс вить кедеть, керик сонзэ да ёртык эйстэть, кадык ёмазо ве кедеть, аволь весе киськеть каязь улезэ адс. ®втазь истя жо: ки нинзэ марто явиньдеряй, максозо тензэ явмань сёрма.
((разводнойть)) Мон ммерян теҥк: ки яви эсь нинзэ марто аволь ускурявмонь кувалт, се сонзэ ускурявицякс тейсазо.
Ки урьваксты явозь ава лаҥгс, се-як ускуряви.

Таго мариде, кода мерезь икелень ломатьненень: кенгелезь иля божа, а мезе Паз икеле божат теемс, сень теик.
А мон теҥк мерян: кода-як иля божа: а менель ланга, - сон Пазонть престолозо, а мастор лаҥга, - сон Пазонть пильге алксозо; а Іерусалим лаҥга, - сон покш Инязоронть ошозо.
Иля божа эсь прят ланга-як, - ведь ве череть-как тенть а тееви ашокс, эли равужокс.
Улезэ тыҥк валоҥк: да, да; арась, арась; теде ламось душманонь пельде ули.
Мариде, кода ёвтазь: сельмень кис - сельме, пеень кис - пей.
А мон мерян теҥк: кежень каршо иля мольть, ки вачкоттянзатдеряй вить чама пелькска, велявтык тензэ омбоцень-гак.
Кинь-гак улиньдеряй мельзэ марот судямс, да тонть панарот саемс, максыть тензэ лаҥгсо одижат-как.
Кіяк кармавтанзатдеряй маронзо ве вальгейбень мольме, мольть маронзо кавто.

Кедьстэть вешицястень макст.
Кинь мельзэ улиньдеряй кедьстэть учомга вешемс, велявтозь эстэдензэ иля тук.
Мариде, кода ёвтазь: малавиксэть эснэ вечк, а душманот эснэ иля нейть.
А Мон мерян теҥк: вечкеде душманоҥк эйсэ, паро арседе сюдыцяҥк туртов; тееде паро авечкицяҥк туртов, ознодо теҥк берянень теицятнень да эснэҥк панцицятнень кис.
Уледе менельсэ тетяҥк цёрат: Ведь Сон Эсь чисэнзэ валдомты апартнэнень-гак, да партнэнень-гак, пиземе-як пизевти праведнойтьненень-гак да неправеднойтьненень-гак.
Вечктядодеряй ансяк тыньсиҥк вечкицятьнень, кодамо теҥк наградась улиІ аволь истя-ли тейнить мытарьтне-якІ Эли шумбракшнитядо-деряй ансяк малавиксэҥк марто, - мезень ламонть тейдядоІ Язычникне-як аволь истя-ли тейнитьІ Кода менельсэ Тетяҥк пародо пешксе, тынь-гак истя пешксеть уледе.

Глава 6.

Ванодо, илядо максле милостина ломань икеле, сынст неймаст кис; истя тейдядодеряй, а ули теҥк награда менельсэ Тетяҥк пельде.
Знярдо тон максат милостина, иля сееревть (трубасо) икелеть, кода тейнить лицемертнэ, синагогасо да ульцясо, ломанень паельде пряст шнавтуань кис.
Видестэ мерян теҥк: сынь сайсызь эсь наградаст.
Знярдо тон максат милостина, керш кедеть илязо сода, мезе теи витесь.
Улезэ тонть милостинат салава.
Салаванть неиця Тетят максы тенть неямга. (Истяжо) знярдо ознат, иля ульть лицемертнэнь кондямо, конат, ломсаньнень пряст невтимань кис, вечкить озномо синагогасо да ульця куншкасо.
Видестэ кортан теҥк: сынь сайсызь эсь наградаст.
А тон знярдо ознат, совак эсь утомозот, да кеҥкшенть сёлгозь, ознок анеявиця Тетястень, салаванть неиця Тетясь максы тенть неямга.
Ознамсто язычникне лацо илядо корта: сынь арсить, ламонь кортазь марязь улить.
Сынст кондят илядо ульть: ведь Тетяҥк кедьстэнзэ вешемеде икеле содасазо, мезе теҥк эряви.
Тынь истя ознодо: Менельсэ Тетянок! Тонть леметь шнавозь аштезэ; Тонть Инязорокс чить сазо; мастор лаҥгсо-як Тонть олят менельсэ лацо улезэ.
Чечонень эрявиця кшенть тенекь максык; кода минсь миненек апаронь теицятнень простятанок, Тон-гак истя минек Тонеть тезь апаротьнень рости; манявмо оля тенек иля макст, душмандо-як идимизь: ведь Тонть инязорокс чись, війсь да славась пиҥгень пиҥгс.
Аминь.

Простясыҥкдеряй ломатьнень пежетест, тыІстеҥк-как простясынзе менелень Тетяҥк.
А простясыҥкдеряй ломатьненень пежетест, тынсиҥк-как а простясынзе Тетяҥк пежетеҥк.
Истя жо знярдо пост кирьдтядо, илядо ульть лицемертнэнь кондят мелявтыцят, сынь ломаньнень постонь кирьдимаст невтимань кис, чамаст нусмангавтлесызь.
Видестэ кортан теҥк: сынь сайсызь эсь наградаст.
А тон посонь кирдемстэ прят вадник, чамат-как шлик.
Естэ постонь кирдиця улят аволь ломань икеле, а тонсить Тетять икеле, коната анаявиця.
Тонть Тетят, салаванть неезь, максы тенть неямга.
Илядо пурна эстеҥк паро-чи мастор лаҥгсо, косо чувозь-совазь салсить: Пурнадо эстеҥк паро-чи менель лаҥгс, косо кись-как а калги, чеменсь-как а кери, косо вортнэ-як а чувныть, а салсить, ведь косо ули паро-чиҥк, тосо ульме карми седееҥк-как.

Киськень валдомтыцясь сельме.
Тень кувалма, улиньдеряй сельметь ванькс, киськеть-как ули весе валдо.
Улиньдеряй сельметь берянь, весе киськеть-как ули чопуда.
Истя, улиньдеряй эйсэть валдось чопуда, сестэ чопудась кодамо улиІ Кі-як кавто азорнень а важодеви, эли сонсь вейкень карми вечкеме, а омбоценть анейме, эли вейкень кис карми правтомо, а омбоцень кис нузялдомо.
Тынь-гак а служавдадо Пазнэнь да сюпав чинень.
Тень кувалма кортан теҥк: илядо мелявт оймеҥк кис, мезьде ярцтадо эли мезьде симдядо: киськеҥк кис-как, мезес орчатадо.
Аволь оймесь-ли ярцамодонть покш, а киськесь одижадонтьІ Вачтадо менелень нармутьнень лаҥкс: сынь а видить, а нуить, утомс-как а пурныть.
Менелень Тетяҥк сынст трясынзе.
Тынь аволь сыньдест-ли седе парттадоІ Ки тынк ютксто, пек пиштевтезь, лездави эсь сэрезэнзэ ве кенереІ Орчамонь ис-как мейсь мелявттадоІ Ванодо паксянь балягатьнень лаҥкс, кода сынь касытьІ а пиштевтить, а штердить.
Мерян теҥк: Соломон-гак, кодамо славазо ульнесь, ито истя эзь орчакшнок, кода вейкесь сынст эйстэ.
Пазось истя орчавтыньдеряй тикшенть, кона чечо паксясо, а ванды каштоц
((пецькас)) каязь ули, а седе-як-ли парьсте тыҥк орчатадызь, аламо кемицятІ

Ино илядо мелявт, мерезь: мезде ярцтанок, эи мезде симдянок, эли мезес орчатанок.
Весемень нень вешнить язычниктьне.
Ведь менельсэ Тетяҥк соды весе нень теҥк эрявмодонть.
Весемеде икеле вешнеде тынь Пазонь Инязорокс чинть, да Сонзэ виде чинть весе неть-как максозь улить теҥк.
Истя ино тынь вандынь чинть кис-как илядо мелявт.
Вандынь чись сонсь эсь кисэнзэ мелявты.
Эрьва чинть саты кисэнзэ мелявксозо.

Глава 7.

Илядо судя, тынсь как судязь а ульдядо.
Кодамо судсо ведь судятадо, тынсь-как истямосо судязь ульдядо.
Кодамо оҥкснэ оІстатадо, тынстеҥк-как истямосо оҥкстыть.
Мейсь тон нейсак братоть сельмстэ тарадкенть, а эсь сельмстэть шочконть а марясакІ Или кода мерят братотень: тука тарагаса сельмстэть тарадкенть, а тонсить сельмсэ шочкоІ Лицемер! таргик васня эсь сельмстэть шочконть, сестэ нейсак, кода таргамс братоть секльмстэ тарадкенть.
Ваньксэнть илядо максо пиненень, питнев кевть-как илядо кайсе туво икелев: сынь аволезь шешк сынст пильгест алов, а мейле лаҥгозоҥк велявтозь, тыньсиҥк-как аволедезь сезне-бу.
Вешеде, - максозь ули теҥк: вешнеде - муйдядо; стукадо - панжить теҥк.
Ведь эрь вешницясь - саи, вешницясь - муи, стукицястень - панжить.
Ули-ли тыҥк ютксо истямо ломань, конань кедьстэ вешиньдеряй цёразо кше, сон максы тензэ кевІ Или вешиньдеряй кедьстэнзэ кал, ара максы тензэ гуйІ Истя, тынсь апарт улезь, эсь эйкакшоҥк туртов паронь максомо машттадодеряй, менельсэ Тетяҥк кедьстэнзэ вешицятьненень седе-як максы паронть.

Эрьва мезесэнть, кода мелеҥк ломатьнень тыньсиҥк марто теевтемс, тынсь-как истя тенст тееде: законсь-как, да пророкнэ-як истя мерить.
Теине ортава совадо: келей ортась, да покш кись ёмамо ветить да ламо эзгаст молицятьнеде.
Теине ортась, да вишка кись эрямос ветить, ансяк аламотьне мукшносызь сынст.

Ванодо пряҥк кеҥгелиця пророкнэде, сынь тыҥк юткс сакшныть ревень кедьс орчазь, а потмост салыця вергизэнь кондят.
Тевест кувалт тынь содасыҥк сынст: офто умарь нетькстэ ара кочксекшныть виноградт, или кормалавсто смокватІ Истя, эрьва паро чувтось умарьть-как парт касты, а берянь чувтось умарьть-как берять касты.
Паро чувтостень берять умарьть а кастовить, берянь чувтостень-гак парт умарьть а кастовить.
Эрьва чувтость, кона парт умарьть а касты, керясызь да толс каясызь.
Истя тевест кувалт содасыҥк сынст.

Аволь эрьва конась, Монень Господи, Господи, мерицясь, менелень инязорокс чистень сови, ансяк се, кона Монь менельсэ Тетянь мелензэ теи.
Се чистэнть ламотьне Монень мерить: Господи, Господи, аволь Тонть лемсэ-ли минь икелев ульмадонть ёвтлинек
((пророчинек)), аволь Тонть лемсэ-ли амазытьнень паньсинек, аволь Тонть лемсэ-ли ламо чудат тейнинекІ Сестэ Мон ёвтан тенст: Мон тыҥк знярдо-як эзидизь содакшно, оргодеде Монь ваксто апаронь тейницят.

Эрьва кинь, кона кулцоны Монь не валтнэсэ ды сынст кувалт теи, ладяса превей ломанькс, кона путызе кудонзо кев лаҥгс.
Тусь пиземе, лейтне-як тусть лаҥга, варматне-як пувасть да весе се кудость лаҥгс вачкодевсть, да сон, кев лаҥгс путоманзо кувалт, эзь сяворть.
Эрьва ки, кона кулцоны Монь не валтнэсэ, да сынст кувалт а теи, се моли превтеме ломань ёнов, кона кудонзо путызе песок лаҥгс.
Тусь пиземе, лейтне-як тусть лаҥга, варматне-як пувасть да весе се кудость лаҥгс вачкодевсть; да сон каладьсь, да каладмозо ульнесь покш.
Кода Іисус прядынзе не валтнэнь, народьсь дивась Сонзэ тонавтуманзо лаҥгс.
Сон ведь тонавтсь эснэст покш вій маро, аволь кода книжникне (да фарисейтне).

Глава 8.

Кода Іисус валксь пандо прястонть, мельганзо мольсть ламо ломать.
Вана, мольсь ваксозонзо прокаженной да, сюкунякшнозь, мерьсь Тензэ: Господи, мелеть улиньдеряй, Тонеть мон ваньськавтуван. Іисус кедензэ вентезь, токадевсь эзэзэнзэ, да мерьсь: ули мелем, ваньськадт.
Сон сеске ваньськадсь проказастонзо. Іисус мерьсь тензэ: ванок, кинень-гак иля ёвтле, азё ансяк невтик прят попнэнь да сынст сельмест неймань кис канд жертва, кодамо кармавсь Моисей законсо.

Кода Сон совась Капернаумс, мольсь ваксозонзо сотник, да Тензэ инялдозь, мерьсь: Господи! кудосо монь важом параличнэ токазь, мадезь ашти, да вельть пек пиштевти. Іисус мерьсь тензэ: Мон, молезь, віемтьса сонзэ.
Сотниксь каршонзо мерьсь: Господи, мон айаштян Тонть монь кудозон совамошканть; ёвтак Тон ансяк вал, - важом пички.
Мон ломансь хоть начальник ало аштицяян, а моньсинь кедь ало-як улить салдат: мерян вейкенень: мольть, - моли, омбоцененнь: сак, - сы; важом туртовгак мерян: теик сень, сон тейсазо.
Тень марязь, Іисус пек дивась, да мерьсь мельганзо молицятненень: видьстэ мерян теҥк: Израильсэ-як истямо кемима эзинь мук.
Мерян теҥк: ламо сыть чинь стямо ёндо да чинь валгомо ёндо да озыть менелень инязорокс чисэнть Авраамонь, Исааконь да Іаковонь марто, а инязорокс чинь ломатьне панезь улить ушов, чопуда таркас.
Тосо ули аварьдема да пеень чикордыма.
Мейле Іисус мерьсь сотнекстень: азё, кода кемить, истя тенть улезэ.
Важозо секе частонть пичкась.

Кода Іисус сась Петрань кудос, неизе сонзэ тёщазо эсь ормсасо мадезь ашти. Іисус токадизе сонзэ кедьс да эсь ормась кадызе сонзэ.
Сон стясь да кармась мельганзо якамо.
Кода чизэ оодсь, ветясть Іисуснэнь ламо амазынь колавт.
((бесноватойть)) Сон амазытнень валсонзо панинзе, да весе сэредицятнень віемтинзе.
Истя топодсьть Исаія пророконь икелев ёвтазь валонзо, коната мерьсь: Сон минек моцень аразенек эсь лаҥгозонзо саинзе, ормано-как кепединзе.
Кода неинзе Іисус перьканзо промозь ламо ломатнень, мерьсь Эсь тонавтлицянстэнь омбоце пелев уймеде.
Сестэ мольсь ваксозонзо ве книжник да мерьсь Тензэ: Тонавтыця! Ков Тон а молят, мон мельгат молян. Іисус мерьсь тензэ: ривезьтнень улить сыцист варяст
((нораст)), менелень нармутнень-гак улить пизэст, а Ломанень Цёранть арась, козо прязо путомс.
Ліята вейке тонавтлицянзо ютксто мерьсь Тензэ: Господи! мерьть васня тень тетянь калмамо мольме. Іисус мерьсь тензэ: мольть Монь мельган; кадыть кулозтнень эсь кулозест калмамо.

Кода Сон совась венчестень, мельганзо совасть тонавтницянзо-як.
Вага кепедьсь морянть лаҥгсо пек віев буря.
Венчесь кармась ведьсэ велтявмо, а Сон удось.
Сестэ тонавтницятне, ваксозонзо молезь, стявтызь Сонзэ да мерьсть: Господи! ванымизь минек, - ёматанок.
Сон мерьсь тенст: аламонь кемицят! мейсь тынь истят пелицятІ Мейле Сон, стязь, лоткавтынзе варматнень-гак да морясть-как, да весе сэтьміясть.
Ломатьне, дивазь, кортасть: ки те, вармат-как, да морят-как кулсоныть ЭйсэнзэІ

Кода Сон сась омбоце пелев, Гергеинской масторс, вастызь Сонзэ кавто амазынь колавт ломать, сынь лисьть калмо латксто да вельть благойтельть, - се таркаванть кі-як а якавиль-гак-мик.
Вана, сынь сергедезь мерьсть: Іисус Пазонь Цёра, мезень Тонть теветь минек эйсэІ шкадо икеле Тон сыть тезэ минек муцямонок.
Сынст эстэдест васоло тувонь покш стада ванозь ульнесь.
Амазытьне инялдсть Тензэ: минек паньцамизьдеряй, мерьть тенек тувонь тадастень мольме.
Сон мерьсь тенст: моледе.
Сынь, лисезь, тусть тувонь стадастень.
Сеск весе тувонь стадась берёк лангстонть кирнявтнесть моряс, да ваясь ведьстень.
А стада ванытне чіезь тусьть да ошостень сазь, ёвтнизь весемень, мезе ульнесь, ёвтнизь амазынь колавтнэнь марто-як мезе ульнесь.
Вана весе ошось Іисусонь каршо лись да, Сонзэ неезь, инялдсть Тензэ, туевель-бу сынст масторсто.

Глава 9.

Теде мейле, венчес озазь, печксь мекев да сась эсь ошозонзо.
Вана каньсть Тензэ тарка лаҥгсо санонь лавчоммасо сэредиця ломань. Іисус сынст кемимаст неезь, мерьсь сэредицястень: эйдем, иля пельть, простявить тонть пежететь.
Сестэ конат-конат книжникне арсесть эсь пачкаст: Сон Пазонть эснэ сялды. Іисус, сынст арсимадост одазь, мерьсь: мейсь тынь седейсэҥк берянь арситядоІ Кода седе шождынестэ меремс: простявить тонть пежететь, или меремс: стяк да якакІ (Мон истя меринь) ансяк тыҥк содамоҥк кис, што Ломанень Цёранть мастор лаҥгсо пежетень нолдамскак війзэ ули.
Мейле мерьсь сэредицястень: стяк, саик таркат да азё эсь кудозот.
Сон стясь, саизе тарказо, да тусь эсь кудозонзо.
Тень неезь, ломатьне дивасть да Пазонть эснэ, ломатьненень истямо віень маексомань кисэ, шнасть.

Тосто ютамсто Іисус нейсь каявксонь пурнамо таркасо озадо аштиця МатІей лемсэ ломань да мерьсь тензэ: мольть Монь мельган.
Сон стясь, да тусь мельганзо.
Кода Іисус ульнесь ве кудосо столь экшнэ, ламо мытарьть да пежетевть ломать (гостекс) сасьть да Сонзэ марто тонавтнизянзо вакс озасть.
Тень неезь, фарисейтьне мерьсть тонатницянстэнь: мейсь тыҥк тонавтыцяҥк мытарьтьнень да пежетевтьнень марто вейсэ ярсы-симиІ Тень марязь, Іисус мерьсь тенст: аволь шумбра ломаннень доктор эряви, а сэредицянень.
Азёдо тонадо, мезть не валтнэ: милость Монень эряви, аволь жертва.
Мон сынь аволь праведнойтьненень, а пежетевтьненень пежетест кадмонь терьдеме.

Сестэ састь Тензэ Іоаннань тонавтницянзо да мерьсть: мейсь минь да фарисейтьне-як ламо пост кирьдтянок, а Тонть тонатвницят а кирьдитьІ Іисус мерьсь тенст: ара свадьбань кудонь ломать мелявтозь аштевить, знярс содамось маростІ Сыть чить, кода содамось кедьстэст нельгезь ули, сестэ сынь-гак кармить постонь кирьдеме.
Кі-як ведь ташто одижас а педявты апак беляк кодстонь паҥкс, ато од паҥксось сейсазо ташто (одижанть), да седеяк покш варя тееви.
Од вина-к истяжо ташто кедень мешокс кайсить; ато кедьсь-как сезеви да винась-как чуди.
А од вина кайсить од кедень мешокс, сестэ сынь кавонест ванцтовить.

Сонзэ тень сынест кортамсто сась вейке начальник, да сюкунякшнозь, мерьсь Тензэ: монь тейтерем кулома лаҥгсо, молезь путык кедеть лаҥгозонзо, сон вельми. Іисус, стязь, тусь мельганзо.
Тонавтницянзо-як маронзо.
Вана, ве ава, кона кемгавтово іе верень мольмасо пиштевць, удалдо мольсь ваксозонзо да токадинзе Сонзэ одижа краензэ.
Сон эсь пачканзо арсесь: ансяк одижа краезэнзэ токадеван, пичкан. Іисус велявсь да, сонзэ неезь, мерьсь: тейтерем, иля пельть! Тонть кемимат ваныньзеть.
Авась секе частонть пичкась.
Кода сась Іисус начальниксть кудозонзо, да неинзе вешкимасо седицянть да ломатьнень талакадозь якамост, мерьсь тенст: лиседе тстэ, тейтерьсь ведь эзь кулок, сон уды.
Сынь пеедсть лаҥгсонзо.
Кода ломатьне панезь ульнесть, совась да аизе тейтерьсть кедьте.
Тейтерьсь стясь.
Теде се мастороньть келес тусьть валт.

Іисусонь тосто ютамсто, мольсть мельганзо кавто окорт да сеересть: Іисус Давидэнь Цёра, ванымизь минек! Кода Сон совась кудос, сокортнэ мольсть аксозонзо Іисус мерьсь тенст: кемдядо-ли, што те Монень теевиІ Сынь мерьсть Тензэ: ино, Господи! Сестэ сон токадевсь сельмезэст да мерьсь: улезэ ино теҥк кемимаҥк кувалма.
Сынст сельмест панжовсть. Іисус кардазь мерьсть тенст: ванодо, кі-як илязо сода теде.
А сынь, тосто лисезь, ёвтлесть Эстэдензэ весе се мастороньть келес.
Сынст лисьместэ ветясть Тензэ амазынь колавт немой ломань.
Амазынть эйстэнзэ паньмеде мейле немойсь кармась кортамо.
Народсь дивазь кортась: истямо тев знярдо-як Израильсэ арасель.
А фарисейтьне кортасть: Сон амазытьнесэ панци амазытьнень покшост війсэ.

Якась Іисус эрьва ошка, эрьва велева, да тосонь синагогатьнесэ ломатьнень тонавтозь, менелень инязорокс чиденть кулят ёвтнесь да ломатьнень эрьва кодамо ормадост да сэредьмадост віемтлесь.

Ломатьнень куцят-куцят пурнавозь неезь, жалинзе сынст: сынь пастухтомо реве лацо сравтневезельть да муцявозельть.
Сестэ Сон мерьсь эсь тонавтницянстэнь: нуйматьне ламо, а нуицятьнеде аламо.
Инялдодо нуйматьнень азоростень, кучоволь-бу нуицят эсь нуйманзо лаҥгс.

Глава 10.

Тердинзе кемгавтово тонавтницянзо, да максь тенст вій амазытьнень панцеме да эрьва ормань да эредьксэнь пичкавтомо.
Кемгавтово тонавтницятьнень лемест истят: Васенцесь Симон, конадо ліякс мерить Петр, да Андрей сонзэ братозо.
Зеведеень Іаков да братозо Іоанн.
Филипп да ВаІоломей; Іома да каявксонь пурныця МатІей; Алфеень (цёразо) Іаков, да Леввей, конанень лем путьсть Іаддей.
Кананитэнь Симон, да Іуда Искаріотской, конатась Сонзэ максызе.
Не кемгавтовотьнень кучиньзе Іисус да кармавтозь мерьсь тенст: язычникнень кіява илядо яка, Самарянской ошос-как илядо сова.
Азёдо седе курок Израиль кудонь ёмазь реветьненень.
Якамсто тонавтодо, што менелень инязорокс чись малав пачкодьсь.
Сэредицятьнень віемтледе, проказавтнэнь ваньскавтледе, кулозьтнень вельмевтьнеде, амазытьнень паньцеде.
Стяко саиде, стяко макследе-як.

Илядо сайть а сырьне каркс алоҥк, а сія, а пиже, а котума ки лаҥгс, а кавонст одижат, а кавонст кемть, а палка: ведь тевень теиця ашти андумашканзо.
Кодамо ошос или велес соватадо, васнят-как содадо, ки эснэнзэ паро (ломаньсь) да туймезэҥк тосо аштеде.
Кудос совамсто шумбракшнеде, мерезь: те кудостень сэтьме чи улезэ Улиньдеряй кудось тень аштиця, тыҥк сэтьме инь арсимась сы тензэ, а улиньдеряй тень аштиця, тыҥк сэтьмень арсимаҥк мекев эстеҥк велявты.
Ки тыҥк а приматадызьдеряй, валоҥк-как а кулсоносынзедеряй, се кудостонть, эли ошостонть лисемстэ пильгстэҥк пульсть-как чукиҥк.
Видестэ мерян теҥк: страшной судонь чистэнть Содомонь марто Гоморронь масторстень се оштонть шождыне ули. Вана Мон кучтадызь тыҥк вергиз юткс реве лацо.
Тень кувалма уледе гуень кондят ёжовт, да гулькань кондят сэтьсть.
Ванодо пряҥк ломатьнеде: сынь армить эснэҥк промксос тарксеме, да синагогасост-как кармить эснэҥк чавмо.
Монь ис ветятадызь начальникнень да инязоротнень икелев, сыненст да язычникненень Монь лаҥгс невтимань кис.
Кода тыҥк кундатадызь, илядо мелявт: кода или мезть теҥк ёвтамс: се шкастонть максозь ули теҥк, месть ёвтамс.
Ведь аволь тынь ульдядо кортыцятьне, а Тетяҥк Духсь потсоҥк карми кортамо.
Щрат братонзо, тетя цёранзо куловтомо макссазо; эйкакшнэ тетяст-аваст каршо тить да машлесызь сынст.
Монь лемень кисэ весеменень анеймат ульдядо: кона пезэнзэ кирди, се ванозь ули.
Знярдо кармить паньмеҥк ве ошсто, чіеде омбоцес.
Видестэ мерян теҥк: а прядовить теҥк яказь израилень ошнэ, кода сы Ломанень Цёрась Тонавтницясь тонавтыцядонзо аволь покш; важо-як азородонзо аволь покш.
Саты тонавтницясьтень, улиньдеряй сон эсь тонавтницяшканзо, а важось эсь азорошканзо.
Мериньдеряй кудазоростень веельзевул, ара а кармить истя мерьме сонзэ кудосотьненень-гакІ Тень кувалма илядо пельть эстэдензэ: мезе-як арась истя кекшезь, коната-бу аволь неявт, истя жо салава теезь-гак, кона аволь содавт-бу.
Мезе кортан теҥк чопуда таркасо, сень ёвтледе валдо таркасо, мезе кортазь пилезэҥк, седе кудо прясо кортадо.
Илядо пельть сетьнеде, конатьненень ансяк киськесь куловтови, а оймесь а куловтови; а седе пеледе пек, конанень ёмавтови адс киськесь-как да оймесь-как.
Аволь кавто нармушкат-ли ассаріядо
((Ассария - кавто копейкат)) микшневкшнытьІ а Тетяҥк мельтеме вейке-як этэдест а пры мастор лаҥгс.
А тыҥк пря череҥк-как весе ловнозь.
Тень кувалма тынь илядо пельть: тынь ламо нармушкатьнеде питьневттядо. Эрьва кинь, ки Монь, ломань икеле кортазь, содавцамам, Монсь-как содавца менельсэ Тетянь икеле; ки Монь эстэдень ломань икеле сёпи, седе Мон-гак сёпан менельсэ Тетянь икеле.
Илядо арсек, што Мон сынь мастор лаҥгс сэтьме-чинь туеме.
Аволь сэтьме-чинь туеме сынь, - пеелень.
Мон сынь ломаньсть тетястонзо явмо, тейтерьсть - авастонзо, урьвасть - ававтстонзо.
Душманкс теевить ломаньстень соньсинзэ кудосотне. Ки Моньдедень пек вечксазо эсь тетянзо, эли аванзо, се Монень а маштовиця.
Истя жо ки Моньдедень пек вечксазо цёранзо эли тейтерензэ, се-як Монень амаштовиця.
Ки эсь крёстонзо саезь, Монь мельга а моли, се-як Монень амаштовиця.
Ки оймензэ ванцтсазо, се ёмавтцазо сонзэ, а ки Монь кис сонзэ ёмавтцазо, се муйсазо.
Ки тыҥк приматадызь, се Монь примасамам, а ки Монь примасамам, се Монь кучицянть примасазо.
Ки прими пророк пророконь таркас, се пророконь награда саи, ки прими праведник праведникень таркас, се праведникень награда саи.
Ки вейкенень неть вишинетьнень ютксто тонавтниця лемс симди кече кельме ведь, се, видестэ мерян теҥк, а ёмавтцазо эсь награданзо.

Глава 11.

Кода Іисус прядызе кемгавтово тонавтницянзо тонавтуманть, тусь тосто сынст ошнэва тонавтомо.

Іоанн тюрьмасо аштемстэ марясь Христозонь тевтьнеде да кучсь кавто эсь тонавтницянзо ютксто да мерьсь Тензэ: Тон-ли севатесь, конанень эряви самс или ліянь тенек учомсІ Іисус каршост мерьсь: азёдо ёвтадо Іоаннэнь, мезе мариде, да мезе неиде: сокортнэ неить, хромоётьне якить, прокаженнойтьне ваньскалить, глухойтьне марить, кулозьтне вельмсить, нищейтьне парт кулят ёвтнить.
Таланов, ки Монь кувалма а маняви.
Сынст туезь, кармась Іисус ломатьненень Іоанндо кортамо: мезень ванмо тынь якиде чаво паксясІ вармасо чарыця нудеень араІ мезень ванмо ино якидеІ чевте одижас орчазь ломаненьІ Чевте одижань кантлицятне инязоронь кудова эрить.
Мезень ванмо ино якидеІ ПророконьІ Да, мерян теҥк, пророкто-як покшонть.
Сон ведь севате, конадо сёрмадозь: Вана Мон кучса Тоньдеть икеле Эсь Ангелэм, кона анокстасазо Тоньть икеле кить.
Видестэ мерян теҥк: аватьнень эйстэ шачозетьнень ютксо Іоанн Крестительде покш арасель, а менелень инязорокс чисэнть вишкинесь соньдензэ покш. Іоанн Крестителень эрямо шкастонть саезь, те шкастень, менелень инязорокс исэнть пек бажазь саить да пек бажицятьне муйсызь сонзэ.
Весе пророкнэ-як да законсь-как Іоанндо икеле ёвтасть.
Мелеҥк улиньдеряй кемемс, сон се Иліясь, конанень эряви самс.
Кинь улить марямс пилензэ - марязо.

Кикс ладяа те родстьІ Сон моли эйкакшт ёнов, конат озадо аштить ульцясо да ялгаст ёнов велявтозь, мерить тенст: Минь теҥк вешкинек вешкимасо, - тынь эзиде кишть; минь морынек теҥк аварьдима морот, тынь эзиде аварьдть.
Сась Іоанн, а ярцы, а сими, мерить - сонзэ эснэ амазы.
Сась Ломанень Цёрась, чрцы да сими, мерить: вана ломансь, кона ярсамо да винадо симма вечки, мытарень да пежетев ломанень ялга.
Истя Сонзэ покш чизэ Эсь эйкакшонзо идьтэ ливтизь.

Теде мейле кармась Іисус покорямо сеть ошнесэ, конатьнесэ ламо чудат тейнесь, а сынь пежетест эзизь кадт.
Апаро тенть, Хоразин, апаро тенть, ВиІсаида, ведь улевельть-как тыҥк эснэ теезь чудатьне Тирсэ да Сидонсо теезь, сынь умок-бу берянь одижань орчазь, да пряст куловсо почодозь, яҥксевельть эсь пежетест кис.
Ансяк мерян теҥк: Тир марто Сидоннэнь страшной судонь чистэнть, тыньдедеҥк шождыне ули.
Тон-гак, менельс кепедьтезь Капернаумс, адс валтазь улят: ведь тонть эснэ теезь чудатне улевельть-как теезь Содомсо, сон те шкас бу аштевель.
Ансяк меярн теҥк: Содомонь масторстень страшной судонь чистэнть тоньдеть шождне ули.
Се шкастонть Іисус, валонзо апак прядт, мерьсь: Тетяй! Менелень да масторонь Пазось! Тонть эснэ Мон шнан: Тон превейтьнеде да ламонь содыцятьнеде Монь кекшезь, эйкакшнэнень содавтымек.
Да, Тетяй истямо ульнесь Тонсить мелеть!

Монень Тетянь пельде весе максозь.
Цёранть Тетядо башка кі-як аздасазо, Тетянть-как ансяк Цёрась содасазо, да се, конанень Цёранть мельзэ ули ёвтамс.
Садо Монень весе пиштевтицтьне да стакасто эрицятьне.
Мон тыҥк оймавтадызь.
Саиҥк Монь канцтом эсь лаҥгозоҥк, да тонадодо Монь эйстэнь: ведь Мон сэтьмеян, да евте седеян, - муйдядо оймеҥк туртов оймавкс.
Ведь Монь канцтом паро, кандумам-гак шождыне.

Глава 12.

Се шкане ютась Іисус суббота чине идезь паксява.
Сонзэ тонавтлицянзо пекест ачть, да кармасть сюро прянь сезнеме да ярцамо.
Фарисейтьне, тень неезь, мерьсть Тензэ: вана Тонть тонавтницят суббота чине теить, мезе а эряи теемс.
Сон мерьсь тенст: ара тынь эзьде ловнок, мезе тейсь Давид, кода сонзэ сонсинзэ пекезэ вачнось да мартонзо улезтьнень-гакІ Кода сон совась Пазонь церькувасьтень да тосо путозь кшетьнеде ярсась, конатьнеде рцамс амаштовиль а соньстензэ, а мартонзо улезтьненен, ансяк маштовиль попнэнень.
Или эзьде ловнок-ли законсо, кода попнэ суббота чине церькувасо суббота чинть колыть, да аволь чумотІ Мерян теҥк: тесэ церькувадонть-как покшось.
Содавледе-як тынь, мезе те ёвтазесь: милость Монень эряви, аволь жертва, - сестэ авольде судяк-бу чумовтомотьнень.
Ведь Ломанень Цёрась суббота лаҥгсо-як покш.

Тосто туезь, совась Сон сынст синагогазост.
Вана тосо ве коське едь ломань ульнесь. Іисусонь, лаҥгозонзо чумонь муймень кис, кевстизь: маштови-ли суббота ине віемтемсІ
((ломань шумбралгавтомс)) Сон мерьсь тенст: Ки юткстоҥк ули истямо ломань, онань ули вейкине ревезэ, да прыньдеряй (се ревесь) суббута ине латкс, ара а таргасазо сонзэ да а сайсазоІ Зняродо ломансь реведе пароІ Истя суббота чине маштови теемс паро.
Сестэ мерьсь се ломаньстень: венстик ведеть! сон венстизе; да кедьзэ віемезь (теевсь) омбоценьть кондямокс.

Фарисейтьне, тосто лисезь, вейсэ арсесть, кода Сонзэ маштомс. Іисус, теде содазь, тусь тосто.
Мельганзо моьсть ламо ломать.
Сон весемень віемтинзе да кардыньзе сынст Эстэдензэ ёвтлемеде.
Истя топодезэ пророк Исаіянь вельде ёвтазесь, кона коратсь: Вана Монь кочксезь эйдем, Сон Монь вечкимам.
Сонзэ эйс бажи Монь оймем.
Путса лаҥгозонзо Моньсинь Духом да Сон ломатьненень суд ёвты.
Сонт каршо вал а ёвты, а пижакады-як.
Сонзэ вальгеензэ кі-як ульцясто а марясазо.
Виде-чинть лаҥгс лифтевмезэнзэ, Сон синьдевезь нудейсть а синьцазо, ченгиця ліяназонть а мацтясазо.
Сонзэ лемензэ лаҥгс кармить кемеме ломатьне.
Сестэ ветясьть Тензэ амазынь колавт сокор да немой.
Сон віемтизе сонзэ; сокорсь да немойсь кармась кортамо да нейме.
Весе ломатьне дивазь кортасть: аволь те-ли Давидэнь цёразо ХристозосьІ Фарисейтьне, тень марязь, мерьсть: Сон амазытьнесэ панси аволь истяк, а амазытьнень покшост веельзевулонь війсэ. Іисус, сынст арсимадост содазь, мерьсь тенст: эрьва инязорокс чись, явшевиньндеряй эсь юткованзо, - машты, истя жо эрьва ош-как, эли кудо-як, явовиньдеряй эсь юткованзо, айаштеви.
Амазысь-как, паниньдеряй амазысэ, сон явшевезь ули эсь юткованзо, кода карми сестэ аштеме сонзэ инязорокс чизэІ Паниньдерян Мон амазытьнесэ веельзевулонь війсэ, сестэ тыньсиҥк цёраҥк кинь війсэ пансить эснэстІ Тень кувалма сынь судіякс улить теҥк.
Паньсиньдерян Мон амазытьнесэ Пазонь Духсо, сестэ пачкодьсь теҥк Пазонь инязорокс чись.
Или ки віев ломанень кудос совави да сонзэ парозо салави тензэ, васня віевсть а сюлмсисазодеряйІ Мейле уш сон салсисазо сонзэ кудозо.

Ки аволь Монь маро, се Монь каршо.
Ки а пурны Монь маро, се ёмавтли.
Тень кувалма мерян теҥк: Эрьва кодамо пежеть, да берянь вал простяви ломатьненень, а Духонть лаҥгс берянь валсь простязь а ули ломатьненень. ®втыньдеряй кі-як вал Ломанень Цёрасть лаҥгс, - простязь ули тензэ; а ёвтыньдеряй Святой Духсть лаҥгс, простязь а ули тензэ, а те пиҥгестэнть а тона пиҥгестэнть.
Путсыҥкдеряй чувтонть парокс, умарензэ-як путыҥк парокс, или путсыҥкдеряй чувтонть берянькс, умарензэ-як - берянькс.
Ведь чувто умарензэ кувалт содави.
Гуень левкст! апарт улезь, кода тынь кортавдадо пародоІ Ведь курго корты пешксе седейстэ.
Паро ломань паро мельстэнзэ ливти паро, а берянь ломань берянь мельстэнзэ ливти берянь.
Мерян теҥк: эрьва стяконь валонть кисэ, конань ёвтасызь ломатьне, страшной судонь чистэ максыть ответ.
Ведь эсь валот видекс лисят, эсь валот кувалт чумокс-как кадуват.
Сестэ конат-конат книжникнень да фарисейтьнень ютксто мерьсть: Тонавтыця! Минек Тонть пельде чудань неемс мельнек ули.
Сон мерьсь каршост: апаро да ускурявкс родсь чуда вешни, ансяк Пророк Iонань чудадо башка, лія чуда тензэ максозь а ули.
Кода Iона китэнь потсо ульнесь колмо чить, да колмо веть, истя Ломанень Цёрась как моданть седейсэ ули колмо чить да колмо веть.
Ниневіянь ломатьне стить судс те родсть марто да чумондасызь сонзэ: ведь сынь Iонань проповедьте кадызь пежетест, а тесэ вана Iонадо-як покш.
Обед ёнксонь инязоравась сти судс те родсть марто, да чумондсазо сонзэ; ведь сон масторонь пестэ сакшнось Соломононь превензэ кулсономо, а тесэ вана Соломондо покш.
Кода апаро духсь лиси ломаньстэ, да яки ведьтеме таркава эсьтензэ оймамо таркань вешнезь, да а муи, сестэ мери: мурдан монсинь кудостень, косто лисинь.
Сазь, сон муйсазо сонзэ чавосто, теньцезь, пурназь.
Сестэ моли сон да саи мартонзо ліят сисемь духт, эстедензэ-як благойть, да совазь, кармить эрямо тосо.
Се ломаньстень теде мейле васеньцеденть-как берянь ули.
Истя ули те апаро родсть маро-як.

Сонзэ ломатьненень кортамо шкастонть авазо да братонзо аштесть ушосо: сынст мелест ульнесь Сонзэ маро кортамс.
Та ки мерьсь Тензэ: вана Тонть ават да братот ушосо аштить, Тонть маро кортлевельть.
Сон кортыцянть каршо мерьсь: ки Монь авам, да кить Монь братонІ Мейле тонавтницянзо лаҥгс кедьсэнзэ невтезь, мерьсь: вана Монь авам, да Монь братон.
Ки теи Монь менельсэ Тетянь мелензэ кувалт, се Монь братом, сазором да авам.

Глава 13.

Се чистэнть Іисус, кудосто лисезь, озась моря чирес.
Ваксозонзо промсть ламо ломать.
Сонензэ савсь венчес совамс да озамс, а весе ломатьне аштесть берёксть лаҥгсо.

Сон притчань ёвтнезь, ламо тонавтсь эйснэст, мерезь: Вана лись видиця видьме.
Сонзэ видьместэ конат-конат видьстьне прасть ки чирес; ливтясть нармуть да кочксизь сынст.
Ліят прасть кевев таркас, косо модась аламоль, да моданть аволь сэреень коряс, сынь сеск листь.
Кода лись чизэ, сынь пуйшть да, коренэнь аразень кувалт, коськсть.
Ліят прасть кормалав пулос; кайсть кормалавтнэ да сынст ёмавтызь.
Ліят прасть паро модас, да каньдьсть видьсть: кона сядо, кона кодгемень, кона колоньгемень.
Кинь улить марямс пилензэ - марязо!

Тонавтницянзо, ваксозонзо молезь, мерьсть Тензэ: мейсь притчасо
((вал-велявкснэ)) кортат тенстІ Сон мерьсь каршост: тынеҥк менелень инязорокс чинть асодамотнеде содамс максозь, а сыненст апак макст.
Ведь кинь ули, сенень максозь ули, да пек ламолгавтови тензэ, а кинь арась, сень, мезезэ ули, сеяк саезь ули.
Секс притчасо кортан тенст: сынь ванозь анеить, кулцонезь а марить, да а чаркодить-как.
Сынст лаҥксо топодить Исаія пророконь ёвтазь валтнэ, кона кортась: марязь марятадо, да а чаркоттядо, ванозь-гак вандадо, да а нейдядо.
Калгодксьтомсть, ведь не ломатьнень седеест, сынь пилесэст-как стакасто марить, сельмест-как конизь: сельмесэст-как сынь авольть нейть, пилесэст-как авольть маря, седейсэст-как авольть чаркодть, штобу Монь ёнов авольть велявт, да аволень віемть сынст.
Талановт тыҥк сельмеҥк: сынь неить, пилеҥк-как, - марить.
Видестэ мерян теҥк: ламо пророкнэнь да праведникнень тыҥк найматьнень неемс мелест ульнесть, да эсть нейть, тыҥк марямотьнень-гак марямс, да эсть маряк.
Кулцоныҥк ино тынь - мезе ули видицядо ёвтазь притчась.
Эрьва кулцоныцястень Пазонь инязорокс чиденть да а чаркодицястень, сы душманць да таргасазо седейстэнзэ видезенть: те ули ки лаҥгс видезесь.
Кевев модас видезесь се, ки марясазо валонть, да сеск эрьгедезь примасазо, ансяк сон коренэнь апак нолдак кеме а эри: сыньдеряй тензэ се валонть кис меньдяк мелявкс, или паньцевма, сон сеск маняви.
Кормалав юткс видезесь се, ки марясазо валонть, ансяк те пиҥгень мелявксось, да сюпав чис манявмось изнясазо валонть да сон видьстеме эри.
Паро модас ведезесь се, ки марясазо валонть да чаркодьсазо, да канды видьсть, кона сядонь кирда, кона кодгемень кирда, кона колоньгемень кирда.

Лія притча ёвтась тенст, мерезь: менелень инязорокс чись моли истямо ломань ёнов, кона видьсь эсь паксязонзо парт видьсть.
Ломатьнень удомо шкасто сась сонзэ душманзо, видьсь товзюронть юткова берянь тикшеть да тусь.
Кода лись товзюрось да кармась прянь каямо, листь сестэ тикшетьнеяк.
Азоронть важонзо, сазь, мерьсть Тензэ: азоронок: Тон аволь парт-ли витдьсть эсь паксязот видекшнытьІ Косто саевсть сонзэ эйс тикшетьнеІ Сон мерьсь тенст: душман ломань тень теизе; важотьне мерьсть тензэ: ули мелеть, минь, молезь, кочкасынек сынстІ Сон мерьсь тенст: арась: тикшетьнень тарксемстэ товзюротьнень-гак аволеҥк таргсек-бу.
Кадыҥк нуймань самс кавонест вейсэ касыть: нуйместэ мон мерян нуицятьненень: вкасня пурныҥк тикшетьнень, да пултамс сюлмсиҥк сынст пултс, а товзюронть монь утомозон.

Лія притча ёвтась тенст, мерезь: менелень инязорокс чись моли горчицянь видьсть ёнов, конань саизе ломань да видизе эсь паксязонзо.
Сон весе видьстьнеде вишкине, а знярдо касы, весе тикшетьнеде покш эри, чувтокс тееви, сонзэ тарад потс менелень нармуть натой ливтнить да кекшнить.
Лія притча ёвтась тенст: менелень инязорокс чись моли чапавтума ёнов, конатань саизе ава, да каизе колмо малинкат почт юткс весемест чапаськадмозост.
Весемень нень Іисус ёвтлинзе ломатьненень притчасо, притчавтомо мезе-як эзь кортак тенст.
Истя топодест пророконь вельде ёвтазь валтнэ, кона мерьсь: притчасо панчса кургом да ёвтнесынь, мезть масторонть шкасто кекшезь ульнесть.
Сестэ Іисус нолдынзе ломатьнень да совась кудос.

Тонавтницянзо, ваксозонзо молезь, мерьсть Тензэ: ёвтык тенек, мезе ули паксянь тикшеде притчасьІ Сон мерьсь каршост: паро видьстень видицясь - Ломанень Цёрась; паксясь - мастор лаҥгось
((светэсь)); паро видьстесь, - менелень инязорокс чинь цёратне, а тикшетьне, - апарт цёратьне.
Сынст видиця душмансь, - шайтянсь; нуйма шкась, - пиҥгенть маштумась; нуицятне - ангелтнэ.
Кода тикшетьнень пурнасызь да толсо пултасызь, истя ули те пиҥгенть маштомсто-як.
Кучсынзе Ломанень Цёрась Эсь ангелэнзэ, да пурнасызь Сонзэ инязорокс чистэнзэ весе манчицятьнень да пежетень теицятьнень, да каясызь сынст гайни каштомос;
((пецькас)) тосо ули аварьдема да пеень чикордома.
Сестэ видеть ломатьне тетяст инязорокс чисэ чи лацо валдомить.
Кинь улить марямс пилензэ - марязо.

Таго менелень инязорокс чись моли паксяс кекшезь ули-паронь ёнов, конань муизе ве ломань да сёпизе.
Эзэзэнзэ эрьгедезь, сон моли, да мійсазо, мезезэ ули, да рамасазо се паксянть.
Таго менелень инязорокс чись моли паро човалянь вешниця купецень ёнов, коната, ве питьнев човалянь муезь, тусь, весе микшнинзе, мезезэ ульнесь, да рамизе сонзэ.
Таго менелень инязорокс чись моли моряс каязь невод ёнов, конатанень совасть эрьва кодат калт.
Кода сон пешкедсь, таргизь сонзэ берёк лаҥгс, да озазь, партнэнь пурнызь кедьгева, а берятьнень ёртызь ве ёнов.
Истя ули те пиҥгенть маштомсто-як: лисить ангелтнэ да явсызь апартнэнь праведнойтьнень ютксто, да каясызь сынст гайни каштомс.
Тосо ули аварьдема да пеень икордома. Іисус кевстинзе сынст: чарькодиҥк-ли тынь нень весеменьІ Сынь мерьсть Тензэ: Ино, Господи! Сон мерьсь тенст: тень кувалма эрьва книжниксь, кона тонавтозь менелень инязорокс чистень, моли истямо куд-азоро ёнов, кона ули-паронь путма таркастонзо ливти ташто-як, од-гак.

Кода Іисус не притчатнень ёвтнезь прядынзе, тусь тосто, да сась Эсь шачмо масторозонзо, да тонавтсь эснэст синагогасост.
Сынь, дивазь, кортасть: косто Сонзэ истят превензэ да війзэІ Аволь те-ли плотникень ЦёрасьІ аволь Сонзэ-ли аванзо лемзэ Марія да братонзо: Іаков, Iосій, Симон да ІудаІ Аволь весе-ли патянзо-як минек ютксотІ косто ино Сонзэ весе нетьІ Истя сынь маньчевсть Сонзэ кувалма. Іисус мерьсь тенст: пророк эсь шачмо мастордонзо да эсь кудодонзо башка косояк честьтеме а эри, да а кеммаст кувалт эзь тейть тосо ламо чудат.

Глава 14.

Се шкане марясь Іисусто нилетькс частень инязорось Ирод, да мерьсь мельганзо якицят ломатьненень: те Іоанн Креститель! Сон кулозьстэ вельмесь, секс истят чудат тейневить пельдензэ.
Ирод, Филипп братонзо нинзэ Иродіадань кис Іоаннань кундазь, сюлмсизе да тюрьмас озавтызе, мейсь Іоанн кортась тензэ: тонеть а маштови сонзэ маро эрямс.
Сон маштыксэльце сонзэ да пельсь ломатьнеде, ведь весе сонзэ прорококс ловилизь.
Иродонь шачмо чистэнзэ Иродіадань тейтерьзэ киштьсь гость икеле, да тусь Иродонь мельс, секс сон божазь алтась тензэ максомс, мезе а веши.
Сон, аванзо эйстэ тонавтозь, мерьсь: туик монень тезэ, блидя лаҥгсо, Иоанн Крестителень прянзо.
Инязорось нусмакадсь, ансяк божамонзо кис да гостьнень ульмань кувалт,
((гостнень икеле визьксэс а совамонь кис)) мерьсь максмо тензэ.
Кучозь, керявтызе тюрьмасонть Іоаннань прянзо.
Кандызь сонзэ прянзо блидя лаҥгсо да максызь тейтерьстень, а се кандызе аванстэнь.
Тонавтницянзо, сазь, саизь сонзэ теланзо, да калмизь: мейле, сазь, ёвтасть Іисуснэнь.
Теде марязь, Іисус тусь тосто венчне ськамонзо чаво таркас.
Ломатьне, Сонзэ тймеде марязь, ошнэстэ тусть мельганзо ялго. (Венчестэнть) лисезь, Іисус неинзе ламо ломатьнень, да, сынст жалязь, шумбралгавтынзе сэредицяст.
Чокшнэнь сазь, тонавтницянзо мольсть ваксозонзо да мерьсть: таркась тесэ чаво, а чизэ уж чопотетсь, - нолдыть ломатьнень, молест велес да рамаст эсьтест ярцамс. Іисус мерьсь тенст: сыненст туймекс а эряви, тынь макстадо тенст ярцамс.
Сынь мерить Тензэ: минек тесэ улить ансяк вете кшенек, да кавто калнок.
Сон мерьсь тенст: кандыҥк сынст тезэ Монень.
Мейле мерьсь ломатьненень луга лаҥгс ойсемеде, а (Сонсь) вете кшетьнень да кавто калтнэнь саезь, вачтась менельсть лаҥгс, баславинзе кшетьнень, да, синьдезь, максыньзе тонавтницятьненень, а тонавтницятьне - ломатьненень.
Ярцасть весе да пешкедсть.
Мейле кадовозь сускомотнеде пурнасть кемгавтово кептереть пешксеть.
Ярцыцятьнеде тейтерь-аватьнеде да эйкакшнэде башка, вете тыстяшка ульнесть.

Сеск, ломатьнень нолдамодо икеле, кармавтынзе Іисус Эсь тонавтницянзо венчес озамо, да эсьтедензэ икеле омбоце пелев печкеме.
Ломатьнень нолдазь, куйсь пандо лаҥгс ськамонзо озномо.
Сон чокшнэ-як ськамонзо тосо ульнесь.
Кода венчесь морянть кунчкасоль, кепететсь каршо варма, да кармась веньченть эснэ чавмо.
Веньть нилеце караулонь полавтума шкастонть Іисус морянть лаҥга тусь сынст ёнов.
Тонавтницятьне, Сонзэ ведь лаҥга ютамодо неезь, пелезевсть да кортасть: те неявкс
((виденіе)) тенек, да тандадозь пижакадьсть. Іисус сеск кармась кортамо марост, мерезь: кемекстадо: те Мон! Илядо пельть.
Петр мерьсь аршозонзо: Господи! улиньдерят Тон, мерьть монень Тоньть вакс едь лаҥга мольмеде.
Сон мерьсь тензэ: Сак! Венчестэнть лисезь, Петр тусь ведьсть лаҥга Іисус ёнов.
Віев варманть неезь, тандатсь, да кармась ваямо да серьгедезь мерьсь: Господи, ванумак монь! Іисус сеск, кедензэ вентезь, кирьдизе сонзэ да мери тензэ: аламо-кемиця, мейсь арсезевитьІ Кода сынь венчестень совасть, вармась лоткась.
Веньчненть улицятьне, ваксозонзо молезь, сюкунясть Тензэ, да мерьсть: алкукс Тон Пазонть Цёразо-ят.
Омбоце пелев печкезь, састь сынь Геннисаретской масторс.

Се масторонть эрицятьне, Іисусонь содазь, кучсть кулят се масторонть келес, да кандызь Тензэ весе сэредицяст, да инялдсть Тензэ, меревель бу тенст одижа краезэнзэ ансяк токадевемс.
Конат токадевильть, - сетьне пичкильть.

Глава 15.

Сестэ Іисус вакс састь Iерусалимень книжникне да фарисейтьне да мерьсть: Мейсь Тонть тонавтницят а кирьдить атятьнень койтьнесэ: сынь кшеде ярцамодо икеле кедест а шлякшносызьІ Сон каршост мерьсь: мейсь тынь-гак атятьнень коест кирьдимань кис а тейтядо Пазонь заповедьтнень корясІ Пазось мерьсь: тетять, авать мелест ванок: кона тетянстэнь эли аванстэнь терьги берянь вал, се кулозо.
А тынь кортатадо: ки мериньдеряй тетянстэнь, эли аванстэнь: мезе тонеть максумаль, сень мон Пазостень алтыя, се мейле тетянзо, аванзо мель-гак а ваныдеряй паро ули.
Истя теезь, тынь атятьнень коест кирьдимань кис Пазонь заповедьтьнень колатадо.
Эсь пряҥк парокс тейницят! Парьсте кортась тыҥк кувалма Исаія пророк: не ломатьне кургсост Монь малав сакшныть, кельсэст-как Монь Эснэ шныть, а седеест Монь эйстэ васоло ашти.
Стяко сынь шныть Монь эснэ, ломанень заповедьтьненень да тонавтуматьненень тонавтозь.
Мейле народсть тердезь, мерьсь тент: кулцонодо жа чарькодеде: Аволь се, мезе кургс сови, ломаньсть эснэ гади, а мезе кургсто лиси, се ломаньсть эснэ гади.

Сестэ тонавтницянзо, ваксозонзо молезь, мерьсть Тензэ: содат-ли, фарисейтьне, Тонть валот марязь, пежетс совастьІ Сон каршост мерьсь: эрь чувтось, конань аволь Монь менельсэ Тетям озавтызе --ёми.
Кадыҥк сынст: сынь сокоронь вецицят сокорт; ветиньдеряй ведь сокорсо сокор, сынь кавонест латкс прыть.
Петр каршонзо мерьсь: тыҥк-как ара те шкас превезэҥк а саевиІ Ара ачарькодтядо, - весе, мезе кургова сови, пекс моли, венелев молезь, ушов лиси.
А кургсто лисицятьне - седейстэ лисить, сетьне ломаньсть эснэ гадить.
Ведь седейстэ лисить апарт арсимат, ломанень маштумат, ломань ава мельга чійнимат, ава ломанень вечкимат, саламот, ломань лаҥгс кеҥгелезь невтимат, сялдумат.
Весе неватеть ломаньсть эснэ гадить, а кедень апак шляк ярцамось ломаньсть эснэ а гади.

Тосто лисезь, Іисус Тир маро Сидононь мастор сась.
Тесэ ве хананеень ава, сеть ёнкснэстэ лисезь, сеересь Тензэ: Давидэнь Цёра, Тонавтыця, ванумак монь! Монь тейтерем, амазысэ колазь, пек майси. Іисус каршонзо ве ал-гак эзь пшкать: Тонавтницянзо, ваксозонзо молезь, инялдсть Тензэ: нолдык сонзэ, сон пижни мельганок.
Сон каршост мерьсь: Мон ансяк Израилень кудонь ёмазь реветьненень кучозян.
Авась, ваксозонзо молезь, сюкунякшнось Тензэ да кортась: Тонавтыця, тейть тень лезэ! Сон каршонзо мерьсь: аволь паро кшенть эйкакшонть кедьстэ саемс да кисканень каямс.
Авась мерьсь: (те) истя, Тонавтыця! Ансяк кискатьне-як ведь яарсыть азорост столаҥгсто певериця паморькснэде.
Сестэ Іисус мерьсь каршонзо: вай, ава, Тонть кемимат покш.
Улезэ тенть мелеть коряс.
Секе частонть пичкась сонзэ тейтерзэ.

Тосто туезь, Іисус мольсь Галилейской моря чирес, да, пандо пряс кузезь, озась тозо.
Ваксозонзо мольть ламо ломать, сынь мрост туизь хромойтьнень, сокортнэнь, немойтьнень, убогойтьнень, да ліят-как ламо эредицятьнень, да путызь сынст Іисусонь пильгензэ вакс.
Сон сынст віемтинзе.
Ломатьне, немойтьнень кортамост, сэредицятьнень віеммест, хромойтьнень якамост, сокортнэнь неймаст неезь, дивасть да шнасть израилень Пазонть эснэ.

Іисус, тонавтницянзо тердезь, мерьсь тенст: жаль маряви Монень народсь, - сынь уж олмо чить аштить Монь вакснэ, а ярцамс тенст а мезьде, вачо нолдамс мелем арась, ки лаҥгсо авольть лавчомт-бу.
Тонавтницянзо мерьсть Тензэ: косто сайдянок минь чаво таркасо зняро народонь андомс кшетьІ Іисус мерьсь тенст: зняро тыҥк кшеҥк: Сынь мерьсть: сисемь, да аламошка калнэть улить.
Сон мерьсь ломатьненень масторов ойсемеде.
Сонсь, сисемь кшетьнень да калтнэнь саезь, шнызе Пазонть, мейле синтринзе да максынзе тонавтницянстэнь, а тонавтницятьне - ломатьненень.
Весе ярцасть да пешкедьсть, да кадовозь сускомотьнеде пурнасть сисемь кептереть пешксеть.
Ярсыцятнеде ульнесть, аватьнеде да эйкакшнэде башка, ниле тыстят ломань.
Ломатьнень нолдамодо мейле Іисус совась венчес да тусь Магдалинской масторс.

Глава 16.

Састь Тензэ фарисейть да саддукейть, да Сонзэ снартумань кис вейшть чуда невтемс тенст.
Сон мерьсь каршост: чокшне тынь мерьдядо: маней ули, - менельсь якстере.
Валске: шечо пиземе ули: менельсь чопулгадозь сыреждеме кармась.
Эсь пряҥк парокс тейницят! Менелень чаманть явмо машттадо, а кодамсо те шкась, - а содави теҥкІ Апаро да ускурявкс родсь чуда вешни, ансяк пророк Iонань чудадо башка, лія чуда тензэ максозь а ули.
Мейле, сынст кадозь, тусь тосто.
Омбоце пелев печкезь, тонавтницянзо стувцть кшень сайме.

Іисус мерьсь тенст: ванодо пряҥк фарисееень да саддукеень чапавтумадонть.
А сынь эсь пачкаст арсесть: Сон истя минек кшень асаймеденть чартни эснэнек.
Теде содазь, Іисус мерьсь тенст: аламонь-кемицят! мейсь эсь пачкаҥк арситядо кшень асаймедеҥкІ Или тынь оштё ачаркодьтядо, да мельсэҥк-как айашти, кода вете кшесэ вете тыстят пешкедьсть, зняро кептереть сускомотьнеде пурныдеІ Или, кода сисемь кшесэ ниле тыстят пешкедьсть, зняро кептереть прныдеІ Кода а чаркодтядо, - Мон пряҥк фарисеень да саддукеень чапавтумадо ванцтомодо мерезь, аволь кшень кувалма меринь теҥкІ Сестэ сынь чаркодьсть, што Сон мерьсь тенст пряст ванстомо аволь кшень чапавтумадонть, а фарисеень да саддукеень тонавтумадонть.

Кесарія Филиппень масторс сазь, Іисус кевстинзе тонавтницянзо: ломатьне кикс путнисамизь Монь, Ломанень ЦёрантьІ Сынь мерьсть: веенцт Іоанн Крестителькс, омбонцт Иліякс, а літ Iереміякс, или кодамокс-как пророкнэнь эйстэ.
Сон мери тенст: а тынь кикс Монь ловсамизьІ Симон, конатадо лиякс Петр мерить, мерьсь каршонзо: Тон Христозат, живой Пазонть Цёразо! Сестэ Іисус мерьсь тензэ: талановат тон, Iонань цёразо, Симон: тонеть аволь киське да верь тень содавтызе, а Монь менельсэ Тетям.
Мон-гак тенть мерян: тон Петраят
((кеват: Петр-валсь эрьзякс - кев)), те кевсть лаҥгс Мон тейса эсь церькувам, сон адонь ортатьненень-гак
((амазытьнень війстень)) а изняви.
Тонеть макссынь менелень инязорокс чинь панжуматьнень, мезенть сюлмсисак мастор лаҥгсо, се сюлмсезь ули менель лаҥгсо-як, мезенть укснисак мастор лаҥгсо, се укснезь ули менель лаҥгсо-як.

Сестэ Іисус кардыньзе тонавтницянзо, кинень-гак илят ёвтлек, што сон Іисус Христос.
Теде мейле кармась Іисус эсь тонавтницянстэнь ёвтлеме, кода Сонензэ молемс эряви Iерусалимс, да тосо атятьнень, да архіерейтьнень, да книжникнень пельде ламо Тензэ апаро кирьдемс сави, маштозь улема Тензэ да колмоце чистэ меев вельмима.
Петр терьдизе Сонзэ ве ёнов, да кармась каршонзо кортамо: Паз аштезэ, истя илязо ульть марот.
Сон, Петр ёнов велявтозь, мерьсь тензэ: ва Монь вакстон, сатана, тон Монь эснэнь маньчат; тон арсят аволь сень кувалма, мезесь Пазонь, а мезесь ломанень.

Сестэ Іисус мерьсь эсь тонавтницянстэнь: кинь мельзэ ули Монь мельга молемс, се эсь прянзо стувтоссо, саессэ эсь крёстозо
((эрямо-чинь апаронзо)), да Монь мельга молезэ.
Кинь мельзэ эсь оймензэ ванстомс, се сонзэ ёмавтсазо, а ки ёмавтсазо оймезэ Монь кис, се муйсазо сонзэ.
Кодамо лезэсь ули ломаньстень, сайсазодеряй сон весе светэсть эстензэ, а оймезэ коласазоІ Или кодамо питьне максови ломань эсь оймензэ идимань кисІ Сы Ломанень Цёрась эсь тетянзо славасо, да эсь ангелэнзэ марто, сестэ эрьва конанень максы теензэ коряс.
Видестэ мерян теҥк: улить конат-конат тесэ аштицятнень ютксо, конат а кулыть Ломанень Цёранть эсь инязорокс чисэнзэ самонть неймезэст.

Глава 17.

Кото чнь ютазь, саинзе Іисус Петрань, Іаковонь да сонзэ братонзо Іоаннань да кусьтинзе сынст ськамост сэрей пандо лаҥгс.
Тосо Сон сынст икеле ліякс теевсь: чамазо валдомсь чи лацо, одижанзо теевсть валдонь кондят ашот.
Вана, неизь Моисеень да Иліянь, Іисус марто кортамсто.
Сестэ Петр мерьсь Іисуснэнь: Тонавтыця! Парпо тесэ тенек аштемс: улиньдеряй мелеть, тейдянок колмо шалагат:
((палаткат)) вейкень тонеть, вейкень Моисейнень, вейкень Иліянень.
Сонзэ нень кортамстонть, валдо пель копачинзе сынст, да пельсть потто кортыця вайгель (марявсь): Те Монь вечкима Цёрам, Сонзэ эснэ паро мелем.
Сонзэ эснэ кулцонеде.
Тень марязь, тонавтницятьне прасть чамаст лаҥгс, да пек тандадьсть. Іисус, ваксозост молезь, тоадинзе сынст да мерьсь: стядо да илядо пельть.
Сынь, сельмест кепедезь, Іисустот башка кинь-гак эзьть нейть.
Пандонть лаҥгсто валгомсто Іисус кардынзе сынст, мерезь: мезть неиде, Ломанень Цёранть кулмосто вельмимазонзо кинень-гак илядо ёвтнек.

Тонавтницянзо кевстизь Сонзэ, мерезь: кода книжникне кортыть, што васня Иліянень самс эрявиІ Іисус мерьсь каршост: истя, васня Иліянень самс эряви, да весемень анокстамс.
Анся мерян теҥк: Иліясь уж сась, да эзизь содак сонзэ, тейсть маронзо, кода мелестэль.
Истяжо Ломанень Цёрась-как сынст пельде пиштевтима неи.
Сестэ тонавтницянзо чарькодьсть, што Сон Іоанн Крестительде кортась тенст.

Кода сынь састь народсть вакс, мольсь ваксозонзо ве ломань, да Тензэ сюкунякшнозь мерьсь: Тонатвныця! Ванык
((жалик)) монь цёрам: сон од ков шкане азаргали да пек пиштевти: сеедстэ кайси прянзо толс да ведьс.
Мон тукшныя сонзэ Тонть тонавтницятьненень, да эзь віемтевть тенст. Іисус каршонзо мерьсь: Эх, акемиця да ускурявиця род! Знярс Мон тыҥк маро улянІ Знярс карман кирьдеме эстэдеҥкІ Туиҥк сонзэ Монень тезэ. Іисус амазынть кардызе, да сон лись (эйкакшонть) потсто.
Эйкакшось секе частонть пичкась.
Сестэ тонавтницятьне мольсть Іисус вакс ськамонзо таркасо да мерьсть: мейсь миненек сон эзь паневтьІ Іисус мерьсь тенст: тыҥк акемимаҥк кувалт; видестэ мерян теҥк: улиньдеряй тыҥк вераҥк горчицянь видьстешка, да мерьдядодеряй те пандостень: айг тестэ тов, - сон айги; сестэ теҥк а теевмашка мезе-як ули.
А те (амазынь) родсь паневи ансяк ознумасо да постонь кирьдимасо.
Сынст Галилеясо эрямсто Іисус мерьсь тенст: Ломанень Цёрась максозь ули ломанень кедьс, машцызь Сонзэ да колмоце чистэ Сон мекев вельми. (Тень кувалма) сынь пек мелявтомо кармасть.

Кода састь сынь Капернаумс, Петр вакс мольсь дидрахмань
((ярмак - 43 коп)) пурныця да мерьсь: амаксыли тыҥк Тонавтыцяҥк дидрахмаІ Сон мерьсь: да, (максы).
Кода (Петр) совась кудостень, Іисус сонзэ ёвтамодо икеле мерьсь: кода тенть маряви, СимонІ Мастор лаҥгонь инязоротьне кинь пельде каявкст да пошлинат саить: эсь цёраст пельде, или лия ломанень пельдеІ Петр мерьсь: лія ломанень пельде. Іисус мерьсь тензэ: эсь цёраст а пантлить эноІ Ансяк сынст минек лаҥгс ванозь аманявмонь кис, азё моря чирес, да каяк ульма
((удочка)), васеньце поҥгозь калсть саик, да кургонзо панжозь, муят статир
((кавто дидрахмат = 86 коп.)), саик слонзэ, да максык тенст Монь кис да эсить кис.

Глава 18.

Се шкане тонавтницятьне мольсть Іисус вакс да кевстизь: менелень инязорокс чисэнть ки покшосьІ Іисус тердсь эйкакш, аравтызе кунчказост, да мерьсь: видестэ мерян теҥк: а ліякстомдадодеряй да а ульдядодеряй вишка эйкакшонь кондят, менелень инязорокс чистень а совавтадо.
Ки эсь прянзо те эйкакшонть кондямокс вишкинекс путсазо, се менелень инязорокс чисэнть покш ули.
Ки прими Монь лемс истямо эйкакш, се Монь прими, а ки неть Монень кемицятьнень, вишкинетьнень ютксто, вейкешка пежетс совавты, сенень седе паро улевель, поводевельть-как кирьгазонзо ведьгев кев, да ваятовлезь-гак морянь сэрей таркас.
Апаро масторостень маньчиматьнеде, а сыненст улемс эряви, апаро ансяк се ломаньстень, конань кувалт маньчимась сы.
Маниньдеряй эснэть кедеть или пильгеть, керик сонзэ да ёртык вакстот: седе паро ули теньть, совиньдерят ве пильгевтеме или ве кедьтеме пиҥгень пиҥкс эрямостень, а аволь кавто кедь марто или кавто пильге марто каязь улят амадиця толстень.
Маниньдеряй эснэть сельметь, таргик сонзэ да ёртык вакстот: седе паро ули тенть, совиньдерят ве сельме маро пиҥгень-пиҥгс эрямостень, а аволь кавто сельме маро каязь улят амадиця толстень.

Ванодо, вейкеде-як не вишкинетьнень эйстэ илядо безарьть.
Мерян теҥк: сынст ангелэст менельсть лаҥгсо яла неезь аштить Монь менелень Тетянь чаманзо эснэ.
Ведь Ломанень Цёрась сась мастор лаҥгс ёмазетьнень вешнеме да ваномо.
Кода тынь арситядо: улевельть-тяк ве ломанень сядо ревензэ да вейкесь эстэдест ёмаволь-гак, ара сон аволеньзе кад вейксэньгемень вейксэтьнень пандо юткс, да аволь туй ёмазенть вешнемеІ Муйсазодеряй сонзэ, видестэ мерян теҥк: сонзэ кис вейксэньгемень вейксэ апак ёмак реветьнень эздэ-як пек карми эргелеме.
Истя менельсэ Тетяҥк-как арась мельзэ, штобу не вишкинетьнень эйстэ вейкешка ёмаволь.
Теиньдеряй тонть каршо пежеть братот, мольть тензэ да визьдилгавтник сонзэ эсь ютковаҥк.
Кулцонитянзатдеряй, тон муик эсь братот, а кулцонутанзатдеряй, сайть мартот оштё вейке эли кавто (ломать), штобу кавто эли колмо неицянь кортамосо эрьва алось видекс лисевельбу.
Сынст-как акулцоносынзедеряй, церькувас
((промксос)) ёвтак.
Церькуванть-как акулцонусазодеряй, сестэ сон улезэ тенть язычникень да мытарень кондямо.

Видестэ мерян теҥк: мезе тынь сюлмситядо мастор лаҥгсо, се сюлмсезь ули менель лаҥгсо-як; мезе укснитядо мастор лаҥгсо, се укснезь ули менель лаҥгсо-як.
Таго видестэ мерян теҥк: арсиньдеряйть тыҥк ютксто кавто ломать ве мельсэ мастор лаҥгсо эрьва мезень тевде вешеме, мезе сынь а вешить, максозь ули тенст менельсэ Тетянь пельде.
Косо пурнавозь кавто эли колмо (ломать) Монь лемс - Мон-гак сынст ютксост.
Сестэ Петр, ваксозонзо молезь, мерьсь Тензэ: Тонавтыця! Зняро разт простямс монь каршо пежетень теиця братонтьІ Сисемь разт-ли Іисус мери тензэ: а мерян тенть: сисемь разт, а сисемь сизьгемень раз.

Тень кувалма менелень инязорокс чись моли инязоро ломань ёнов, кона арсесь эсь важонзо ловмо.
((отчетонь сайме)) Кода сон кармась ловмо, ульнесь тензэ ветязь ве ломань, конань ульнесть тензэ пандомс кемень тыстят талант
((ве талантось 2400 целковойть)) Кода тензэ пандомс а месне ульнесь, инязорось мерьсь міймеде: сонзэ сонсинзэ, нинзэ-як, эйкакшонзо-як, да весемень, мезезэ ульнесь, да пандомс тензэ.
Сестэ важось прась да инялдсь тензэ кортась: Инязоро! Кирьдть лаҥгсон аламос, весе теньть пандсынь.
Инязорось, се важонть жалязь нолдызе сонзэ, да долконзо-як простизе.
Се важось, лисезь, муизе сонсинзэ ялганзо, конань ульнесть пандомс тензэ сядо динаріят
((динарій - комсь копійкань ярмак)) да сонзэ кундазь, кармась эснэнзэ пувамо, мерезь: максык монень, мезе пандумат.
Ялгазо, пильгезэнзэ празь, инялдсь тензэ, мерезь: кирьдть лаҥгсон, весе тенть пандсынь.
А сон эзь учок, мольсь да долконть пандомозонзо озавтызе тюрьмас.
Тень неезь, сонзэ ялганзо пек мельс апаро саизе, да молезь, сынь ёвтлизь инязоростень весемень, мезе ульнесь.
Сестэ инязорозо терьдизе сонзэ да мери тензэ: апаро важо! Тонть инялдомат кис мон весе долкот простія.
Аволь эрявт-ли тонеть-как истя жо жалямс эсь ялгат, кода мон тонть жалитень.
Да лаҥгозонзо кежіявтозь, долконзо пандомс максызе сонзэ инязорось муцицянтень.
Истя Монь менельсэ Тетям-гак теи мартоҥк, эрьва ки юткстоҥк а простясыньзедеряй седейсэнзэ эсь братонзо пежетензэ.

Глава 19.

Кода Іисус не валтнэнь ёвтнезь прядынзе, тусь Галилеясто да сась Iорданонь омбоце пелев, Iудеень масторс.
Мельганзо мольсть ламо ломать.
Сон сынст віемтинзе
((шумбралгавтынзе)) тосо.

Састь ваксозонзо фарисейть, да Сонзэ снартлезь, мерьсть Тензэ: маштови-ли ломаннень эрьва кодамо чумонь кис нинзэ марто явмоксІ Сон мерьсь каршост: ара эзьде ловнок: васня мирьденть да нинть теицясь аволь вейс-ли сынст теинзеІ Мейле мерьсь: тень кувалма ломаньсь кадсазо тетянзо, аванзо, да педи нинзэ эйс, да теевить сынь кавонест ве киськекс.
Истя сынь улить уш аволь кавто, а ве киське.
Мезе Паз вейс тейсь, сень ломань иляссо явт.
Сынь мерьсть Тензэ: кода ино Моисей мерьсь явмань сёрмань максодо да явмо маронзо.
Сон мерьсь тенст: Моисей мерьсь теҥк ниҥк маро явмодо тыҥк калгодо седееҥк кувалма, а васня аволь истяль.
А Мон мерян теҥк: ки яви нинзэ марто аволь ускурявмонзо кувалма да урьваксты лія лаҥгс, се ускуряви; явозь ни лаҥгс урьвакстыцясь-как ускуряви.
Тонавтницянзо мерить Тензэ: ломаньнень нинзэ маро истя эрямс эрявиньдеряй, лучи а урьвакстомс-как.
Сон мерьсь тенст: весеменень те валсь а кирьдеви, ансяк кинень максозь.
Улить ломать, конат аваст пекстэ шачить ава ломань марто эрямо а маштовицякс, улить истят-как, конатненень ава марто эрямо амаштовицякс тейсызь ломать, улить истят-как ломать, конат менелень инязорокс чинть кисэ сынсь теизь пряст ава маро эрямо амаштовицякс.
Кинь війзэ саты кирьдемс, - кирьдезэ.
Сестэ ветясть Тензэ эйкакшт, штобу Сон путовлензе лаҥгозост кедензэ да озноволь кисэст.
А тонавтницянзо эсть нолда эснэст. Іисус мерьсь тенст: нолдыҥк эйкакштнэнь, да илядо кирьдть эснэст Монень сакшномодо: ведь истятнень менелень инязорокс чись.
Мейле путыньзе эйкакшнэнь лаҥгс кедензэ да тусь тосто.

Вана ве ломань, ваксозонзо молезь, мерьсь Тензэ: Паро Тонавтыця! кодамо паро тень теемс, штобу пиҥгевтеме эрямостень совамсІ Сон мерьсь тензэ: Мейсь Монень мерят пароІ Ве Паздо башка кі-як паро арась.
Мелеть улиньдеряй пиҥгевтеме эрямос совамс, тейть заповетьнень кувалт.
Сон мери Тензэ: кодатІ Іисус мерьсь: (ломань) иля машт, иля ускурявт, иля салак, ломань лаҥгс кеҥглезь иля невть.
Тетять, авать мель анок, малавиксэть эснэ вечк, кода эсь прят вечкат.
Од ломансь мери Тензэ: весемень нень мон од пиҥгстэнь кирьдян, мезе оштё тень а сатыІ Іисус мерьсь тензэ: мелеть улиньдеряй весемень прядмокс: азё міик весе ули-парот, да явшик нищёйнень: сестэ ули-парот карми ульме менель лаҥгсо, а тонсь Монь мельга мольть. (Те) валсть марязь, од ломансь нусмакадозь тусь ве ёнов: сонзэ ламоль ули-парозо. Іисус мерьсь тонавтницянстэнь: видестэ мерян теҥк: кодамо стака сюпав ломаннень менелень инязорокс чистень совамс! Таго мерян теҥк: сюпавнэнь Пазонь инязорокс чистень совамодонть шождыне верблюднэнь салмукс варянь пачк лисемс.
Тень марязь тонавтницянзо пек дивасть да мерьсть: кинь ино прязо вановиІ Лаҥгозост вачтазь, Іисус мерьсь тенст: ломаннень те а теевмешка, а Пазнэнь весе теевмешкат.
Сестэ Петр мерьсь каршозонзо: вана минь кадынек весе, да Тонть мельга туинек: мезе тенек улиІ Іисус мерьсь тенст: видестэ мерян теҥк: кода Ломанень Цёрась озы эсь славанзо престол лаҥгс, сестэ тынь-гак, Монь мельга молицятьне, озатадо кемгавтово престол лаҥга.
Израилень кемгавтово колинатьнень судямо.
Эрьва ки, кона адсазо Монь кис кудонзо, или братонзо, или сазоронзо, или тетянзо, или аванзо, или нинзэ, или эйкакшонзо, или моданзо, севате сядонь кирда саи, да пиҥгевтеме эрямос сови.
Ламо васеньцетьне теевить меельксэкс, а меельцетьне - васеньцекс.

Глава 20.

Менелень инязорокс чись моли куд-азоро ёнов, кона валське рана лись эсь виноградникезэнзэ важонь сиведьме.
Важотьне маро динаріядо чизэнзэ ладязь, куинзе эсь иноградникезэнзэ.
Колмо часонь шкане лисезь, сон нейсь ліят ульцясо стяко аштицят, да мерьсь сетьненень-гак: азёдо тынь-гак монь виноградникезэнь, зняро теҥк савмо карми - максан теҥк.
Сынь мольсть.
Таго лисезь, котоце, да вейксэце часонь шкане истя жо тейсь.
Меельсь пелев, кевійкее часонь шкане лисезь, сон муйсь ліят стяко аштицят, да мери тенст: мейс тынь чинь-оп стяо аштитядо тесэІ Сынь мерьсть тензэ: минек кі-як эзимизь сиведть.
Сон мери тенст: азёдо тынь-гак монь виноградникезэнь, мезе теҥк савмо карми, сень сайсыҥк.
Чокшнень сазь, виноградникень азорось мери кудонь ваныцястень: тердить важотьнень, да меельць пелев сазетьнень эйстэ саезь васеньцетненень пачкодемс, макст тенст питьне.
Састь кевійкее часто сиведезетьне, да сайсть вейте-вейте динарія.
Васень сазетьне арсесть, што сынь седе ламо саить; аньсяк сынь-гак сайсть вейте-вейте динарія. (Питьненть) саезь, сынь кармасть азорость лаҥгс пеняцямо, кортазь: не меельцетьне ве час аньсяк важодьсть, а минь чинь псиньть да таканьть кирьдинек, а тон сынст минек маро вейкетьстэ теить.
Сон сынст каршо мерьсь вейкенень: ялгай! Мон а обижан эснэть: аволь динаріядо ли тон ладить монь мароІ Саик тоньситьсенть да азё.
Монь мелем те меельцестень-гак максомс зняро жо, зняро тонеть.
Ара моньсинь тевсэ а теиван кода мелемІ Или тонть сельметь сіядо монь парокс ульманть лаҥгсІ Истя, меельцетьне улить васеньцекс, а васеньцетьне меельксэкс.
Ламо тердезетнеде, да аламо кочксезетнеде. Iерусалимев кузьместэ, Іисус ки лаҥгсо терьдинзе ве ёнов кемгавтово тонавтницянзо ськамост, да мерьсь тенст: Вана минь кузьдянок Iерусалимс, да Ломанень Цёрась максозь ули архіерейтьненень да книжникненень, да Сонзэ куломо судясызь.
Макссызь Сонзэ язычникненень пеелемс, чавомс да крёст лаҥгс эсксэ вачкодемс.
Колмоце чистэ Сон мекев вельми.
Сестэ мольсь ваксозонзо Зеведеень цёратьнень аваст кавто цёранзо маро да сюкунякшнозь инялдсь Тензэ таго мезень кис. Іисус мерьсь тензэ: мезе тенть эрявиІ Сон мерьсь Тензэ: мерьть, не монь кавто цёратьне озавольтьбу инязорокс исэтьт вейке Тонть виьть кедь пелеть, омбоце керш пелеть. Іисус мерьсь каршонзо: тынсь-как аздатадо, мезе вештядо.
Симеви-ли тынеҥк се кечесь, кона эряви Монень симемс, да кирьдеви-ли теҥк се пиштевтимась, кона Монень сави кирьдемсІ Сынь мерсьть Тензэ: Кирьдсынек.
Сон мери тенст: Монь кеченть тынь симсыҥк, Монь пиштевтиманть-как пиштевцыҥк, аньсяк, видьть кедь пелев или керш кедь пелев озамонь максомась аволь монь олясо, а кинень сон анокстазь Монь менельсэ Тетянь пельде.
Тень марязь, ліят емень тонатвницятьне кежіявсть кавто братнэнь лаҥгс. Іисус, сынст тердезь, мерьсь: тынь содасыҥк, - народонь инязоротьне покшокс тейнить сынст лаІсост, прявтнэ-як кирьдить эйснэст.
Тынь ютксо истя илязо ульть: а кинь мельзэ ули тыҥк ютксо покшокс улемс, се улезэ теҥк важокс: кинь мельзэ ули тыҥк ютксо васеньцекс улемс, се улезэ теҥк важокс.
Ломанень Цёравсь сась аволь Сонензэ служамонть кис, а Соньсь сась служамо да ліятьнень идимань кис оймензэ максомо. Сонзэ Iерихонсто лисемстэ, мельганзо мольть ламо ломать.
Вана кавто ки чиресэ озадо аштицят сокорт Іисусонь вакскаст ютамодо марязь, кармасть пижнеме.
Давидэнь Цёра, Тонавтыця, жалимизь минек! Народось кардась эснэст, лоткавольть-бу сееремеде, а сынь седе-як пек кармасть пижнеме, мерезь: Давидэнь Цёра, Тонавтыця, жалимизь минек. Іисус, лотказь, терьдинзе сынст да мерьсь: мезе теҥк Монь пельде эрявиІ Сынь мерить Тензэ: Господи, панжовольть бу минек сельменек. Іисус, сынст жалязь, токадевсь сынст сельмезэст да сеск кармасть нейме сынст сельмест да тусть Сонзэ мельга.

Глава 21.

Кода сынь пачкодьсть Iерусалим малав да састь Елеонской пандо чиресэ ВиІсфагія лемсэ велес, Іисус кучиньзе кавто тонавтницянзо да мерьсть тенст: азёдо велестень, кона видьстэ тыҥк икеле, тосо тынь сеск муйдядо содозь осёл да од вашине маронзо; укстезь туиҥк (сынст) Монень.
Кі-як мезе-як мериньдеряй теҥк, мереде: сынь Тонавтыцястень эрявить, - сон сеск сынст нолдасыньзе.
Весе те истя ульсь пророконь трокс ёвтазеньть топодьмань кис, кона кортась: ёвтадо Сіононь тейтерьстень, вана сы тенть Тонть Инязорот: сэтьме, кильтлима осёлонь вашо лаҥгсо ласте озазь.
Тонавтницятьне, молезь, тейсть, кода тенст мерьсь Іисус.
Ветясть осёл да осёлонь вашо, вельтизь лаҥгост эсь одижасост.
Сон озась сынст лаҥгозост.
Ламо ломать ацлесьть эсь одижасост ки лаҥга, а конат, конат чувтосто керцесть тарадт да ацлесть кинть лаҥга.
Икелензэ да мельганзо молицят ломатьне, сеерезь кортасть: Осанна Давидэнь Цёранцтэнь, Пазонь лемс сыцясь баславазь, верецестень осанна.
Кода Сон совась Iерусалимстень, весе ошось кепететьсь да кортасьть: те киІ Ломатьне кортасьть: те Іисус, Галилеень Назаретстэ пророк.
Совась Іисус азонь церкувастень да паниньзе весе церкувасонть микшницятьнень да рамсицятьнень; ярмаконь полавтницятьнень-гак столест, да гулькань микшницятьнень-гак скамикаст сявортлинзе.
Сон кортась тенст: сёрмадозь: Монь кудоньть лемзэ ознума кудо, а тынь теиҥк сонзэ разбоникень ааштима таркас.
Мольсть ваксознозо сокорт, да хромойть, Сон сынст віемтиньзе.
Первосвященникне да книжникне, кода неизь Сонзэ теевть чудатьнень да эйкакшнэнь-гак, конат церкувасонть сеересть: Осанна Давидэнь Цёранцтэнь, пек кежіявсть да мерьсть Тензэ: марясыть мезть сынь кортытьІ Іисус мерьсь тенст: да! Ара тынь знярдо-як эзьде ловнок: вишка да потиця эйкакшонь курксто Тон теить эсьтеть шнамоІ Теде мейле, сынст кадозь, лись ошостоньть да тусь ВиІаніяс, да тосо печтизе венть.

Валське, ошостень мурдамсто, вачсь Сонзэ пекезэ.
Ки чиресэ ве смоковницянь неезь, мольсь ваксозонзо, да, лопадо башка мезе-як эйстэнзэ апак муйть, мери тензэ: икеле пелев-гак знярдо-як иляст ульть тонть эйсэ умарьть.
Смоовницясь сеске коськсь.
Тень неезь, тонавтницятьне дивасть да кортасть: кода истя сеск коськсь смоковницясьІ Іисус каршост мерьсь: видестэ мерян теҥк: карминьдеряй ульме вераҥк, да а карматадодеряй кавтолдомо, аволь ансяк смоковницясть марто теезь тевтьнень кондят карматадо тейме, а мерьдядодеряй те пандостень: кепетть да морястень ёртовт, - ули истя да весе, мезе озномсто кемезь а вештядор, ма&#